༄༅། །བཙན་བྱོལ་བོད་མི་མང་སྤྱི་འཐུས་ལྷན་ཁང་གིས་ལྷ་ས་འབྲིང་རིམ་ཁྲིམས་ཁང་ནས་བོད་མི་བཞི་ལ་ཁྲིམས་ཀྱི་བརྒྱུད་རིམ་གང་ཡང་མེད་པར་སྲོག་ཐོག་གི་ཉེས་ཆད་བཏང་བར་མོས་མཐུན་མེད་ཐོག་ངོ་རྒོལ་མཐའ་གཅིག་ཏུ་བྱ་རྒྱུ་ཡིན། ལྷ་ས་འབྲིང་རིམ་མི་མང་ཁྲིམས་ཁང་ཟེར་བས་བློ་བཟང་རྒྱལ་མཚན་དང་ལོ་ཡག་གཉིས་ལ་སྲོག་ཐོག་ཉེས་ཆད་བཏང་ཡོད་པར་རྒྱ་ནག་ཆེས་མཐོའི་མི་མང་ཁྲིམས་ཁང་ནས་བསྐྱར་ཞིབ་བྱ་རྒྱུ་ལྷག་ཡོད་པ་རེད།
བཙན་བྱོལ་བོད་མི་མང་སྤྱི་འཐུས་ལྷན་ཁང་ནས་ཞི་བདེ་དང་དྲང་བདེན་ལ་དགའ་བའི་གཞུང་དང་སྒེར་གྱི་ཚོགས་སྡེ་ཁག་བཅས་ལ་བློ་བཟང་རྒྱལ་མཚན་དང་ལོ་ཡག་གཉིས་ཀྱི་གནད་དོན་ཐད་ཁོང་གཉིས་ནས་ཚད་ལྡན་གྱི་ཁྲིམས་ཁང་མཐོ་བར་ཞུ་སྐུལ་ཞུ་ཐུབ་མིན་ལ་མ་ལྟོས་པར་ཁྲིམས་ཀྱི་འགྲོ་ལུགས་དང་དྲང་བདེན་ཡོང་བའི་རོགས་སྐྱོབ་གནང་རོགས་ཞུ་རྒྱུ་དང་། དེ་མཚུངས་བསྟན་འཛིན་ཕུན་ཚོགས་དང་མཁན་ཚུགས་གཉིས་ཀྱང་ལོ་གཉིས་ཕྱིར་འགྱངས་ཀྱིས་སྲོག་ཐོག་གི་ཉེས་ཆད་བཏང་ཡོད་པར་རོགས་སྐྱོབ་གནང་རོགས་ཞེས་འབོད་སྐུལ་ཞུ་རྒྱུ་བཅས།།
བོད་མི་མང་སྤྱི་འཐུས་ལྷན་ཁང་ནས་
ཕྱི་ལོ་ ༢༠༠༩ ཟླ་ ༤ ཚེས་ ༡༠ ཉིན་ལ།།
ཐུགས་སྣང་། གསལ་བསྒྲགས་ངོ་མ་དབྱིན་ཡིག་ཐོག་ཡོད་པ་ནས་འདི་ག་བོད་ཡིག་ཚན་པས་ཕབ་སྒྱུར་ཞུས་པས་ཚིག་དོན་ལ་ཧེ་བག་ཡོད་ཚེ་རྩ་བ་དབྱིན་ཡིག་རང་ལ་རྩ་འཛིན་ཡོད་པ་ཞུ།
