༢༠༡༤ ཟླ་ ༢ ཚེས་ ༡༩ རེས་གཟའ་ལྷག་པ།
༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ནས་སངས་རྒྱས་སྨན་བླའི་བཀའ་དབང་སྩལ་སྐྱོང་ཡོང་བའི་ཇི་ལྟར་གསོལ་འདེབས་ཞུས་དོན་ལྟར། ཕྱི་ལོ་ ༢༠༡༤ ཟླ་ ༣ ཟླ་ ༣༡ ཉིན་མགོན་པོ་གང་ཉིད་མཆོག་གིས་བཞུགས་སྒར་རྡ་སར་སྨན་པ་ཡོངས་ལ་སངས་རྒྱས་སྨན་བླའི་བཀའ་དབང་སྩལ་གཏན་འཁེལ་འདུག
དེ་ཡང་ཕྱི་ལོ་ ༢༠༡༤ ལོ་ནི་བཙན་བྱོལ་བོད་མིའི་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་དབུ་བརྙེས་ནས་ལོ་བཅུ་ཧྲིལ་པོ་འཁོར་བའི་ལོ་ཚིགས་ཁྱད་པར་ཅན་དང་སྟབས་བསྟུན། ཆེས་མཐོའི་སྨན་པའི་ལྷན་ཚོགས་ནས་གསོ་བ་རིག་པའི་སྨན་པ་ཡོངས་ཀྱི་ཚབ་ཞུས་ཏེ་༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་ཞབས་པད་བསྐལ་བརྒྱར་བརྟན་ཆེད་བརྟན་བཞུགས་བསྟར་འབུལ་གྱི་གསོལ་འདེབས་ཞུས་ཡོད་ཀྱང་། མགོན་པོ་གང་ཉིད་མཆོག་གིས་དེ་ལྟར་དམིགས་བསལ་མི་དགོས་པར་སྨན་བླའི་མདོ་ཆོག་དང་འབྲེལ་གཟུངས་སྔགས་གང་མང་གྲངས་གསོག་དང་སེམས་ཅན་ཐམས་ཅད་ཀྱི་ལུས་ངག་ཡིད་གསུམ་གྱི་ཟུག་རྔུ་མཐའ་དག་ཞི་ནས་བདེ་བར་འཚོ་ཞིང་གནས་སྐབས་དང་མཐར་ཐུག་གི་འདོད་དོན་འགྲུབ་པའི་བསྔོ་སྨོན་བྱེད་ཐུབ་ན་བརྟན་བཞུགས་འདི་ལས་ལྷག་པ་མེད། ཅེས་བཀའ་སྤྱི་ཕེབས་ཡོད་པ་དང་གསོལ་འདེབས་ཞུས་དོན་ལྟར་སངས་རྒྱས་སྨན་བླའི་བཀའ་དབང་སྩལ་རྒྱུ་བཀའ་བཞེས་ཟབ་མོ་ཐོབ་པའི་དུས་བཟང་དང་སྟབས་བསྟུན་ཕྱི་ཟླ་ ༤ ཚེས་ ༡།༢ ཉིན་གྲངས་གཉིས་རིང་སྨན་པའི་ལྷན་ཚོགས་དབུ་བརྙེས་ནས་ལོ་བཅུ་འཁོར་བའི་མཛད་སྒོ་དང་འབྲེལ་གསོ་བ་རིག་པའི་བགྲོ་གླེང་ཚོགས་ཆེན་ཞིག་ཀྱང་འཚོགས་གཏན་འཁེལ་འདུག