༢༠༠༩ ཕྱི་ཟླ་ ༧ ཚེས་ ༢༩ རེས་གཟའ་ལྷག་པ།

༄༅། །༢༠༠༩ ཕྱི་ཟླ་ ༧ ཚེས་ ༢༤ རེས་གཟའ་པ་སངས་ཉིན་ཧི་མཱ་ཅལ་མངའ་སྡེའི་རྒྱལ་ས་སིམ་ལར་ཧི་མཱ་ཅལ་མངའ་སྡེའི་བློན་ཆེན་པེ་རེམ་ཀུ་མར་འདུ་མལ་མཆོག་ནས་ prof.Prem Kumar Dhumal རྒྱ་གར་གྱི་མཁས་དབང་སྐུ་ཞབས་སོམ་པི་རན་ཆན་ Som P Ranchan མཆོག་ནས་བརྩམས་གནང་བའི་ཕྱག་དེབ་གསར་པ་ཏཱ་ལའི་བླ་མ་ཞེས་པ་ཞིག་དབུ་འབྱེད་གནང་འདུག

མངའ་སྡེའི་བློན་ཆེན་པེ་རེམ་ཀུ་མར་མཆོག་གིས་དབུ་འབྱེད་དེའི་ཐོག་རྩོམ་པོར་བསྔགས་བརྗོད་ཀྱི་བཀྲིས་བདེ་ལེགས་ཞུས་པ་དང་ཆབས་ཅིག་ཕྱག་དེབ་འདི་བརྒྱུད་ཀློག་པ་པོ་སྤྱི་དང་ནང་པའི་ལྟ་གྲུབ་ཐོག་ཉམས་ཞིབ་པ་དང་མཁས་དབང་ཚོར་དེ་སྔ་ལས་ལྷག་པའི་མཁྱེན་རྒྱ་ཟབ་པ་དང་ཕན་རླབས་ཆེ་བ་ཞིག་ཡོང་རྒྱུ་ཡིན་པ་སོགས་ཀྱི་འགྲེལ་བརྗོད་གནང་འདུག ཁོང་གིས་གསུང་གསལ། ༸གོང་ས་ཏཱ་ལའི་བླ་མ་མཆོག་དང་ལྷན་དུ་དུས་ཚོད་གང་ཙམ་ཞིག་མཉམ་སྐྱེལ་བྱེད་རྒྱུ་བྱུང་བ་ནི་ཁོང་གི་རྨི་ལམ་དེ་དངོས་སུ་གྲུབ་པ་ལྟ་བུ་ཞིག་བྱུང་ཞེས་དང་ཕྱག་དེབ་འདི་གཞན་དང་མི་འདྲ་བར་རྩོམ་པ་པོས་འབད་པ་ཆེན་པོའི་སྒོ་ནས་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཕྲིན་ཁག་ཞིབ་ཅིང་ཕྲ་བ་བྲིས་ཡོད་པའི་གནས་བསྡུས་སུ།།