༢༠༠༩ ཕྱི་ཟླ་ ༩ ཚེས་ ༨ རེས་གཟའ་མིག་དམར།

༄༅། །ཕྱི་ལོ་ ༢༠༠༩  ཟླ་  ༩  ཚེས་  ༤  ཉིན་ TASR ནས་གནས་ཚུལ་སྤེལ་གསལ་ལྟར་ན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཟླ་བ་འདིའི་ཚེས་  ༨  ནས་ ༡༠ བར་སུ་ལོཝ་ཀིི་ཡི་ཡུལ་གྱི་ནང་ཆིབས་སྒྱུར་བསྐྱང་གི་ཡོད་པ་ལྟར་ཡུལ་དེའི་ J`an Lango`s ཞེས་པའི་འགྲོ་བ་མིའི་ཐོབ་ཐང་གི་གཟེངས་རྟགས་དེ་འབུལ་བཞེས་གནང་གཏན་འཁེལ་ཡོད་པ་དང་། གཟེངས་རྟགས་དེ་ནི་འགྲོ་བ་མིའི་ཐོབ་ཐང་ཆེད་དུ་ཕྱག་ལས་གནང་མཁན་རྣམས་ལ་འབུལ་སྲོལ་ཡོད་པ་རེད།

ཐེང་འདིའི་གཟེངས་རྟགས་གོ་སྒྲིག་གནང་མཁན་ཡང་ J`an Lango`s ཞེས་པའི་ཐེབས་རྩའི་ལྷན་ཁང་དེ་ཡིན་འདུག དེ་ཡང་༸གོང་ས་མཆོག་ལ་ཕྱི་ཟླ་ ༩ ཚེས་ ༩  སྔ་དྲོར་ཡུལ་དེའི་རྒྱལ་ས་སྦར་ཏི་ས་ལ་འི་ (Bratislava) ཚོགས་ཁང་ཆེན་མོའི་ནང་གཟེངས་རྟགས་དེ་འབུལ་ལམ་ཞུ་རྒྱུ་དང་དེ་ཉིན་མགོན་པོ་གང་ཉིད་ནས་མི་མང་ལ་བཀའ་སློབ་སྩལ་རྒྱུ་ཡིན་འདུག་པ་དང་སྦྲགས་དྲི་བ་དྲིས་ལན་ལའང་བཀའ་ལན་མཛད་འཆར་ཡོད། མཛད་སྒོའི་ཉིན་དེར་གོ་སྒྲིག་ཚོགས་ཆུང་ནས་གཞུང་འཛིན་ཚོགས་པ་དང་ཕྱོགས་འགལ་ཚོགས་པའི་གནད་ཡོད་དཔོན་རིགས་ཁག་གདན་ཞུ་ཕུལ་འདུག་པར་ཕྱོགས་འགལ་ཚོགས་པའི་མི་སྣ་མ་གཏོགས་གཞུང་འཛིན་ཚོགས་པའི་མི་སྣ་ཕེབས་རྒྱུ་ད་ལྟའི་འཆར་གཏན་འཁེལ་བྱུང་མེད་པའི་གནས་བསྡུས་སུ།