༢༠༡༤ ཟླ་ ༩ ཚེས་ ༢༢ རེས་གཟའ་ཟླ་བ།
གཞིས་གྲོང་བཞི་པའི་མང་ཚོགས།
༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༤ ཟླ་ ༩ ཚེས་ ༢༢ ཉིན་བཏང་གནས་ནང་འཁོད་དོན། ལྷོ་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ས་གནས་ཁྲིམས་ཞིབ་པ་བཀྲ་ཤིས་དབང་འདུས་ལགས་ཀྱིས། ཕྱི་ལོ་ ༢༠༡༤ ཟླ་ ༩ ཚེས་ ༡༡ ནས་ཚེས་ ༡༦ བར་མོན་གྷོ་འདོད་རྒུ་གླིང་ས་གནས་འཐུས་ཚོགས་སྐབས་བརྒྱད་པའི་བདམས་ཐོན་ཚོགས་མི་དང། ཚོགས་གཙོ་ཚོགས་གཞོན་བཅས་ཀྱི་ལས་ཁུར་དམ་བཅའ་འབུལ་བཞེས་ཀྱི་གནང་སྒོ་ལེགས་གྲུབ་བྱུང་བསྟུན། ཁྱབ་ཁོངས་མོན་གྷོ་འདོད་རྒུ་གླིང་གཞིས་ཆགས་ཀྱི་སེར་སྐྱ་མིང་ལ་ཁྲིམས་ལུགས་གོ་རྟོགས་སྤེལ་ཡོད།
གཞིས་གྲོང་དྲུག་པའི་མང་ཚོགས།
དེ་ཡང་ཕྱི་ལོ་ ༢༠༡༤ ཟླ་ ༩ ཚེས་ ༡༢ ཉིན་སྔ་དྲོར་ས་གནས་ཁྲིམས་ཞིབ་པ་བཀྲ་ཤིས་དབང་དབང་འདུས་ལགས་ཀྱིས་གཞིས་གྲོང་གསུམ་པ་དང་གཞིས་གྲོང་ལྔ་པ། ཉིན་རྒྱབ་གཞིས་གྲོང་དང་པོ་དང་གཞིས་གྲོང་གཉིས་པ། ཚེས་ ༡༣ སྔ་དྲོ་གཞིས་གྲོང་དགུ་པ་དང། གཞིས་གྲོང་བཞི་པ། ཉིན་རྒྱབ་གཞིས་གྲོང་བརྒྱད་པ། དགོང་དྲོ་འབྲས་སྤུངས་བླ་སྤྱི་ཚོགས་ཁང་དུ་འབྲས་སྤུངས་བློ་གསལ་གླིང་དང་། སྒོ་མང། ར་སྟོད་གྲྭ་ཚང་། ས་སྐྱ་དགོན་པ། ། བཀའ་བརྒྱུད་དགོན་པ། ཚེས་ ༡༤ སྔ་དྲོ་གཞིས་གྲོང་བདུན་པ་དང། གཞིས་གྲོང་དྲུག་པ།
དགའ་ལྡན།
ཉིན་རྒྱབ་བཙུན་དགོན་ཚོགས་ཁང་དུ་བཙུན་མ་རྣམ་པ། དགོང་དྲོ་དགའ་ལྡན་བླ་སྤྱི་ཚོགས་ཁང་དུ་དགའ་ལྡན་ཤར་རྩེ་དང་བྱང་རྩེ། རྙིང་མ་དགོན་པ། ས་སྐྱ་དམ་ཆོས་གླིང་བཅས་ཀྱི་དགེ་འདུན་པ་བཅས་སྔ་རྗེས་སུ་ཁྱོམ་བསྡོམས་སེར་སྐྱ་མི་མང་ ༣༡༩༥ ལ་བཙན་བྱོལ་བོད་མིའི་ཁྲིམས་ལུགས་དབང་འཛིན་ངོ་སྤྲོད་དང་།
ཁྲིམས་ཞིབ་ཁང་རིམ་པའི་ཁྲིམས་ཁོངས་ཁྱབ་ཚད། གོང་ཞུའི་ཁྲིམས་ཁོངས། ཞུ་སྦྱོར་ཡིག་ཆ་དང་དེབ་འགོད་བྱ་ཚུལ། གཞི་རྩའི་ཐོབ་ཐང་ལག་བསྟར་ཡོང་བའི་བདེ་སྙན། ལྷོ་ཕྱོགས་གཞིས་ཆགས་ཁག་ལྔའི་ནང་བཙན་བྱོལ་བོད་མིའི་ཁྲིམས་དང་ལམ་ལུགས་ཀྱི་ཁྲིམས་རྩོད་པ་ཇི་ཡོད་བཅས་ངོ་སྤྲོད་དང། ཟུར་བཙུགས་བོད་མིའི་ས་གནས་ཁྲིམས་ཞིབ་ཁང་གི་འཕྲལ་སེལ་ཁ་མཆུ་ཞུ་གཏུག་བྱ་ཡུལ་བཅས་ཀྱི་སྐོར་གསུང་བཤད་དང་། དྲི་བ་ཁག་ལ་ལན་འདེབས་བྱས་ཡོད་པ་མ་ཟད། གཏུག་བཤེར་བྱ་རིམ་དང་ཞུ་རྩ་གཉིས་ཀྱི་འདྲ་བཤུས་ ༢༦༠༠ ཙམ་ཁྲིམས་ལུགས་གོ་རྟོགས་སྤེལ་ཡུལ་ཁག་སོ་སོར་འགྲེམས་སྤྲོད་བྱས་ཡོད་འདུག
