༢༠༠༩ ཕྱི་ཟླ་ ༧ ཚེས་ ༣༠ རེས་གཟའ་ཕུར་བུ།

༄༅། །དཔལ་ལྡན་བཀའ་ཁྲི་ཟམ་གདོང་རིན་པོ་ཆེ་མཆོག་ཕྱི་ལོ་ ༢༠༠༩ ཟླ་ ༨ ཚེས་ ༡ དགོང་དྲོ་ཆུ་ཚོད་ ༥ པར་རྡ་ས་ནས་ཕེབས་ཐོན་གྱིས་ཅཀྐེ་བྷེངྐ་བརྒྱུད་ལྡི་ལི་དང་། ཚེས་ ༣ ཆུ་ཚོད་ ༩ པར་ལྡི་ལི་ནས་མཁའ་ལམ་བརྒྱུད་ཛུ་རིཀ་དང་དེ་ནས་འཇི་ནི་ཝར་ཕེབས་འབྱོར་གནང་རྒྱུ། ཚེས་ ༤ ཞོགས་པ་༸གོང་ས་མཆོག་ནས་སུད་སིའི་མི་མང་ལ་གསུང་ཆོས་བཀའ་དྲིན་སྩལ་རྗེས་ཉིན་རྒྱབ་བཀའ་ཁྲི་མཆོག་ནས་མི་མང་ལ་གསུང་བཤད་གནང་རྒྱུ་དང་ཚེས་ ༥ ཉིན Lausanne ས་གནས་ལ་སུད་སིར་ཡུ་རོབ་མི་མང་ནས་༸གོང་ས་༸སྐྱབས་མགོན་ཆེན་པོ་མཆོག་ལ་བརྟན་བཞུགས་བསྟར་འབུལ་ཞུ་སྐབས་བཀའ་ཁྲི་མཆོག་ནས་རྡོ་རྗེ་སློབ་དཔོན་དང་འབྲེལ་མལ་ལྗགས་བཤད་གནང་རྒྱུ་དང་། ཚེས་ ༦ ནས་ ༨ བར་ཉིན་གྲངས་གསུམ་རིངའཇི་ནི་ཝར་བོད་རིགས་མང་ཚོགས་དང་རྒྱལ་སྤྱིའི་རྒྱ་བོད་མི་སྣ་མཉམ་འདུས་ཀྱི་ཚོགས་ཆེན་ཐོག་མཉམ་ཞུགས་ཀྱིས་གསུང་བཤད་དང་ཚེས་ ༩ ཉིན་སུད་སི་གསར་འཕྲིན་ནས་རེ་འདུན་ཞུས་པ་ལྟར་ཆེད་ཕེབས་ཀྱིས་བགྲོ་གླེང་ལ་གསུང་བཤད་གནང་རྒྱུ། ཚེས་ ༡༠ ཆུ་ཚོད་ ༡༠ པའི་ཐོག་ཛུ་རིཀ་གནམ་ཐང་ནས་མཁའ་ཐོག་བརྒྱུད་ལྡི་ལི་དང་དེ་ནས་ཚེས་༡༢ ཉིན་རྡ་སར་ཕེབས་འབྱོར་གནང་རྒྱུ་ཡིན་པ་བཅས་སུ།