༢༠༠༩ ཕྱི་ཟླ་ ༧ ཚེས་ ༢༤ རེས་གཟའ་པ་སངས།
༄༅། །ཤེས་རིག་ལས་ཁུངས་ནས་ཕྱི་ལོ་ ༢༠༠༩ ཟླ་ ༧ ཚེས་ ༡༤ ནས་ ༢༢ བར་ཉིན་དགུའི་རིང་གཏན་ཉིན་སློབ་གྲ་ཁག་གི་གཞི་རིམ་འོག་མའི་དགེ་རྒན་རྣམས་ལ་ཨང་རྩིས་དང་ཚན་རིག་ཁྲིད་ཐབས་ཀྱི་ཟབ་སྦྱོང་ཞིག་ས་ར་བོད་ཀྱི་མཐོ་རིམ་སློབ་གཉེར་ཁང་དུ་གོ་སྒྲིག་ཞུས་ཡོད་པ་དང་།
ཕྱི་ཟླ་ ༧ ཚེས་ ༡༤ སྔ་དྲོ་ཟབ་སྦྱོང་གི་དབུ་འབྱེད་ཤེས་རིག་དྲུང་ཆེ་མཆོག་ནས་གནང་བ་དང་། ད་རེས་ཀྱི་ཟབ་སྦྱོང་ནང་དབུས་བོད་སློབ་འཛིན་ཚོགས་དང་སམ་བྷོ་ཊའི་ཁྱབ་ཁོངས་སློབ་ཁག་ཉི་ཤུ་རྩ་གཉིས་ནས་དགེ་རྒན་ ༢༢ འཛུལ་ཞུགས་གནང་ཡོད་པ་རེད། ཟབ་སྦྱོང་རིང་ཀེར་ལོག་ཐེབས་རྩའི་སློབ་སྤྱི་མཁས་དབང་ཤ་ལེན་ཌར་གུཔཏ་མཆོག་དང་ཤེས་རིག་ཟུང་དྲུང་བཀྲ་ཤིས་དོན་གྲུབ་ལགས། སུ་ཇ་བོད་ཁྱིམ་གྱི་སློབ་དགེ་དཔལ་མོ་ལགས་བཅས་ནས་ཨང་རྩིས་ཁྲིད་ཐབས་དང་། སེ་ལ་ཀུལ་བོད་ཁྱིམ་སློབ་སྤྱི་འབྲུག་ཚེ་རིང་ལགས་དང་སྤོན་ཊ་གཏན་སློབ་ཀྱི་ཚན་རིག་སློབ་དགེ་བསྟན་འཛིན་རྡོ་རྗེ་ལགས་ནས་ཚན་རིག་སློབ་ཁྲིད་ཐབས་ལམ། དམིགས་བསལ་ཤེས་ཡོན་མཁས་དབང་ནི་ཀོ་ལ། ཊེན་སེ་ལེ་ལགས་ནས་དམིགས་བསལ་ཤེས་ཡོན་དང་ཤེས་ཡོན་ལ་དོ་དབྱིངས་ཡོང་ཐབས་སྐོར། ས་ར་མཐོ་སློབ་ཀྱི་སློབ་སྤྱི་ནས་ཡ་རབས་བཟང་སྤྱོད། དགེ་བློ་བཟང་སྨོན་ལམ་ལགས་ནས་སྨོན་ལམ་བོད་ཡིག་དང་ཐུན་མོང་སྐད་གདངས་སྐོར་། ཀང་ར་ཡོག་པིཌ་ཚོགས་པའི་ཡོག་སློབ་དཔོན་པོ་བྷལ་བན་སིང་མཆོག་ནས་ཉིན་ལྟར་སྔ་དྲོ་ཚོགས་ཐེངས་གཅིག་རིང་ཡོག་དང་པྲ་ཌྷ་ཡམ། གཞན་ཡང་སྲོལ་རྒྱུན་རྩེད་མོ་དང་ཤེས་ཡོན་སྲིད་བྱུས། དེ་བཞིན་དཔེ་སྟོན་སློབ་གྲྭ་རྟོག་ཞིབ་བཅས་ལེགས་པར་གནང་ནས་ཕྱི་ཟླ་ ༧ ཚེས་ ༢༢ ཕྱི་དྲོ་ཤེས་རིག་བཀའ་བློན་མཆོག་ནས་ཟབ་སྦྱོང་པ་རྣམས་ལ་ཕྱག་འཁྱེར་གནང་བ་དང་ཆབས་ཅིག་མཇུག་སྡོམ་གྱི་གསུང་བཤད་གནང་སྟེ་ཟབ་སྦྱོང་ལེགས་གྲུབ་བྱུང་བ་བཅས་སོ།།
