༢༠༠༩ ཕྱི་ཟླ་ ༧ ཚེས་ ༢༩ རེས་གཟའ་ལྷག་པ།

༄༅། །ཕྱི་ལོ་ ༢༠༠༩ ཟླ་ ༧ ཚེས་ ༢༨ ཉིན་གཅིག་རིང་ནང་སྲིད་ལས་ཁུངས་དང་འཆར་འགོད་ལས་ཁུངས་ཐུན་མོང་གི་གོ་སྒྲིག་ཞུས་ཐོག་ལས་བྱེད་གསོལ་ཚིགས་ཁང་གི་ཡང་སྟེང་དུ་སུད་ཚོང་ཡར་རྒྱས་ཆེད་ལས་འཆར་ངོ་སྤྲོད་ཅིག་ཚོགས་ཡོད་པ་རེད། དེ་ཡང་སྤྱི་ཁྱབ་འཆར་འགོད་ལས་ཁུངས་ཀྱི་འགན་འཛིན་དཀོན་མཆོག་བརྩོན་འགྲུས་ལགས་ནས་ངོ་སྤྲོད་གནང་དོན། བྱང་ཕྱོགས་ཧི་མ་ཅལ་ནང་གི་སོ་ནམ་ཞིང་ལས་མིན་པ་ཁ་ཐོར་དང་བཟོ་ལས་གཙོ་བོར་གྱུར་པའི་གཞི་ཆགས་ ༡༤ ལ་འཚོ་ལས་ཡར་རྒྱས་ཆེད་གཞིས་འགོ་དང་ཨུ་སུའི་སྟོད་ཐུང་གི་ (sweater) ཚོང་པའི་འཐུས་མི་ཁག་གཅིག་འདུ་སྐོང་ཐོག་བལ་གྱི་བཟོ་ལས་ཁག་ཡར་རྒྱས་ཚགས་ཚུད་གཏོང་ཐབས་དང་འབྲེལ་བའི་དེང་དུས་ཚན་རྩལ་ངོ་སྤྲོད། དེ་བཞིན་ཨུ་སུའི་སྟོད་ཐུང་གི་ (sweater) ཚོང་ལས་ཐོན་སྐྱེད་ཡར་རྒྱས་ཀྱི་ལས་འཆར་ཁག་ལ་གོ་བསྡུར་དང་མ་འོངས་ལས་གཞི་གསར་པ་ཇི་སྤེལ་སྐོར་ལ་གྲོས་བསྡུར་ཞིབ་གླེང་གནང་ཡོད་པ་བཅས་ཀྱི་གནས་བསྡུས་སུ།།