༢༠༡༠ ཟླ་ ༡༡ ཚེས་ ༡༥ རེས་གཟའ་ཟླ་བ།
༄༅། །ཕྱི་ལོ་ ༢༠༡༠ ཟླ་ ༡༡ ཚེས་ ༡༥ ཉིན་མ་སུ་རི་གཏན་སློབ་དབུ་བརྙེས་ཏེ་མི་ལོ་ ༥༠ འཁོར་བའི་དུས་དྲན་སྲུང་བརྩི་ཞུས་ཡོད། དེ་ཡང་ཉིན་རྒྱབ་ཆུ་ཚོད་ ༤།༠༠ པའི་ཐོག་སྐུ་མགྲོན་གཙོ་བོ་སྐུ་ཞབས་ཨེས་སི་ཁིན་ཊི་ཡ་མཆོག་དང་། ཤེས་རིག་བཀའ་བློན་ཐུབ་བསྟན་ལུང་རིགས་མཆོག ཤེས་རིག་དྲུང་ཆེ་གཡུ་ཐོག་ཀརྨ་དགེ་ལེགས་ལགས་ཕེབས་ཡོད་ལ། དེ་བཞིན་མ་སུ་རི་གཏན་སློབ་ཀྱི་སློབ་ཟུར་ཁག་གཅིག་ཀྱང་མཛད་སྒོརམཉམ་ཞུགས་བྱས་ཡོད། དེ་ཡང་སྐུ་མགྲོན་གཙོ་བོ་རྣམས་བཞུགས་གྲལ་དུ་འཁོད་མཚམས་སློབ་ཕྲུག་ཚོས་རུ་སྒྲིག་བཏང་སྟེ་ཕེབས་བསུ་ཞུས་ཡོད་པ་དང་དེ་རྗེས་སློབ་གྲྭ་དེ་བཙུགས་ནས་ལོ་ ༥༠ འཁོར་བའི་དྲན་གསོའི་གླུ་དབྱངས་བཏང་། དེ་ནས་སློབ་གྲྭ་དེའི་སློབ་སྤྱིས་སྐུ་མགྲོན་རྣམས་ལ་ཕེེབས་བསུའི་གསུང་བཤད་གནང་། སྐུ་མགྲོན་གཙོ་བོ་མཆོག་གིས་མ་སུ་རི་གཏན་སློབ་ཀྱི་བུའི་ཉལ་ཁང་གསར་པའི་རྨང་རྡོ་གཏིང་པ་དང་ཆབས་ཅིག་བུ་མོའི་ཉལ་ཁང་གསར་པ་དབུ་འབྱེད་གནང་ཡོད་པ་མ་ཟད། མ་སུ་རི་སློབ་གྲྭའི་དུས་དེབ་དབུ་འབྱེད་གནང་། སྐབས་དེར་ཤེས་རིག་དྲུང་ཆེས་༸གོང་ས་༸སྐྱབས་མགོན་ཆེན་པོ་མཆོག་གིས་སྩལ་བའི་གསུང་འཕྲིན་སྒྲོགས་སྦྱང་གནང་ཡོད། དེ་ནས་སློབ་སྤྱིས་སློབ་གྲྭ་དེའི་གནས་ཚུལ་སྙིང་བསྡུས་གསུང་བཤད་གནང་གྲུབ་བསྟུན་སློབ་ཕྲུག་ཚོས་འཁྲབ་སྟོན་སྣ་ཚོགས་འཁྲབ་སྟེ་དུས་ཆེན་སྲུང་བརྩི་ཞུས་འདུག དེ་བཞིན་སློབ་ཕྲུག་རྣམས་ནས་ལྷན་ཁང་ཁག་གི་འགྲེམས་སྟོན་ཡང་གནང་ཡོད་པ་བཅས།།
མ་སུ་རི་གཏན་སློབ་དབུ་བརྙེས་ཏེ་ལོ་ངོ་ ༥༠ འཁོར་བའི་དུས་ཆེན་སྲུང་བརྩི་ཞུས་པ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)