དཔལ་འབྱོར་ལས་ཁུངས་ཀྱི་ངོ་སྤྲོད།
༄༅། །ཕྱི་ལོ་ ༡༩༦༠ ལོར་དབུས་བོད་མིའི་སྒྲིག་འཛུགས་བཙན་བྱོལ་དུ་དངོས་སུ་གསར་འཛུགས་གནང་རྒྱུའི་དམིགས་ཡུལ་གཙོ་བོ་རང་འཆས་སུ་མངའ་བས་བོད་ཀྱི་མ༔ཐུན་མོང་མ་ཡིན་པའི་རྩ་ཆེའི་ཆོས་དང་རིག་གཞུང་མི་ཉམས་རྒྱུན་འཛིན་གྱིས་བོད་དོན་བདེན་མཐའ་གསལ་ཐབས་དང༌། གཞིས་བྱེས་བོད་མིའི་མངོན་འདོད་བསྒྲུབ་ཕྱིར་བཙན་བྱོལ་སྒྲིག་འཛུགས་ནང་བློན་ཆེན་ལས་ཁུངས་བདུན་ཡོད་ཁོངས་དཔལ་འབྱོར་ལས་ཁུངས་གཅིག་ཡིན། དཔལ་འབྱོར་ལས་ཁུངས་ཀྱི་དམིགས་ཡུལ་གཙོ་བོ་ནི། དབུས་བོད་མིའི་སྒྲིག་འཛུགས་ཀྱི་འཕྲལ་ཕུགས་ཕན་བདེའི་སྒྲུབ་པོ་འཕྲིན་ལས་རྒྱས་པའི་མཐུན་རྐྱེན་གཞུང་དངུལ་དཔལ་འབྱོར་འདུ་འགོད་ཐབས་ལེན་ཞུ་རྒྱུ་དང༌། དེ་དག་ཁྲིམས་ལུགས་བཞིན་དབུས་བོད་མིའི་སྒྲིག་འཛུགས་མ་ལག་དང་བཅས་པའི་ལོ་འཁོར་སྔོན་རྩིས་དང་བསྐྱར་བཅོས་སྔོན་རྩིས་འཆར་འབུལ་དཔལ་ལྡན་བཀའ་ཤག་ནས་རྒྱབ་གཉེར་གྱིས་གྲོས་ཚོགས་ནས་བཀའ་འཁྲོལ་ཞུ་རྒྱུས་མཚོན་ལོ་རེའི་བཀའ་འཁྲོལ་ཐོབ་པས་སྔོན་རྩིས་ཁྲིམས་ལུགས་ལྟར་གྱི་གཏོང་ལེན་སྟངས་བཅུན་སླད་ལས་ཁུངས་ཟུར་འཛུགས་གནང་།
ཕྱི་ལོ་ ༡༩༦༦ བར་དཔལ་འབྱོར་དང་འབྲེལ་བའི་ཕྱག་ལས་ཁག་བདེ་སྲུང་བཀའ་བློན་དགའ་བྲང་བློ་བཟང་རིག་འཛིན་མཆོག་ནས་གཅིག་ལྕོགས་ཐུགས་འགན་བཞེས་རྗེས་སྐབས་དེའི་ཆོས་དོན་བཀའ་བློན་འོད་ཟེར་རྒྱལ་མཚན་མཆོག་དང་ནང་སྲིད་བཀའ་བློན་ཕྱག་རོགས་རྒྱས་སྟོང་ཚེ་རིང་མཆོག་གིས་གཙོས་ཚོགས་མི་ལྔ་ཅན་གྱི་དཔལ་འབྱོར་འདུ་འགོད་ལྷན་ཚོགས་ཟུར་འཛུགས་གནང་། ཕྱི་ལོ་ ༡༩༦༩ ཕྱི་ཟླ་ ༥ ཚེས་ ༢༩ ཉིན་བློན་ཆེན་ལས་ཁུངས་ཁོངས་དངོས་སུ་དབུ་འཛུགས་ཀྱིས་དཔལ་འབྱོར་བཀའ་བློན་ཐོག་མ་བྱེ་གཤོངས་ཚེ་དབང་རྟ་མགྲིན་མཆོག་དང་དྲུང་ཆེ་ལྷུན་གྲུབ་རྒྱལ་པོ་ལགས་རྣམ་གཉིས་ཀྱིས་གཙོས་ལས་བྱེད་གསུམ་ནས་དབུ་བཙུགས།
