ཕྱི་ལོ་ ༢༠༡༥ ཟླ་ ༩ ཚེས་ ༩ རེས་གཟའ་ལྷག་པ།
༄༅། །འདི་གར་ཤེས་རིག་ལས་ཁུངས་ནས་ཕྱི་ལོ་ ༢༠༡༥ ཟླ་ ༩ ཚེས་ ༩ ཉིན་འབྱོར་གནས་ནང་འཁོད་དོན། ཁེ་ན་ཊར་གནས་སྡོད་བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་ཟུར་པ་གྲངས་ ༦༡ ནས་གཙོ་བོ་ྋགོང་ས་༸སྐྱབས་མགོན་ཆེན་པོའི་དགོངས་གཞི་སྒྲུབ་ཐབས་དང༌། ཡང་སྒོས་བོད་མི་རིགས་ཀྱི་འཐབ་སྩོད་གསོན་པོར་གནས་དང་གནས་མིན་མི་རབས་གསར་པའི་ཤེས་ཡོན་གནས་ཚད་ལ་རག་ལུས་པ་ལྟར། ཤེས་ཡོན་ཚད་མཐོའི་མི་སྣ་གསོ་སྐྱོང་མཐུན་འགྱུར་ཆེད་དམིགས་རང་རིགས་སློབ་མ་གསུམ་ལ་རིགས་གཅིག་རྐང་འཛིན་ (Ph.D) སློབ་ཡོན་རོགས་སྐྱོར་གནང་བྱུང་བར་ཐུགས་རྗེ་ཆེ་ཞུ་རྒྱུ་དང༌། ལས་འགུལ་འདིའི་འགན་འཁུར་སྣེ་ཁྲིད་གནང་མཁན་སྐུ་ཞབས་ཐུབ་བསྟན་དབང་རྒྱལ་ལགས་སུ་དམིགས་བསལ་ཐུགས་རྗེ་ཆེ་ཞུ་གི་ཡོད།
དེ་བཞིན་མོན་གྷོ་དགའ་ལྡན་ཤར་རྩེ་ལྷོ་པ་ཁང་ཚན་གྱི་དགེ་བཤེས་ཚེ་གྲུབ་རྡོ་རྗེ་ལགས་ནས་བོད་མིའི་སྒྲིག་འཛུགས་ཤེས་རིག་ལས་ཁུངས་ཀྱིས་བོད་མི་རིགས་འཕེལ་རྒྱས་ལ་དམིགས་ཏེ་བཙན་བྱོལ་བོད་མིའི་ཁྱིམ་ཚང་ཕྲུ་གུ་ ༣ ཡན་ཡོད་པའི་རང་རིགས་རྣམས་ལ་དམིགས་བསལ་ཤེས་ཡོན་མཐུན་རྐྱེན་གྱི་ལས་གཞིའི་ཆེད་ཞལ་འདེབས་ཧིན་སྒོར་འབུལ་ལྔ་ ༼༥༠༠༠༠༠༽ གནང་བར་ཐུགས་རྗེ་ཆེ་ཞུ་རྒྱུ་ཡིན། །
