༢༠༡༠ ཟླ་ ༡༠ ཚེས་ ༢༢ རེས་གཟའ་པ་སངས།
༄༅། །ཕྱི་ལོ་ ༢༠༡༠ ཟླ་ ༡༠ ཚེས་ ༢༡ ཉིན་བཙན་བྱོལ་བོད་གཞུང་ཕྱི་དྲིལ་ལས་ཁུངས་ཀྱི་ལྷག་པ་ཚེ་རིང་དྲན་རྟེན་ཚོགས་ཁང་དུ་ཨ་རིའི་ས་གནས་འདྲ་མིན་ནས་ཡིན་པའི་སློབ་ཕྲུག་གྲངས་ ༢༥ ཙམ་ལ་ཕྱི་དྲིལ་ཁོར་ཡུག་ཚན་པའི་འགན་འཛིན་བསྟན་འཛིན་ནོར་བུ་ལགས་ཀྱིས་བོད་ཀྱི་ཁོར་ཡུག་གནས་སྟངས་ངོ་སྤྲོད་གནང་རྗེས་སློབ་ཕྲུག་ཚོ་དང་ལྷན་དྲི་བ་དྲིས་ལན་དང་བགྲོ་གླེང་ཡང་གནང་ཡོད། སྐབས་དེར་བསྟན་འཛིན་ནོར་བུ་ལགས་ཀྱིས་བོད་དེ་འཛམ་གླིང་གི་སྣེ་གསུམ་པ་ཡིན་པ་དང། བོད་ནང་གི་འཁྱགས་རོམ་བཞུར་ཚད། བོད་ཀྱི་འབྲོག་པའི་དཀའ་ངལ། རྒྱ་ནག་གཞུང་གིས་བོད་ནང་གཏེར་ཁ་སྔོག་འདོན་བྱས་པ་དང་དེས་བོད་ཀྱི་ཁོར་ཡུག་ལ་རྗེས་འབྲས་ཇི་བྱུང། བོད་ནང་གི་རྒྱུག་ཆུའི་གནས་སྟངས་བཅས་ཀྱི་གནད་དོན་ཐོག་གསལ་བཤད་མཐིལ་ཕྱིན་པ་གནང་ཡོད་པ་མ་ཟད། བོད་ནང་གི་ཁོར་ཡུག་ཉམས་གསོ་བྱ་རྒྱུའི་ལས་དོན་བཙན་བྱོལ་བོད་གཞུང་གིས་སྤེལ་ཆོག་གི་མེད་པར་བརྟེན། བཙན་བྱོལ་བོད་གཞུང་ཕྱི་དྲིལ་ཁོར་ཡུག་ཚན་པས་འཛམ་གླིང་ཁྱོན་ཡོངས་ལ་བོད་ཀྱི་ ཁོར་ཡུག་གི་གནད་དོན་ཐོག་གོ་རྟོགས་སྤེལ་རྒྱུ་དང། སྔ་ལོ་ཌན་མག་གི་རྒྱལ་ས་ཀོ་པན་ཧེ་གན་གྱི་གཙོས་རྒྱལ་སྤྱིའི་ཐོག་བོད་ཀྱི་ཁོར་ཡུག་གནས་སྟངས་སྐོར་ལ་གོ་རྟོགས་སྤེལ་རྒྱུའི་ལས་གཞིའི་ཐོག་འབད་བརྩོན་བྱེད་བཞིན་ཡོད་པའི་གསལ་བཤད་ཀྱང་གནང་ཡོད་པ་བཅས།།
ཨ་རིའི་སློབ་ཕྲུག་རྣམས་ལ་བོད་ཀྱི་ཁོར་ཡུག་གནས་སྟངས་ངོ་སྤྲོད་བྱས་པ།
གསར་གནས།
འབྲེལ་གནས།