དཔལ་འབྱོར་ལས་ཁུངས་ཀྱི་ཐོག་མའི་མ་རྩ་སྒོར་ ༧༢༩༨༣་༧༩ དང༌། ༸གོང་ས་མཆོག་ནས་སྒོར་ ༢༥༠༠༠༠་༠༠ གསོལ་སྩལ་བཀྲིན་ཆེ་བ་ནས་འགོ་འཛུགས་ཀྱིས་སྐབས་དེའི་ལས་བྱེད་རྣམས་ཀྱི་རང་ནུས་འབད་འབུངས་དང་ལྷག་པར་རང་རིགས་རྒྱལ་ཞེན་ཚོང་ལས་པ་ཁག་གཅིག་ནས་དང་བླངས་ཀྱིས་གྱོན་གོས་ཚོང་གཉེར་སོགས་ནས་དཔལ་འབྱོར་འདུ་འགོད་མ་དངུལ་རིམ་འཕར་སྡེ་ཚན་ཡར་རྒྱས་ཕྱིན་ཐོག་ཕྱི་ལོ་ ༡༩༧༨ ལོ་ནས་༸གོང་ས་མཆོག་གི་ཡིད་ཆེས་དགེ་རྩའི་ཚོགས་པ་དཔལ་འབྱོར་ལས་ཁུངས་ཁོངས་སུ་འཛིན་སྐྱོང་གནས་སྤོ་དང༌། ལས་གཞི་ཁག་གཅིག་གི་ཆེད་བོད་མིའི་འཛིན་སྐྱོང་བདེ་དོན་ཚོགས་པ་གསར་བཙུགས་གནང་སྟེ་དཔལ་འབྱོར་གྱི་བྱ་བཞག་རིམ་འཕེལ་བྱུང་། ཕྱི་ལོ་ ༢༠༠༡ ལོར་དཔལ་ལྡན་བཀའ་ཤག་ནས་གཞི་རིམ་དཔལ་འབྱོར་སྲིད་བྱུས་གཏན་འབེབས་གནང་སྟེ་གཞུང་གཉེར་ཚོང་འཁོད་རྣམས་རིམ་བཞིན་སྒེར་བདག་ཅན་དུ་བསྒྱུར། དཔལ་འབྱོར་ལས་ཁུངས་ནས་ལོ་ལྟར་སྔོན་རྩིས་དགོས་དངུལ་མི་ཉུང་བ་འབུལ་མུས་ཡིན།
དཔལ་འབྱོར་ལས་ཁུངས་ཀྱིས་སྡེ་ཚན་ཁག་གི་ངོ་སྤྲོད་སྙིང་བསྡུས་འགོད་འབུལ་ཞུ་རྒྱུར།
༡། དེབ་བསྐྱེལ་དང་རོགས་དངུལ་སྡེ་ཚན།
ཀ ཡིད་ཆེས་དགེ་རྩ་དང་ལག་དེབ་སྔོན་པོའི་ལས་གཞི།
ཀ་༡། ཡིད་ཆེས་དགེ་རྩ།
༸གོང་ས་མཆོག་གི་ཡིད་ཆེས་དགེ་རྩའི་ཚོགས་པ་འདི་བཞིན་ཕྱི་ལོ་ ༡༩༦༤ ཕྱི་ཟླ་ ༡ ཚེས་ ༢༠ ཉིན་ནུབ་སྦན་གྷོལ་མངའ་སྡེའི་རྒྱལ་ས་ཀོལ་ཀ་ཏར་དངོས་སུ་ཁྲིམས་མཐུན་དེབ་བསྐྱེལ་མཛད་དེ་རྒྱ་གར་ནང་བོད་མིའི་ཁྲིམས་མཐུན་གྱི་དེབ་བསྐྱེལ་ཚོགས་པ་ཐོག་མ་དེ་ཡིན། ཚོགས་པ་འདིའི་འབྱུང་རིམ་སྒང་ཏོག་བརྒྱུད་ནས་བླངས་པའི་གསེར་དངུལ་བཙོང་རིན་འཛིན་སྐྱོང་བྱ་ཕྱོགས་བཀའ་འབྲེལ་ཁྲིམས་མཐུན་དེབ་བསྐྱེལ་དགོས་པ་སྤྱི་ཕེབས་བཞིན་མ་དངུལ་སྒོར་ ༢༤༨༡༦༢༦་༠༠ དབུ་འཛུགས་ཀྱིས་ཚོགས་པའི་ཚོགས་གཙོ་ཐོག་མ་རྒྱ་གར་གྱི་དབུ་འཁྲིད་གྲགས་ཅན་འཇའ་ཡ་པྲ་ཀཤ་ན་ར་ཡན་མཆོག་ནས་མཚན་བཞེས་གནང་པ་དང་ཚོགས་པའི་དམིགས་ཡུལ་ཁག་ནི།
༡། ཤེས་ཡོན་དང་སྦྱོང་བརྡར་ཡར་རྒྱས་ཆེད་མཐུན་བསྒྱུར་སྦྱོར་སྤྲོད།
