༢༠༡༣ ཟླ་ ༩ ཚེས་ ༡༦ རེས་གཟའ་ཟླ་བ།

༄༅། །ཕྱི་ལོ་ ༢༠༡༣ ཟླ་ ༩ ཚེས་ ༡༥ རེས་གཟའ་ཉི་མའི་ཉིན་ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ས་པ་རག་ Prague ནང་ཕོ་རོམ་ ༢༠༠༠ ཞེས་ (Forum 2000) རྒྱལ་སྤྱིའི་ལྷན་ཚོགས་སྐབས་དང་བསྟུན། ༸གོང་ས་༸སྐྱབས་མགོན་ཆེན་པོ་མཆོག་དང་སྦར་མའི་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་ལྕམ་སྐུ་ཨང་སང་སུ་ཀི་མཆོག་མཇལ་འཕྲད་མཛད་ཡོད། གཞན་ཡང་ཉིན་གཉིས་ཀྱི་ལྷན་ཚོགས་སྐབས་ལྷོ་ཨ་ཕི་རི་ཀའི་སྲིད་འཛིན་ཟུར་པ་དང་ནོ་བེལ་ཞི་བདེའི་གཟེངས་རྟགས་བཞེས་མྱོང་མཁན་སྐུ་ཞབས་ཕེར་ཌེ་རིག་ཝིལ་ལེམ་ཌི་ཀ་ལག་མཆོག Mr. Frederik Willem de Klerk དང་དེ་བཞིན་ཆོས་དང་ཆབ་སྲིད། ཤེས་ཡོན། གསར་འགྱུར། ཚོང་ལས་སོགས་ཚན་པ་འདྲ་མིན་ཐོག་རྒྱལ་སྤྱིའི་ནང་སྙན་གྲགས་ཅན་གྱི་དབུ་ཁྲིད་བརྒྱ་ལྷག་མཉམ་བཞུགས་གནང་ཡོད།