༢༠༡༤ ཟླ་ ༩ ཚེས་ ༤ རེས་གཟའ་ཕུར་བུ།
༄༅། །འདི་ནས་ ༢༠༡༤ ཟླ་ ༧ ཚེས་ ༢༤ འཁོད་གཞུང་འབྲེལ་གསར་འགྱུར་བརྒྱུད་ལམ་ཁག་ལ་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ཆེད་ཚན་རིག་དང། སྤྱི་ཚོགས་ཚན་རིག ཨང་རྩིས་བཅས་ཀྱི་ཆེད་སློབ་དེབ་རྩོམ་སྒྲིག་པ་སྡེ་ཚན་འགན་འཛིན་གསུམ་དང། བརྡ་ཆད་གཏན་འབེབས་ཚན་པ་ཆེད་སྡེ་ཚན་འགན་འཛིན་གསུམ་བཅས་སྡེ་འགན་གྲངས་ ༦ གསར་བསྐོའི་ཤེས་ཚད་རྒྱུགས་གཞི་བོད་ཨིན་གཉིས་དང་། གཞི་རྩའི་རྩིས་ཁྲ་འཇོག་ཉར། ཆབ་སྲིད་བཅས་ཡིན་པར་འཚང་སྙན་འབུལ་མི་རྣམས་ནས་ཡིག་རྒྱུགས་བཞི་གཏོང་དགོས་གསལ་བསྒྲགས་ཟིན་པ་དེ་ལྟར་ཡང།
ད་ཆ་ཤེས་རིག་ལས་ཁུངས་ཀྱི་དགོས་མཁོ་དང་བསྟུན་ནས་ཤེས་ཚད་རྒྱུགས་གཞི་བོད་ཨིན་གཉིས་ཁོ་ན་ཡིན་པར་བོད་ཡིག་དང་ཨིན་ཡིག་གཉིས་ཐོག་འབྲི་རྒྱུགས་དང་། ངོ་འཕྲོད་ངག་རྒྱུགས་གཏོང་དགོས་པ་འབྲེལ་ཡོད་རྣམས་ནས་བློ་ངེས་དགོས་རྒྱུ་ཡིད་འཇགས་ཞུ། ལས་བྱེད་འདེམས་ལྷན་ནས་ ༢༠༡༤ ཟླ་ ༩ ཚེས་ ༡ ལ།།
