༢༠༡༠ ཕྱི་ཟླ་ ༦ ཚེས་ ༩ རེས་གཟའ་ལྷག་པ།
༄༅། །དཔལ་ལྡན་བཀའ་བློན་ཁྲི་པ་མཆོག་ཕྱི་ལོ་ ༢༠༡༠ ཟླ་ ༦ ཚེས་ ༡༡ ཉིན་རྡ་ས་ནས་ཅ་ཀི་བྷེང་བརྒྱུད་ལྡི་ལིར་ཕེབས་ཐོན་གནང་རྒྱུ། ཕྱི་ཚེས་ ༡༢ ཉིན་ཆུ་ཚོད་ ༩།༣༠ ཐོག་ལྡི་ལི་ནས་སྦེང་ལོར་དུ་མཁའ་ལམ་བརྒྱུད་ཕེབས་ཐོན་གནང་རྒྱུ།
དེ་ཉིན་ཆུ་ཚོད་ ༡༢།༡༠ ཐོག་སྦེང་ལོར་དུ་ཕེབས་འབྱོར་གྱིས་སྦེལ་ཀོབ་ཏུ་ཕེབས་ཐོན་གནང་རྒྱུ། ཕྱི་ཚེས་ ༡༣ ནས་ ༡༥ བར་སྦེལ་ཀོབ་ཏུ་སེར་བྱེས་དཔེ་མཛོད་ཁང་གི་གོ་སྒྲིག་ཞུས་པའི་ཚོགས་ཆེན་དང་པོར་མཉམ་ཞུགས་གནང་རྒྱུ་དང་། གཉའ་ཁྲི་དཔེ་མཛོད་ཁང་གི་ཟབ་སྦྱོང་དུ་གསུང་བཤད་གནང་རྒྱུ། ཕྱི་ཚེས་ ༡༥ ཉིན་ཆུ་ཚོད་ ༢།༠༠ ཐོག་སྦེལ་ཀོབ་ནས་སྦེང་ལོར་དུ་ཕེབས་ཐོན་གནང་རྒྱུ། ཕྱི་ཚེས་ ༡༦ ཉིན་སྔ་དྲོ་ཆུ་ཚོད་ ༩།༥༥ ཐོག་སྦེང་ལོར་ནས་ཀོལ་ཀ་ཏར་མཁའ་ལམ་བརྒྱུད་ཕེབས་ཐོན་གནང་རྒྱུ། ཉིན་རྒྱབ་ཆུ་ཚོད་ ༡༢།༢༠ ཐོག་ཀོལ་ཀ་ཏར་ཕེབས་འབྱོར་གྱིས་ཆུ་ཚོད་ ༡།༥༥ ཐོག་བྷག་ཌོ་རར་མཁའ་ལམ་བརྒྱུད་ཕེབས་ཐོན་གནང་རྒྱུ། ཕྱི་ཚེས་ ༡༦ ནས་ ༢༣ བར་ཀ་རྡོར་སྒང་གསུམ་ཁུལ་དུ་འཚམས་གཟིགས་བསྐྱང་རྒྱུུ། ཕྱི་ཚེས་ ༢༤ ཉིན་ཆུ་ཚོད་ ༢།༡༥ ཐོག་བྷག་ཌོ་ར་ནས་ལྡི་ལིར་མཁའ་ལམ་བརྒྱུད་ཕེབས་ཐོན་གནང་རྒྱུ། ལྡི་ལི་ནས་ཅ་ཀི་བྷེང་བརྒྱུད་རྡ་སར་ཕེབས་འབྱོར་གནང་རྒྱུ་ཡིན་པ་བཅས།།