༢། ཉམ་ཐག་འཁོད་ཞན་རྣམས་ལ་སྨན་བཅོས་དང་ངལ་སྐྱོབས།
༣། ཆོས་ཀྱི་སློབ་ཁྲིད་མཐུན་འགྱུར་ཞུ་རྒྱུ།
༤། ཤེས་ཡོན་འཕེལ་རྒྱས་ཆེད་བསྟི་གནས་གསར་འཛུགས་མཚོན་འཛིན་སྐྱོང་དང་དགེ་ལས་སློབ་ཕྲུག་བཞུགས་ཤག་མཐུན་སྦྱོར།
༥། མང་ཚོགས་ཀྱི་འཕྲོད་བསྟེན་ཡར་རྒྱས་ལ་སྨན་པས་སྨན་ཁང་གསར་རྒྱག་དང་འཛིན་སྐྱོང་མཐུན་རྐྱེན་སྦྱོར་སྤྲོད་ཞུ་རྒྱུ།
ད་ལྟའི་ཡིད་ཆེས་དགེ་རྩའི་འགན་འཛིན་ལྷན་ཚོགས་ཀྱི་མཚན་གཞུང༌།
༡། སྲིད་སྐྱོང་སྤེན་པ་ཚེ་རིང་མཆོག ཚོགས་གཙོ།
༢། དཔལ་འབྱོར་བཀའ་བློན་མཆོག ཚོགས་གཞོན།
༣། བཀའ་ཟུར་རྗེ་བཙུན་པདྨ་མཆོག ཚོགས་མི།
༤། དགའ་ལྡན་ཕོ་བྲང་གི་དྲུང་ཆེ་བྲེ་སྲང་ཚེ་རིང༌། ཚོགས་མི།
༥། ཝར་ཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ཉེ་བའི་རིག་བདག་ངག་དབང་བསམ་གཏན། ཚོགས་མི།
༦། བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར། ཚོགས་མི།
ཀ་༢། ལག་དེབ་སྡོན་པོའི་ལས་གཞི།
བོད་དོན་གདུང་སེམས་མཉམ་བསྐྱེད་ཀྱི་ལག་དེབ་སྔོན་པོ་ལས་གཞི་དེ་བཞིན་ཕྱི་ལོ་ ༡༩༩༦ ལོར་འགོ་འཛུགས་གནང་པ་ཞིག་ཡིན། ལས་གཞི་འདིས་ངེས་མེད་ཞལ་འདེབས་འདུ་འགོད་ཀྱི་སྒྲིག་གཞི་ནང་གསལ་བོད་ཀྱི་ཡུལ་མི་ཡིན་མིན་ལ་མ་ལྟོས་པར་སྒེར་པའམ། ཚོགས་སྡེ། སྒྲིག་འཛུགས་བཅས་བཙན་བྱོལ་བོད་མིའི་སྤྱི་ཚོགས་ཡར་རྒྱས་དང་། བོད་མིའི་དྲང་བདེན་གྱི་འཐབ་རྩོད་ལ་རྒྱབ་སྐྱོར་དང་གདུང་སེམས་མཉམ་བསྐྱེད་ཀྱིས་དང་བླངས་ཞལ་འདེབས་འབུལ་མཁན་ཡོངས་ལ་ཁྱབ་ཡིན།
ཁ། བོད་མིའི་འཛིན་སྐྱོང་བདེ་དོན་ཚོགས་པ།
བོད་མིའི་འཛིན་སྐྱོང་བདེ་དོན་ཚོགས་པ་འདི་བཞིན་རྒྱ་གར་མཉམ་འབྲེལ་དེབ་བསྐྱེལ་ ༡༨༦༠ འོག་ཁྲིམས་མཐུན་གྱིས་ཕྱི་ལོ་ ༡༩༨༨ ཕྱི་ཟླ་ ༢ ཚེས་ ༢༢ ཉིན་དེབ་སྐྱེལ་ཞུས་པས་དམིགས་ཡུལ་གཙོ་བོ་སྤྱི་ཚོགས་ཀྱི་ལས་གཞི་རིམ་པས་ཡར་རྒྱས་གཞི་རྒྱ་ཆེ་རུ་འགྲོ་བཞིན་པ་ཁག་གནས་ཡུལ་གཞུང་གི་ཁྲིམས་དང་མཐུན་པ་དགོས་མཁོ་ཇི་ཆེར་འགྲོ་མུས་དང་དེབ་སྐྱེལ་མེད་པའི་ལས་ཁུངས་ཁག་ཁྲིམས་མཐུན་འབྱུང་ཐབས་དེབ་སྐྱེལ་ཞུས་པ་ཞིག་ཡིན།
