༢༠༡༠ ཕྱི་ཟླ་ ༥ ཚེས་ ༡༧ རེས་གཟའ་ཟླ་བ།

༄༅། །བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ཕྱི་ལོ་ ༢༠༡༠ ཟླ་ ༥ ཚེས་ ༡༦ ཉིན་གྱི་ཕྱི་དྲོ་ཆུ་ཚོད་ ༦།༠༠ ཐོག་རྡ་ནས་སྣུམ་འཁོར་ནང་ཅ་ཀི་བྷེང་དུ་ཕེབས་ཐོན་དང་། དེ་ནས་མེ་འཁོར་བརྒྱུད་ལྡི་ལིར་ཕེབས་ཡོད། ཚེས་ ༡༨ ཉིན་ཆུ་ཚོད་ ༠༠།༣༥ ཐོག་ལྡི་ལི་ནས་མཁའ་ལམ་བརྒྱུད་ཨ་རིར་ཕེབས་ཐོན་གནང་རྒྱུ། ཚེས་ ༢༠ ནས་ ༢༧ བར་ཨ་རིར་མཛད་འཆར་ནང་མཉམ་ཞུགས་གནང་རྒྱུ་དང་། ཚེས་ ༢༧ ཉིན་ཨ་རི་ནས་ཨི་ཊ་ལིའི་རྒྱལ་ས་རོམ་དུ་ཕེབས་ཐོན་གནང་རྒྱུ།

ཚེས་ ༢༨ ནས་ ༣༠ བར་རོམ་དུ་གྲོས་ཚོགས་ཀྱི་འཐུས་མི་རྣམས་མཇལ་འཕྲད་དང་སྦྲགས་ཚོགས་འདུར་མཉམ་ཞུགས་གནང་རྒྱུ། ཚེས་ ༣༡ ནས་ཕྱི་ལོ་ ༢༠༡༠ ཟླ་ ༦ ཚེས་ ༡ བར་ཨི་ཊ་ལིའི་ས་གནས་ Trentino དང་ Bolzano དུ་ཚོགས་འདུའི་ནང་མཉམ་ཞུགས་གནང་རྒྱུ་དང་། ཚེས་ ༢ ནས་ ༥ བར་སྦར་སིལ་དུ་གྲོས་ཚོགས་ཀྱི་འཐུས་མི་དང་བོད་དོན་རྒྱབ་སྐྱོར་ཚོགས་པ། བོད་རིགས་བཅས་ལ་མཇལ་འཕྲད་དང་ཚོགས་འདུ་གནང་རྒྱུ། ཚེས་ ༦ ཉིན་ Holland དུ་བོད་རིགས་མཉམ་ཚོགས་འདུ་གནང་རྒྱུ་དང་། ཚེས་ ༧ ནས་ ༡༣ བར་ནོར་ཝེ་དང་སི་བི་ཌན་ (Sweden) ཌན་མཀ་ (Denmark) ས་གནས་སུ་གྲོས་ཚོགས་ཀྱི་འཐུས་མི་དང་། བོད་དོན་རྒྱབ་སྐྱོར་ཚོགས་པ། བོད་རིགས་བཅས་ལ་མཇལ་འཕྲད་དང་ཚོགས་འདུ་གནང་རྒྱུ། ཚེས་ ༡༤ ནས་ ༡༩ བར་སི་པན་ (Spain)  ས་གནས་སུ་གྲོས་ཚོགས་ཀྱི་འཐུས་མི་དང་བོད་དོན་རྒྱབ་སྐྱོར་ཚོགས་པ།

བོད་རིགས་བཅས་ལ་མཇལ་འཕྲད་དང་ཚོགས་འདུ་གནང་རྒྱུ། ཚེས་ ༢༠ ནས་ ༢༣ བར་སུད་སིའི་ས་གནས་ཇི་ནི་ཝ་རུ་རྒྱལ་སྤྱིའི་མཉམ་འབྲེལ་རྒྱལ་ཚོགས་ཀྱི་འཐུས་མི་ཁག་དང་མཇལ་འཕྲད་གནང་རྒྱུ། ཚེས་ ༢༤ ནས་ ༢༦ བར་ཛུ་རིག་ཏུ་ལས་དོན་གཞན་གྱི་ཆེད་སྒེར་དགོངས་གནང་རྒྱུ།

ཚེས་ ༢༧ ཉིན་ཕ་རན་སིའི་རྒྱལ་ས་པེ་རི་སིར་བོད་རིགས་མཉམ་ཚོགས་འདུ་གནང་རྒྱུ་དང་ཚེས་ ༢༨ ཉིན་པེ་རི་སི་ནས་ཕེབས་ཐོན་གྱིས་ཕྱི་དྲོ་ ༡༠། ༣༥ ཐོག་ལྡི་ལིར་ཕེབས་འབྱོར་གནང་རྒྱུ་བཅས།