༢༠༠༩ ཕྱི་ཟླ་ ༨ ཚེས་ ༤ རེས་གཟའ་མིག་དམར།
ཕྱི་ལོ་ ༢༠༠༩ ཟླ་ ༨ ཚེས་ ༡ ནས་དབུ་འཛུགས་ཀྱི་ཉིན་གསུམ་རིང་ཧོན་སུར་རབ་རྒྱས་གླིང་དུ་བོད་མིའི་གཞིས་ཆགས་ཁག་ནང་མཉམ་འབྲེལ་ཁག་བཅོ་ལྔ་དང་བོད་མིའི་སྤྱི་མཐུན་མཉམ་འབྲེལ་བཅས་ཀྱི་ལོ་འཁོར་འཛིན་སྐྱོང་ཚོགས་ཆེན་ཐེངས་དགུ་པ་དེ་རང་གཞུང་ནང་སྲིད་ལས་ཁུངས་ཀྱི་དྲུང་ཆེ་ལས་ཚབ་དངོས་གྲུབ་རྡོ་རྗེ་ལགས་དང་སྤྱི་མཐུན་མཉམ་འབྲེལ་ཚོགས་གཙོ་པདྨ་བདེ་ལེགས་ཐུན་མོང་ནས་དབུ་འབྱེད་གཙོ་སྐྱོང་གནང་བ་དང་ཆབས་ཅིག་སྔ་ལོའི་གྲོས་ཆོད་ཁག་ལག་བསྟར་ཇི་ཞུས་སྐོར་བསྐྱར་ཞིབ་དང་། ཚོང་འབྲེལ་ཐད་ལེགས་སྤེལ་ཉེས་འགོག་གྲོས་བསྡུར། མ་འོངས་ལས་འཆར་སྐོར་གྱི་དགོངས་ཚུལ་ཇི་ཡོད་དེབ་སྐྱེལ་ཁྲིམས་མཐུན་འོག་ལས་རིམ་དག་ཇི་འདྲ་འགྲོ་གི་ཡོད་མེད། དེ་བཞིན་བོད་མིའི་སྤྱི་མཐུན་མཉམ་འབྲེལ་མ་ལག་དང་བཅས་པའི་ལས་བསྡོམས་དང་རྩིས་ཁྲ་ཁག་ཚོགས་ཐོག་སྒྲོགས་སྦྱང་དང་དགེ་སྐྱོན་ཡོ་བསྲང་བྱས་ཡོད་པ་དང་། འཛིན་སྐྱོང་ཚོགས་ཆེན་ཐེངས་དགུ་པའི་གྲོས་ཆོད་ཁག་གཏན་འབེབས་ཞུས་རྗེས་ནང་སྲིད་ཀྱི་དྲུང་ཆེ་ལས་ཚབ་དང་སྤྱི་མཐུན་མཉམ་འབྲེལ་ཚོགས་གཙོ་རྣམ་གཉིས་ནས་མཇུག་སྡོམ་གྱི་གསུང་བཤད་གྲུབ་མཚམས་སྤྱི་མཐུན་མཉམ་འབྲེལ་སྤྱི་ཁྱབ་འགན་འཛིན་མཆོག་ནས་ཐུགས་རྗེ་ཆེ་ཞུའི་གསུང་བཤད་གནང་བ་བཅས་ཀྱི་གནས་བསྡུས་སུ།
