༢༠༡༠ ཕྱི་ཟླ་ ༤ ཚེས་ ༡༣ རེས་གཟའ་མིག་དམར།
༄༅། །བལ་ཡུལ་ཀ་ཐ་མན་གྲུ་ས་གནས་འོས་བསྡུ་ལས་ཁང་ནས་ཕྱི་ལོ་ ༢༠༡༠ ཟླ་ ༤ ཚེས་ ༡༢ འཁོད་གནས་ནང་གསལ། བལ་ཡུལ་དུ་གནས་སྡོད་དེ་སྔ་དཔལ་འབྱོར་ལས་ཁུངས་ཀྱི་ཁྱབ་ཁོངས་སུ་ཡུན་རིང་ཕྱག་ལས་གནང་མྱོང་བ་ཚེ་རིང་དོན་གྲུབ་ལགས་སུ་བལ་ཡུལ་ཀ་ཐ་མན་གྲུའི་མཆོད་འཇོར་མང་ཚོགས་ནས་བཅའ་སྒྲིག་དགོངས་དོན་བཞིན་དེ་གའི་ས་གནས་འགོ་འཛིན་དུ་བརྒྱ་ཆ་ ༨༧།༡༣ རྒྱལ་ཁ་ཐོབ་སྟེ་མང་མོས་འོས་འདེམས་བྱུང་ཡོད་པར། དབུས་འོས་བསྡུ་ལས་ཁུངས་ནས་འཚམས་འདྲི་གནང་བ་དང་ཆབས་ཅིག་འོས་བསྡུའི་སྒྲིག་དོན་ ༨༠།༡ དགོངས་དོན་ལྟར། ཕྱི་ལོ་ ༢༠༡༠ ཟླ་ ༤ ཚེས་ ༢༠ ནས་ལོ་གསུམ་རིང་དེ་གའི་ས་གནས་འགོ་འཛིན་དུ་བསྐོ་གཞག་གནང་ཡོད་པ་མ་ཟད། འབྱུང་འགྱུར་སྒྲིག་གསལ་ས་གནས་འགོ་འཛིན་གྱི་ལས་ཡུན་མ་རྫོགས་གོང་ཉིན་གྲངས་ ༣༠ ནང་ཚུན་ས་གནས་འོས་བསྡུ་ལས་ཁང་བརྒྱུད་བསྐྱར་དུ་འོས་འདེམས་བྱ་རྒྱུའི་འོས་བསྡུའི་ཆོག་མཆན་བཀའ་འཁྲོལ་ཞུས་ཟིན་པ་དགོས་གལ་དམ་འཛིན་གནང་གལ་དང་། འཛིན་སྐྱོང་ལས་དོན་དང་འབྲེལ་བའི་ཞུ་སྒོའི་སྐོར་རང་གཞུང་བཀའ་ཤག་ནས་ཟུར་དུ་བཀོད་ཁྱབ་ལམ་སྟོན་ཕེབས་རྒྱུ་ལྟར་ས་གནས་མང་ཚོགས་ཀྱི་རེ་དོན་སྙིང་བཅངས་ཀྱི་སྤྱི་དོན་ལྷག་བློ་དགོས་པའི་སྐུལ་ལྕག་ཀྱང་གནང་ཡོད་པ་བཅས་སོ།
