༢༠༡༥ ཟླ་ ༤ ཚེས་ ༢༧ རེས་གཟའ་ཟླ་བ།
༄༅། །ཕྱི་ལོ་ ༢༠༡༥ ཟླ་ ༤ ཚེས་ ༢༦ ཉིན་ལོ་གཉིས་རེའི་མཚམས་སུ་ཐེངས་རེ་ཚོགས་སྲོལ་ཡོད་པའི་རྒྱལ་སྤྱིའི་བུད་མེད་སྲུང་སྐྱོབ་ལྷན་ཚོགས་ DEFENDING THE DEFENDERS ནེ་དར་ལེན་ཌིའི་ Netherland གྲོང་ཁྱེར་སན་པོ་པུ་ཌ་ནུ་ཌ་ Santpoort-Noord ཞེས་པ་དེར་ཚོགས་འདུག སྐབས་དེར་བརྗོད་གཞི་གཙོ་བོ་ནི་བུད་མེད་ཀྱི་ཐོབ་ཐང་སྲུང་སྐྱོབ་བྱེད་མཁན་རྣམས་ལ་ཉེན་སྲུང་ཇི་ལྟར་བྱེད་དགོས་སྐོར་ཡིན་འདུག
སྐབས་དེར་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས་བུད་མེད་ཀྱི་ཐོབ་ཐང་རྩོད་ལེན་པ་རྣམས་ཀྱི་སྲོག་ལ་ཉེན་ཁ་འཕྲད་བཞིན་པ་རྣམས་ལྡོག་ཐབས་སྐོར་གྱི་བགྲོ་གླེང་ལས་རིམ་གཙོ་སྐྱོང་གནང་བ་མ་ཟད། བོད་ནང་གི་བུད་མེད་ཚོས་འགྲོ་བ་མིའི་ཐོབ་ཐང་རྩོད་ལེན་ཇི་ལྟར་གནང་བཞིན་པའི་སྐོར་གཏམ་བཤད་གནང་འདུག ལྷན་ཚོགས་གོ་སྒྲིག་གནང་མཁན་ལྕམ་སྐུ་ཇོ་ཌི་ཝིལ་ཡེམ་སི་ Jody Williams མཆོག་དང་། མེ་རེ་ཌ་མ་གོ་རེ་མཆོག Mairead Maguire ཝང་ག་རི་མ་ཐ་ཡི་མཆོག Wangari Maathai ཤི་རིན་ཨི་བྷ་ཌི་ Shirin Ebadi མཆོག རོ་བྷེར་ཏ་མན་ཆུ་ Rigoberta Menchú མཆོག དེ་བཞིན་བྷེ་ཊི་ཝིལ་ཡེམ་སི་མཆོག་ Betty Williams བཅས་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་གྱི་བུད་མེད་དྲུག་ཡིན་འདུག
སྤྱིར་ལྷན་ཚོགས་སྐབས་དེར་བུད་མེད་ཀྱི་ཐོབ་ཐང་རྩོད་ལེན་པ་དང་ཞི་བདེ་གོང་འཕེལ་གྱི་ལས་འགུལ་བ། ཁྲིམས་རྩོད་པ། ཉམས་ཞིབ་པ། གཏོང་ཕོད་ཅན་གྱི་སྦྱིན་བདག དེ་བཞིན་གསར་འགོད་པ་བཅས་ཁྱོན་རྒྱལ་ཁབ་ ༢༠ ནས་མི་གྲངས་ ༡༡༤ མཉམ་ཞུགས་གནང་འདུག འདས་ལོའི་ནང་ལྷན་ཚོགས་དེ་ལྟ་བུ་ལྷོ་ཨ་མི་རི་ཀའི་གོ་ཏ་མ་ལ་ Guatemala དང་། ཡུ་རོབ་ཀྱི་རྒྱལ་ཁབ་ཨ་ཡིར་ལེན་ཌི། Ireland དེ་བཞིན་ཁེ་ན་ཌ་ Canada བཅས་ཀྱི་ནང་ཚོགས་ཟིན་འདུག
