༢༠༠༩ ཕྱི་ཟླ་ ༡༡ ཚེས་ ༡༢ རེས་གཟའ་ཕུར་བུ།
༄༅། །དཔལ་ལྡན་བཀའ་ཁྲི་ཟམ་གདོང་རིན་པོ་ཆེ་མཆོག་ཕྱི་ལོ་ ༢༠༠༩ ཟླ་ ༡༡ ཚེས་ ༡༣ ཕྱི་དྲོ་རྡ་ས་ནས་ཅཀྐཱི་བྷངྐ་བརྒྱུད་ཕེབས་ཐོན་གྱིས་ཕྱི་ཚེས་ ༡༤ ཉིན་ལྡི་ལི་གསར་པར་ཕེབས་ཏེ་སྔ་དྲོ་མི་སྣ་མཇལ་འཕྲད་གནང་རྒྱུ། དེ་ནས་ལྡི་ལི་དོན་ཁང་ནས་གནམ་ཐང་དུ་ཕེབས་རྒྱུ། ཕྱི་ཚེས་ ༡༥ ལྡི་ལི་ནས་ཛུ་རིཀ་རུ་ཕེབས་ཐོན་གྱིས་ཝེནིས་ལ་ཕེབས་འབྱོར་གནང་རྒྱུ་དང་། དེ་ནས་ས་ཐོག་བརྒྱུད་ཊེརེན་ཊོར་ཕེབས་ཐོན་གནང་རྒྱུ།
ཕྱི་ཚེས་ ༡༧ སྔ་དྲོ་ཊེརེན་ཊོ་ནས་ས་ཐོག་བརྒྱུད་ཝེ་ནིས་ལ་ཕེབས་ཐོན་གྱིས་ཕེརྐ་ཕརཊ་དུ་ཕེབས་འབྱོར་གནང་རྒྱུ། དེ་ནས་ཕེབས་ཐོན་གྱིས་ཨི་ཊ་ལིའི་རྒྱལ་ས་རོམ་ལ་ཕེབས་ཐོན་གནང་རྒྱུ་དང་། ཕྱི་ཚེས་ ༡༨ སྔ་དྲོ་ཨི་ཊ་ལིའི་རྒྱལ་ས་རོམ་དུ་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་ཚོགས་ཆེན་ཐེངས་ལྔ་པར་མཉམ་ཞུགས་གནང་རྒྱུ་དང་ཆབས་ཅིག་ཚོགས་ཆེན་དུ་གསུང་བཤད་གནང་རྒྱུ། དེ་ནས་ཕེབས་ཐོན་གྱིས་མུ་ནིཀ་ལ་ཕེབས་འབྱོར་གནང་རྒྱུ་དང་དེ་རྗེས་ལྡི་ལིར་ཕེབས་འབྱོར་གནང་རྒྱུ། དེ་ནས་ཕྱི་ཚེས་ ༡༩ ནས་ ༢༢ བར་ཧིྡ་སྦཱརཇ་དང་རྒྱལ་རབས་ཚོགས་འདུར་གསུང་བཤད་དང་མཉམ་ཞུགས་གནང་རྒྱུ་དང་། ཕྱི་ཚེས་ ༢༣ ནས་ ༢༤ བར་ཁོར་ཡུག་སྲུང་སྐྱོབ་ཀྱི་ཚོགས་འདུར་གསུང་བཤད་དང་མཉམ་ཞུགས་གནང་རྗེས་ལྡི་ལི་ནས་ཅཀྐཱི་བྷངྐ་བརྒྱུད་ཕེབས་ཐོན་གྱིས་རྡ་སར་ཕེབས་འབྱོར་གནང་རྒྱུ་ཡིན་པ་བཅས་སུ།
