སྤྱིར་དབུ་ཁྲིད་རྣམ་གཉིས་ད་ཐེངས་མཇལ་ ༥ པ་དེ་ཆགས་ཡོད། དེ་ཡང་ཐོག་མར་ཕྱི་ལོ་ ༢༠༡༠ ཟླ་ ༢ ཚེས་ ༡༨ ཉིན་ཨ་རིའི་ཕོ་བྲང་དཀར་པོའི་ནང་མཇལ་འཕྲད་མཛད་ནས་ཆུ་ཚོད་གཅིག་ལྷག་རིང་བཀའ་མོལ་མཛད་ཡོད། དེ་རྗེས་སླར་ཡང་ཕྱི་ལོ་ ༢༠༡༡ ཟླ་ ༧ ཚེས་ ༡༦ ཉིན་དབུ་ཁྲིད་རྣམ་གཉིས་ཕོ་བྲང་དཀར་པོའི་ནང་མཇལ་འཕྲད་མཛད་རྗེས།  ཕྱི་ལོ་ ༢༠༡༤ ཟླ་ ༢ ཚེས་ ༢༡ ཉིན་ཕོ་བྲང་དཀར་པོའི་ནང་མཇལ་འཕྲད་དཀའ་མོལ་མཛད་པ་མ་ཟད།  ཕྱི་ལོ་ ༢༠༡༥ ཟླ་ ༢ ཚེས་ ༥ ཉིན་ཨ་རིའི་རྒྱལ་ས་ཝ་ཤིང་ཊོན་དུ་ཨ་རིའི་རྒྱལ་ཡོངས་ཡེ་ཤུའི་སྨོན་ལམ་གསོལ་སྟོན་གྱི་མཛད་སྒོའི་ཐོག་སྲིད་འཛིན་ཨོ་བྷ་མ་མཆོག་གིས་༸གོང་ས་མཆོག་ནི་ཁོང་གི་གྲོགས་པོ་བཟང་པོ་ཞིག་ཡིན་སྐོར་སོགས་ཆེ་བསྟོད་རྒྱ་ཆེ་ཞུས་པར་དེར་འདུས་གྲགས་ཅན་མི་སྣ་ཚང་མས་དགའ་བསུ་གཟབ་རྒྱས་ཞུས་ཡོད།   དེ་ནས་ཐེངས་འདིར་གོང་ཚེས་ཉིན་སླར་ཡང་ཕོ་བྲང་དཀར་པོའི་ནང་དབུ་ཁྲིད་རྣམ་གཉིས་མཇལ་འཕྲད་ཀྱིས་སྐར་མ་ ༤༥ ཙམ་རིང་བཀའ་མོལ་མཛད་ཡོད་བཅས་།།