༢༠༡༠ ཟླ་ ༩ ཚེས༌ ༢༢ རེས་གཟའ་ལྷག་པ།

༄༅། །ཕྱི་ལོ་ ༢༠༡༠ ཟླ་ ༩ ཚེས་ ༢༡ ཉིན་བཀའ་ཁྲི་མཆོག་ཨུ་ཏར་ཁན་ཌི་མངའ་སྡེའི་གྲོང་ཁྱེར་སཱ་རན་པུར་དུ་རྒྱ་གར་གྱི་ཆོས་ཚོགས་ (Dharma Society) ཤིག་ཏུ་ཕེབས་ཏེ་སྟོན་པ་ཐུབ་པའི་དབང་པོའི་སྐུ་བརྙན་ཞིག་དབུ་འབྱེད་གནང་ཡོད། མཛད་སྒོའི་ཐོག་རྒྱ་གར་གཞུང་གི་མངའ་སྡེའི་བློན་ཆེན་གཙོས་དཔོན་རིགས་མི་སྣ་མང་པོས་མཉམ་ཞུགས་གནང་ཡོད། སྐབས་དེར་བཀའ་ཁྲི་མཆོག་གིས་མང་ཚོགས་མི་གྲངས་ ༡༥༠༠ བརྒལ་བ་འདུ་འཛོམས་ཐོག་ནང་ཆོས་སློབ་སྦྱོང་དང་སྒོམ་ཉམས་ལེན་བྱེད་རྒྱུ་ཧ་ཅང་གལ་འགངས་ཆེ་བ་ཡིན་སྐོར་སོགས་ཀྱི་གསུང་བཤད་ཟབ་རྒྱས་གནང་ཡོད།

དེ་རྗེས་བཀའ་ཁྲི་མཆོག་ (Gyan Kailash) ཞེས་པའི་སློབ་གྲྭ་ཞིག་ཏུ་ཕེབས་ཏེ་སློབ་གྲྭ་དེའི་སློབ་ཕྲུག་རྣམས་ལ་ཤེས་ཡོན་གྱི་གལ་གནད་དང་ནང་ཆོས་ངོ་སྤྲོད་སྐོར་ལ་གསུང་བཤད་གནང་ཡོད། དེ་བཞིན་བཀའ་ཁྲི་ཟམ་གདོང་རིན་པོ་ཆེ་མཆོག་བདེ་སྐྱིད་གླིང་བོད་མིའི་གཞིས་སྒར་དུ་ཕེབས་ཏེ་ས་གནས་མི་མང་ལ་དགོན་སྡེ་ཁག་དང་སུད་ཚོང་བ་བཞིན་གཞུང་གི་རོགས་དངུལ་ལ་མ་བརྟེན་པར་རང་ཁ་རང་གསོ་བྱེད་དགོས་པའི་ལམ་སྟོན་གསུང་བཤད་ཀྱང་གནང་ཡོད་འདུག