༢༠༠༩ ཕྱི་ཟླ་ ༩ ཚེས་ ༥ རེས་གཟའ་སྤེན་པ།
ཕྱི་ལོ་ ༢༠༠༩ ཟླ་ ༨ ཚེས་ ༡༠ ནས་ ༡༢ བར་འདི་གའི་ཤེས་ཡོན་འགན་འཛིན་ཚེ་རིང་བསམ་གྲུབ་དང་དབུས་བོད་སློབ་འཛིན་ཚོགས་ཀྱི་ཤེས་ཡོན་འགན་འཛིན་ཨེ། ཨེས་། རཝཌ་རྣམ་གཉིས་ནས་མོན་གྷོ་གཞིས་ཆགས་ཀྱི་སློབ་གྲྭ་དབུས་མ་དང་ཡན་ལག་གཞི་རིམ་འོག་མའི་སློབ་གྲྭ་ཁག་གཞིས་ཀེམ་དྲུག་པའི་འབྲིང་སློབ། བློ་གསལ་གླིང་སློབ་གྲྭ་བཅས་ཀྱི་ལོ་འཁོར་ཤེས་ཡོན་རྟོག་ཞིབ་གནང་བ་དང་།
དེ་བཞིན་དབུས་བོད་སློབ་འཛིན་ཚོགས་ཀྱི་ཤེས་ཡོན་འགན་འཛིན་སི། ལྷ་རུ་མན་དང་མཉམ་དུ་ཧར་བྷཊ་པུར་ཉིན་སློབ་ཀྱི་ལོ་འཁོར་ཤེས་ཡོན་རྟོག་ཞིབ་ཕྱི་ཟླ་ ༨ ཚེས་ ༢༤ ཉིན་གནང་བ་ཡོད་པ་རེད།་ གཞན་ཡང་ཤེེས་ཡོན་འགན་འཛིན་ཚེ་རིང་ཕུན་ཚོགས་དང་དབུས་བོད་སློབ་འཛིན་ཚོགས་ཀྱི་ཤེས་ཡོན་འགན་འཛིན་ཨེ། ཨེས། རཝཌ་རྣམ་གཉིས་ནས་ཧུན་སུར་དང་ཀོ་ལི་གྷལ་ས་གནས་ཉིན་སློབ་བཅས་ལ་ཕྱི་ཟླ་ ༨ ཚེས་ ༢༢ ནས་ ༢༥ བར་རྟོག་ཞིབ་གནང་བ་དང་། ཉེ་སྔོན་ཕྱི་ཟླ་ ༨ ཚེས་ ༤ ཉིན་དབུས་བོད་སློབ་འཛིན་ཚོགས་ཀྱི་ཤེས་ཡོན་འགན་འཛིན་དང་མཉམ་དུ་ཨོ་རི་ས་ས་གནས་ཀྱི་སློབ་གྲྭ་དབུས་མ་དང་ཡན་ལག་སློབ་གྲྭ་ཁག་གཉིས་ལ་རྟོག་ཞིབ་ཞུས་ཡོད་པ་རེད། རྟོག་ཞིབ་རིང་སློབ་གྲྭའི་འཛིན་སྐྱོང་གི་ཡིག་ཆ་ཁག་དང་དགེ་རྒན་རྣམ་པའི་འཛིན་གྲྭའི་སློབ་འཁྲིད། ཟུར་སྦྱོང་རིག་གནས་ཁག་གཙོས་པའི་སློབ་གྲྭའི་ཕྱི་ནང་གི་གནས་སྟངས་ལ་ཞིབ་འཇུག་དང་དགེ་ལས་ཚོར་ལམ་སྟོན་སོགས་གནང་ཡོད།
ཤེས་ཡོན་འགན་འཛིན་ཚེ་རིང་བསམ་གྲུབ་ནས་ཕྱི་ཟླ་ ༧ ཚེས་ ༣༠ ཉིན་མ་ན་ལི་ཉིན་སློབ་ཀྱི་ཕ་མ་རྣམས་དང་ཟླ་ ༨ ཚེས་ ༢༥ ཉིན་སྤོ་ཊ་ས་གནས་མི་མང་། ཕྱི་ཚེས་ ༢༦ ཉིན་པུརཝ་་ལ་ས་གནས་མི་མང་རྣམས་ལ་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་སྐོར་ལ་གོ་རྟོགས་ཀྱི་ལས་འཆར་སྤེལ་ཡོད་པ་རེད།
