༢༠༠༩ ཕྱི་ཟླ་ ༩ ཚེས་ ༡༢ རེས་གཟའ་སྤེན་པ།
༄༅། །ཕྱི་ལོ་ ༢༠༠༩ ཟླ་ ༩ ཚེས་ ༨ ཉིན་༸གོང་ས་མཆོག་ལ་སོལ་ཝ་ཀི་ཡས་གཟེངས་རྟགས་འབུལ་བཞེས་གནང་བ་དེས་བོད་ཀྱི་བདེན་དོན་བསྒྲུབ་རྒྱུར་སེམས་འགུལ་ཆེ་རུ་འགྲོ་རྒྱུ་ཡིན་ངེས་བཀའ་སྩལ་ཡོད་པ་རེད། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པ་མཆོག་སོལ་ཝ་ཀི་ཡའི་ནང་༸ཞབས་སོར་འཁོད་སྐབས་སྦེ་ར་ཀི་སི་ལ་ཝི་ཡ་གྲོང་ཁྱེར་སྤྱི་ཁྱབ་ནས་ཕེབས་བསུའི་སྣེ་ལེན་ཞུས་གནང་བ་མ་ཟད་ཁུལ་དེར་བཞུགས་རྒྱུན་རིང་ཕྱོགས་འགལ་ཚོགས་པའི་འཐུས་མི་ཁག་གཅིག་དང་མཇལ་འཕྲད་གནང་ཡང་ཡོད། ༸གོང་ས་མཆོག་ལ་ཇན་ལང་གོ་སི་ JAN LANGOS AWARD ཞེས་པའི་རྒྱལ་སྤྱིའི་གཟེངས་རྟགས་ཕུལ་གནང་བ་དེ་ནི་ མགོན་པོ་གང་ཉིད་མཆོག་གིས་ད་བར་འཚེ་མེད་ཞི་བའི་ལམ་གྱི་ཐོག་ནས་བོད་མི་ཚོར་དོན་དམ་པའི་རང་སྐྱོང་གི་གནས་བབ་གཅིག་ཡོང་ཐབས་དང་། རྒྱལ་སྤྱིའི་ནང་འགྲོ་བ་མིའི་ཐོབ་ཐང་གི་གནད་དོན་གོང་མཐོར་གནང་བ་བཅས་ལ་བརྟེན་ཆེ་བསྟོད་ཀྱི་གཟེངས་རྟགས་དེ་ཕུལ་བ་ཞིག་ཡིན་འདུག ༸གོང་ས་༸སྐྱབས་མགོན་ཆེན་པོ་མཆོག་ནས་གཟེངས་རྟགས་འདིས་བོད་ཀྱི་དཀའ་རྙོག་སེལ་ཐབས་སུ་ཀུན་སློང་འཕར་མ་ཞིག་སྐྱེས་བྱུང་ཞེས་བཀའ་སྩལ་ཡོད་པ་རེད། གཟེངས་རྟགས་འདི་ད་བར་བཞེས་མྱོང་མཁན་ཁོངས་སུ་ཧང་གྷ་རི་ཡའི་སྲིད་འཛིན་ཟུར་པ་སྦེ་ཛ་མཆོག་ཡོད་པ་རེད། ཁོང་གིས་གུང་ཁྲན་རིང་ལུགས་ལ་ཁ་གཏད་བཅག་སྟེ་མང་གཙོའི་ལམ་ལུགས་ལ་བསྒྱུར་རྒྱུའི་བྱས་རྗེས་ཆེན་པོ་བཞག་ཡོད་པར་ཕུལ་བ་ཞིག་ཡིན་པ་རེད།
༸གོང་ས་མཆོག་ཕྱི་ཟླ་ ༩ ཚེས་ ༡༠ བར་ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ས་པ་རག་ཏུ་མཛད་འཕྲིན་བསྐྱངས་སྐབས་ཁུལ་དེར་རྒྱལ་སྤྱིའི་ཞི་བདེ་དང་མང་གཙོ། འགྲོ་བ་མིའི་ཐོབ་ཐང་གི་ལྷན་ཚོགས་བཅས་སུ་དབུ་བཞུགས་མཛད་ཡོད་པ་བཅས་ཀྱི་གནས་བསྡུས་སུ།
