ཕྱི་ལོ་ ༢༠༡༥ ཟླ་ ༧ ཚེས་ ༣ རེས་གཟའ་པ་སངས།

༄༅། །ཕྱི་ལོ་ ༢༠༡༥ ཟླ་ ༦ ཚེས་ ༢༢ ཉིན་བལ་ཡུལ་རྒྱལ་ཡོངས་འཛིན་རིམ་བཅུ་པའི་ཡིག་རྒྱུགས་ཆེན་མོའི་གྲུབ་འབྲས་གསལ་བསྒྲགས་གནང་ཡོད།

དེ་ཡང་བལ་ཡུལ་རྒྱལ་ཡོངས་འཛིན་རིམ་བཅུ་པའི་ཡིག་རྒྱུགས་ཆེན་མོའི་ནང་བོད་པའི་སློབ་གྲྭ་ཁག་གསུམ་སྟེ། སྲོང་བཙན་མཐོ་སློབ་དང་། རྣམ་རྒྱལ་མཐོ་སློབ། སྤོག་ར་བོད་ཁྱིམ་བཅས་ཀྱི་སློབ་ཕྲུག་གྲངས་ ༡༥༥ ནས་དངོས་སུ་འཛུལ་ཞུགས་བྱས་ཁོངས་སུ་སློབ་ཕྲུག་གྲངས་ ༡༥༤ ཡིག་རྒྱུགས་འཕྲོད་ཡོད།

ཡིག་རྒྱུགས་འཕྲོད་མཁན་སློབ་ཕྲུག་གི་བརྒྱ་ཆ་ ༩༩༌༣༥ ཡིན་པ་དང་། དེའི་ནང་ནས་བུ་ཡིག་རྒྱུགས་འཕྲོད་ཚད་བརྒྱ་ཆ་ ༡༠༠ དང་། བུ་མོ་ཡིག་རྒྱུགས་འཕྲོད་ཚད་བརྒྱ་ཆ་ ༩༥་༨༣ བཅས་ཡིན་འདུག

འདི་ལོའི་བལ་ཡུལ་རྒྱལ་ཡོངས་འཛིན་རིམ་བཅུ་པའི་ཡིག་རྒྱུགས་ཆེན་མོའི་ནང་བོད་སློབ་ཁག་གི་སློབ་ཕྲུག་རྣམས་ཀྱི་ཡིག་རྒྱུགས་གྲུབ་འབྲས་གང་ལེགས་བྱུང་བར་བོད་མིའི་སྒྲིག་འཛུགས་ཤེས་རིག་ལས་ཁུངས་ནས་སློབ་ཕྲུག་དང་། འཛིན་སྐྱོང་། དགེ་རྒན། ཕ་མ་བཅས་ལ་འཚམས་འདྲི་དང་། བསྔགས་བརྗོད་གནང་འདུག །།