༢༠༡༠ ཕྱི་ཟླ་ ༤ ཚེས་ ༡༤ རེས་གཟའ་ལྷག་པ།
༄༅། །ཕྱི་ལོ་ ༢༠༡༠ ཟླ་ ༤ ཚེས་ ༡༤ ཉིན་བོད་ནང་གི་སྔ་དྲོ་ཆུ་ཚོད་ ༥།༠༠ ཐོག་བོད་མདོ་ཁམས་མཚོ་སྔོན་ཞིང་ཆེན་གྱི་སྐྱེ་རྒུ་མདོར་ས་ཡོམ་ཤུགས་ཆེ་བརྒྱབ་པ་དང་། དེ་རྗེས་བསྟུད་མར་ས་ཡོམ་ཤུགས་ཆེ་ལན་མང་ཞིག་བརྒྱབ་པར་བརྟེན། རང་རིགས་གཙོ་བོར་གྱུར་བའི་མི་གྲངས་མང་པོའི་ཚེ་སྲོག་ཤོར་བ་དང་རྨས་སྐྱོན་བྱུང་བ་རྣམས་ལ་གདུང་སེམས་མཉམ་སྐྱེ་མཚོན་ཆེད་ཕྱི་ཚེས་ ༡༤ ཉིན་རྒྱབ་ཆུ་ཚོད་ ༤།༣༠ ཐོག་རྡ་སར་རྟེན་གཞི་བྱས་པའི་བཙན་བྱོལ་བོད་གཞུང་གི་དབུས་ལས་ཁུངས་ཁག་སྒོ་བརྒྱབ་སྟེ་སྤྱི་ཐབ་ཡང་སྟེང་དུ་ཁྲིམས་ཞིབ་པ་ཆེ་བ་མཆོག་གི་དབུས་ཁྲིམས་ཞིབ་པ་གཞན་དང་།
བོད་མི་མང་སྤྱི་འཐུས་རྣམ་པ། བཙན་བྱོལ་བོད་གཞུང་གི་བཀའ་བློན་ཁྲི་པ་མཆོག་གི་དབུས་བཀའ་བློན་རྣམས་པ། ལྷན་ཁང་ཁག་གི་དྲུང་ཆེ་ཆུང་། དེ་བཞིན་ལས་བྱེད་པ་རྣམས་ཚང་འཛོམས་ཐོག་སྨོན་ལམ་གསུང་འདོན་གནང་ཡོད།
