༢༠༡༠ ཕྱི་ཟླ་ ༡ ཚེས་ ༢༩ རེས་གཟའ་པ་སངས།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
༄༅། །ཕྱི་ལོ་ ༢༠༠༩ ཟླ་ ༡༠ ཚེས་ ༢༦ ཉིན་ཨ་རིའི་གཞུང་གིས་བཏོན་པའི་རྒྱལ་ཁབ་ ༢༠༠ ཙམ་གྱི་ནང་ཆོས་ལུགས་རང་དབང་གི་གནས་སྟངས་དང་འབྲེལ་བའི་ལོ་འཁོར་སྙན་ཐོ་དེའི་ནང་བོད་ཀྱི་ཆོས་ལུགས་རང་དབང་གི་ལོ་འཁོར་སྙན་ཐོ་དེ་ཕྱི་ལོ་ ༢༠༡༠ ཟླ་ ༡ ཚེས་ ༢༧ ཉིན་ཨ་རིའི་བདེ་སྲུང་ལས་ཁུངས་ཀྱིས་བོད་བསྒྱུར་བྱས་ཏེ་བཏོན་ཡོད། སྙན་ཐོ་དེ་བཞིན་ད་ལྟའི་ཆར་སྐད་ཡིག་མི་འདྲ་བ་ ༡༤༨ ཙམ་གྱི་ནང་བསྒྱུར་རྒྱུའི་དམིགས་ཡུལ་ཡོད་པ་ནི་གནས་ཚུལ་དེ་དག་གོ་རྟོགས་དང་ཁྱབ་སྤེལ་ཡོང་སླད་ཡིན་འདུག སྙན་ཐོ་དེ་ནི་ཨ་རིའི་གཞུང་ནས་བོད་ཡིག་ཐོག་ཕབ་བསྒྱུར་བྱས་ཏེ་བཏོན་པའི་སྙན་ཐོ་དང་པོ་དེ་ཆགས་ཡོད། དེའི་ནང་ཨ་རིའི་གཞུང་གིས་བོད་ནང་གི་འགྲོ་བ་མིའི་ཐོབ་ཐང་དང་། བོད་མིའི་ཐུན་མིན་ཆོས་དང་། སྐད་ཡིག རིག་གཞུང་དེ་དག་གཅེས་འཛིན་དང་ཡར་རྒྱས་ཐོག་སེམས་འཚབ་ཡོད་ཚུལ་སོགས་འཁོད་ཡོད། གཞན་ཡང་སྙན་ཐོའི་ནང་འཁོད་དོན། སྙན་ཐོ་དེ་བཀོད་སྒྲིག་བྱེད་སྐབས་བོད་རང་སྐྱོང་ལྗོངས་དང་བོད་ཀྱི་ས་ཁུལ་གཞན་ནང་ཆོས་ལ་དམ་བསྒྲགས་ཤུགས་ཆེ་བྱེད་བཞིན་པའི་སྐབས་ཤིག་ཡིན་པ་དང་། དེ་བཞིན་དམིགས་བསལ་ཆོས་ལུགས་དུས་ཆེན་དང་གལ་ཆེའི་ཆོས་ཕྱོགས་ཀྱི་དུས་ཆེན་སོགས་ལ་དམ་བསྒྲགས་ཤུགས་ཆེ་བྱེད་བཞིན་ཡོད་པ་མ་ཟད། རྒྱ་ནག་གཞུང་གིས་དགོན་སྡེ་ཁག་གི་ཉིན་རེའི་ཆོས་ཕྱོོགས་ཀྱི་ལས་དོན་སོགས་ལ་སྟངས་འཛིན་བྱེད་རྒྱུའི་ཐད་དམིགས་བསལ་དམ་བསྒྲགས་བྱེད་བཞིན་པའི་སྐབས་ཤིག་ཡིན་པ་རེད། གང་ཡིན་ཟེར་ན་ཕྱི་ལོ་ ༢༠༠༨ ཟླ་ ༣ ནང་བོད་ཀྱི་ས་ཁུལ་ནང་ཟིང་འཁྲུག་ཆེན་པོ་བྱུང་ཡོད་པ་རེད། ཨ་རིའི་གཞུང་གིས་མུ་མཐུད་དེ་རྒྱ་ནག་མི་མང་སྤྱི་མཐུན་རྒྱལ་ཁབ་ལ་༸གོང་ས་མཆོག་གི་སྐུ་ཚབ་དང་ལྷན་དོན་ཕན་སོན་པའི་གྲོས་མོལ་གནང་དགོས་པའི་བཀུལ་མ་གཏོང་རྒྱུ་དང་། རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་དེས་བོད་མིའི་འཚོ་བའི་གནས་སྟངས་དང་། མཐུན་མིན་རིག་གཞུང་། གོམས་གཤིས་བཅས་ལ་དོ་ཕོག་བྱུང་བར་བརྟེན་དཀའ་ངལ་འཕྲད་བཞིན་ཡོད་པས་དཀའ་ངལ་དེ་དག་སེལ་ཐབས་བྱེད་དགོས་ཞེས་འཁོད་ཡོད་པ་བཅས།
ཨ་རིའི་བདེེ་སྲུང་ལས་ཁུངས་ནས་སྙན་ཐོ་བོད་ཡིག་ནང་བསྒྱུར་ཏེ་བཏོན་པ།
གསར་གནས།
འབྲེལ་གནས།
