༢༠༡༠ ཟླ་ ༡༠ ཚེས་ ༤ རེས་གཟའ་ཟླ་བ།

ཅོན་ཏ་ར།

སྦིར་སློབ་གྲྭ

༄༅། །ཕྱི་ལོ་ ༢༠༡༠ ཟླ་ ༩ ཚེས་ ༢༩ ཉིན་རྒྱབ་ཆུ་ཚོད་ ༣།༣༠ ནས་ ༦།༠༠ ཙམ་བར ཤེས་རིག་ལས་ཁུངས་ཀྱི་ཤེས་ཡོན་འགན་འཛིན་ཚེ་རིང་བསམ་གྲུབ་ནས་ཅོན་ཏ་ར་ས་གནས་མི་མང་དང་ཚེས་ ༣༠ ཉིན་རྒྱབ་ཆུ་ཚོད་ ༣།༠༠ ནས་ ༦།༠༠ སྦིར་གནས་སྡོད་ས་གནས་མི་མང་བཅས་ལ་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་ངོ་སྤྲོད་དང་དྲི་བ་དྲིས་ལན་བཅས་ལན་འདེབས་གནང་ཡོད་པ་མ་ཟད།  ཕྱི་ཟླ་ ༡༠ ཚེས་ ༧ ཉིན་མ་ནཱ་ལི་ས་གནས་མི་མང་ལ་སམ་བྷོ་ཊ་བོད་སློབ་ཀྱི་སྤྱི་ཁྱབ་འགན་འཛིན་ཀརྨ་ཆུང་བདག་དང་ཤེས་ཡོན་འགན་འཛིན་ཐུན་མོང་ནས་མི་མང་ལ་ཤེས་ཡོན་སྲིད་བྱུས་ངོ་སྤྲོད་དང་དྲི་བ་དྲིས་ལན་བཅས་ཀྱི་ལས་འཆར་སྤེལ་གཏན་འཁེལ་ཡོད་པ་རེད། གོང་གསལ་ལས་འཆར་དང་མཉམ་ཅོན་ཏ་ར་གཏན་སློབ་དང་སྦིར་ཉིན་སློབ། བྷུན་ཏར་གཏན་སློབ། མ་ནཱ་ལི་ཉིན་སློབ་བཅས་ལ་ལོ་འཁོར་ཤེས་ཡོན་རྟོག་ཞིབ་གནང་བཞིན་ཡོད་པ་རེད།