༢༠༡༣ ཟླ་ ༩ ཚེས་ ༡༠ རེས་གཟའ་མིག་དམར།

༄༅། །སྐུ་ཞབས་ཊོ་ནི་ཨེ་བྷོ་ཊི་ Tony Abbott མཆོག་ཨོ་སི་ཊོ་ལི་ཡའི་སྲིད་བློན་གསར་པར་འོས་འདེམས་བྱུང་བར་༸གོང་ས་༸སྐྱབས་མགོན་ཆེན་པོ་མཆོག་གིས་འཚམས་འདྲིའི་གསུང་འཕྲིན་ཞིག་སྩལ་བའི་ནང་། སྐུ་ཉིད་མཆོག་གི་དབུ་ཁྲིད་འོག་ཨོ་སི་ཊོ་ལི་ཡ་མདུན་བསྐྱོད་གོང་འཕེལ་གྱི་ལས་དོན་མཐའ་དག་ལམ་ལྷོང་ཡོང་བའི་འཚམས་འདྲི་ཡོད། ཅེས་དང་གཞན་ཡང་༸གོང་ས་མཆོག་གིས་ཕྱི་ལོ་ ༢༠༡༣ ཟླ་ ༩ ཚེས་ ༨ རེས་གཟའ་ཉི་མའི་ཉིན་སྩལ་བའི་འཚམས་འདྲིའི་གསུང་འཕྲིན་དེའི་ནང་འཁོད་དོན། ངོས་རང་ཕྱི་ལོ་ ༡༩༨༢ ལོ་ནས་བཟུང་ཁུལ་དེར་ཐེངས་མང་འགྲོ་རྒྱུ་བྱུང། ངོས་རང་ཡུལ་དེར་ནམ་ཕྱིན་ལ་ས་གནས་དེ་གར་ལས་རིགས་འདྲ་མིན་ཐོག་འཚོ་སྡོད་བྱེད་བཞིན་པའི་མང་ཚོགས་རྣམས་ཀྱིས་ངོས་ལ་མཛའ་གྲོགས་ཀྱི་འདུ་ཤེས་ཆེན་པོས་འབྲེལ་བ་བྱས་པར་ངོས་རང་ངོ་མཚར་སྐྱེད་བཞིན་ཡོད་པ་མ་ཟད། ངོས་ལ་འགྲོ་བ་མིའི་རིན་ཐང་དང་ཆོས་ལུགས་མཐུན་སྒྲིལ་གོང་མཐོར་གཏོང་རྒྱུར་བློ་སྤོབས་གསར་པ་ཞིག་སྦྱིན་བྱུང། ཞེས་འཚམས་འདྲིའི་གསུང་འཕྲིན་སྩལ་ཡོད།