༢༠༠༩ ཕྱི་ཟླ་ ༦ ཚེས་ ༣༠ རེས་གཟའ་མིག་དམར།

༄༅། །བོད་གཞུང་ཤེས་རིག་ལས་ཁུངས་ནས་བོད་ཕྲུག་འཛིན་རིམ་བཅུ་པ་ཐོན་པའི་སློབ་ཕྲུག་རྣམས་ལ་ལོ་གཉིས་རིང་མ་ཧིན་ཌ་ར་པུ་ནེ་ (International Baccalaureate (IB) Diploma Course at United World College (UWC) Mahindra,Pune) ལ་སློབ་འཇུག་ཆེད་ཡིག་རྒྱུགས་གོ་སྒྲིག་ཞུས་ཡོད་པ་རེད། ཡིག་རྒྱུགས་དེ་བཞིན་ཕྱི་ལོ་ ༢༠༠༩ ཕྱི་ཟླ་ ༦ ཚེས་ ༣༠ ནས་ཕྱི་ཟླ་ ༧ ཚེས་ ༡ བར་ཉིན་གཉིས་རིང་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་གཏོང་མུས་དང་།

དེ་ཡང་བོད་དབྱིན་གཉིས་ཀའི་གནས་ཚད་ཐོག་བྲིས་རྒྱུགས་དང་ངག་རྒྱུགས་གཏོང་བཞིན་ཡོད་འདུག སློབ་གྲྭ་ཁག་ ༡༠ ནས་སློབ་ཕྲུག་གྲངས་ ༢༧ ནས་དེ་རིང་གི་ཡིག་རྒྱུགས་ནང་འཛུལ་ཞུགས་བྱས་ཡོད་པ་དང་། དེའི་ནང་ནས་ཡིག་རྒྱུགས་རྩེ་ཕུད་སློབ་མ་གཅིག་འདེམས་སྒྲུག་གིས་ཡུ་ཌབ་ལུ་སྲི་མ་ཧིན་ཌ་ར་ UWC Mahindra Pune སློབ་སྦྱོང་བྱེད་རྒྱུའི་སློབ་ཡོན་སོགས་བོད་གཞུང་ཤེས་རིག་ལས་ཁུངས་ནས་གནང་རྒྱུ་ཡིན་པ་བཅས་ཀྱི་གནས་བསྡུས་སུ།