༢༠༡༣ ཟླ་ ༡༢ ཚེས་ ༦ རེས་གཟའ་པ་སངས།
༄༅། །ཕྱི་ལོ་ ༢༠༡༣ ཟླ་ ༡༢ ཚེས་ ༥ རེས་གཟའ་ཕུར་བུའི་ཉིན་བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་པདྨ་ཆོས་འབྱོར་མཆོག་དང་། ནང་སྲིད་བཀའ་བློན་རྒྱ་རི་སྒྲོལ་མ་མཆོག དཔལ་འབྱོར་བཀའ་བློན་ཚེ་རིང་དོན་གྲུབ་མཆོག ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་བཅས་བཀའ་བློན་རྣམ་པ་བཞིས་ཨི་ཊ་ལིའི་རང་སྐྱོང་མངའ་ཁུལ་ལྷོ་ཊི་རོལ་ South Tyrol གྱི་གཙོ་འཛིན་སྐུ་ཞབས་ལུ་ཝི་སི་ཌུན་ཝལ་ཌར་ Luis Durnwalder མཆོག་དང་། རང་སྐྱོང་མངའ་ཁུལ་ཏེ་རན་ཏོའི་ Trento གཙོ་འཛིན་སྐུ་ཞབས་ཨུ་གོ་རོ་སི་ Ugo Rossi མཆོག་མཇལ་འཕྲད་གནང་བ་མ་ཟད། མངའ་ཁུལ་དེ་གཉིས་ཀྱི་ཞིང་ཆེན་ལྷན་ཚོགས་ Provincial Council of ཀྱི་ཚོགས་གཙོ་ལྕམ་སྐུ་མར་ཐ་སི་ཊོག་ཀར་ President Dr. Martha Stocker མཆོག་དང་།
སྐུ་ཞབས་བྷུ་རུ་ནོ་དོ་རིན་ག་ཊི་མཆོག Mr. Bruno Doringatti བཅས་དང་མཇལ་འཕྲད་གནང་ཡོད། ཕྱི་ཚེས་ ༦ ཉིན་བཀའ་བློན་རྣམ་པ་ཕ་རན་སི་དང་ཇར་མན། བྷེལ་ཇམ། ནེ་དར་ལེན་ཌི། སུད་སི་བཅས་སུ་ཕེབས་ཏེ་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་བེལ་ཞི་བདེའི་གཟེངས་རྟགས་འབུལ་ལམ་ཞུས་ནས་མི་ལོ་ ༢༤ འཁོར་བའི་དུས་དྲན་མཛད་སྒོར་མཉམ་བཞུགས་གནང་རྒྱུ་ཡིན་འདུག
