༢༠༡༥ ཟླ་ ༨ ཚེས་ ༡༨ རེས་གཟའ་མིག་དམར།
༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་ཕྱི་ལོ་ ༢༠༡༥ ཟླ་ ༨ ཚེས་ ༢༠ ནས་ ༢༩ བར་ལྡི་ལི་དང་ལ་དྭགས་ཁུལ་དུ་གཞུང་འབྲེལ་ཕྱོགས་ཕེབས་གནང་གཏན་འཁེལ་འདུག
དེ་ཡང་ཕྱི་ཟླ་ ༨ ཚེས་ ༢༠ ཉིན་རྡ་ས་ནས་ཕེབས་ཐོན་གནང་སྟེ་ཕྱི་ཚེས་ ༢༡ ནས་ ༢༣ བར་ལྡི་ལིར་བོད་ཀྱི་སྲིད་བྱུས་ཉམས་ཞིབ་ཁང་དང་ལྡི་ལི་གཙུག་ལག་སློབ་གྲྭ་ཆེན་མོ་བཅས་ནས་གོ་སྒྲིག་གནང་བའི་ཁོར་ཡུག་ཚོགས་འདུར་གསུང་བཤད་དང་དེ་མིན་ལྡི་ལིར་མི་སྣ་མཇལ་འཕྲད་གནང་རྒྱུ། ཕྱི་ཚེས་ ༢༤ ཉིན་ལྡི་ལི་ནས་ལ་དྭགས་སུ་ཕེབས་ཐོན་གྱིས་ཕྱི་ཚེས་ ༢༥ ཉིན་ལ་དྭགས་རྒྱལ་སྤྱིའི་བསྟི་གནས་ཁང་གི་ཚོགས་འདུར་གསུང་བཤད་གནང་རྒྱུ་དང་། གཞིས་ཆགས་ཀྱི་བོད་རིགས་མི་མང་ལ་གསུང་བཤད་གནང་རྒྱུ། ཕྱི་ཚེས་ ༢༦ ཉིན་ཕྱིར་ལྡི་ལིར་ཕེབས་ཐོན་གྱིས་ཕྱི་ཚེས་ ༢༧། ༢༨ བཅས་ཉིན་གཉིས་རིང་མི་སྣ་མཇལ་འཕྲད་གནང་རྒྱུ། ཕྱི་ཚེས་ ༢༩ ཉིན་ཕྱིར་རྡ་སར་ཕེབས་འབྱོར་གནང་རྒྱུ་ཡིན་པ་བཅས།།