བོད་མིའི་འཛིན་སྐྱོང་བདེ་དོན་ཚོགས་པའི་དམིགས་ཡུལ་ཁག་ནི།
༡། བཙན་བྱོལ་བོད་མིའི་འཚོ་ཐབས་ཡར་རྒྱས་གཏོང་ཐབས་ཞུ་རྒྱུ།
༢། སྤྱི་ཚོགས་ནང་ཆོས་ལུགས་ཕན་ཚུན་འཆམ་མཐུན་དང་མཐུན་བསྒྲིལ་གནས་ཐབས།
༣། བཙན་བྱོལ་བོད་མི་རྣམས་རང་ཁ་རང་གསོ་འབྱུང་ཐབས་ཆེད་ལས་རིགས་གསར་བསྐྲུན།
༤། བོད་ཀྱི་ཐུན་མོང་མ་ཡིན་པའི་གསོ་བ་རིག་པའི་སྲོལ་རྒྱུན་དང་ལག་ཤེས་རྒྱུན་འཛིན།
༥། བོད་མིའི་ཤེས་ཡོན། འཕྲོད་བསྟེན། ཆོས་དང་རིག་གཞུང༌། ངལ་སེལ། དྲིལ་བསྒྲགས་སླད་དཔལ་འབྱོར་མཐུན་འགྱུར་ཞུ་རྒྱུ།
ད་ལྟའི་བོད་མིའི་འཛིན་སྐྱོང་བདེ་དོན་ཚོགས་པའི་འགན་འཛིན་ལྷན་ཚོགས་ཀྱི་མཚན་གཞུང༌།
༡། སྲིད་སྐྱོང་སྤེན་པ་ཚེ་རིང་མཆོག ཚོགས་གཙོ།
༢། དཔལ་འབྱོར་བཀའ་བློན་མཆོག ཚོགས་གཞོན།
༣། དཔལ་འབྱོར་དྲུང་ཆེ། ཚོགས་མི།
༤། ནང་སྲིད་དྲུང་ཆེ། ཚོགས་མི།
༥། འཕྲོད་བསྟེན་དྲུང་ཆེ། ཚོགས་མི།
༦། ཤེས་རིག་དྲུང་ཆེ། ཚོགས་མི།
༧། དཔལ་འབྱོར་དྲུང་འཕར། ཚོགས་མི།
ག སྤྱི་ཚོགས་ཡར་རྒྱས་ཐེབས་རྩ།
བཙན་བྱོལ་བོད་མིའི་སྒྲིག་འཛུགས་ཀྱི་ལས་གཞི་ཁག་དཔལ་ལྡན་བཀའ་ཤག་ནས་དག་མཆན་བཀའ་འཁྲོལ་སྩལ་ཐོབ་རིགས་ཀྱི་རོགས་དངུལ་ཐབས་འཚོལ་ཞུ་རྒྱུ་མཚོན་ལས་ཁུངས་གཅིག་ནས་ཁུངས་སྤྲོད་དང་ཞིབ་འཇུག་སྟངས་འཛིན་མཚོན་རོགས་ཚོགས་ཁག་དང་ཐད་འབྲེལ་འཕྲལ་ཕུགས་དམིགས་ཡུལ་དུ་མར་གཟིགས་ཏེ་རྒྱ་གར་མཉམ་འབྲེལ་དེབ་སྐྱེལ་ཁྲིམས་གཞིའི་འོག་ཁེ་མེད་སྤྱི་ཚོགས་ཡར་རྒྱས་ཐེབས་རྩ་འདི་བཞིན་ཕྱི་ལོ་ ༡༩༩༧ ཕྱི་ཟླ་ ༦ ཚེས་ ༡༩ ཉིན་དེབ་སྐྱེལ་དངོས་སུ་འགོ་འཛུགས་ཐུབ་པ་བྱུང༌། ཚོགས་པའི་དམིགས་ཡུལ་ཁག་ནི།
༡། བོད་མི་རྣམས་རང་གསོ་ཐུབ་ཐབས་ཀྱི་སྤྱི་ཚོགས་དང་དཔལ་འབྱོར་ཡར་རྒྱས་སླད་རོགས་སྐྱོར།
༢། སྤྱི་ཚོགས་ནང་ཤེས་ཡོན། འཕྲོད་བསྟེན། ཁོར་ཡུག་དང་ལས་རིགས་ཀྱི་མཐུན་རྐྱེན་སྤྱོར་སྤྲོད།
༣། བོད་མིའི་ཆོས་དང་རིག་གཞུང་མི་ཉམས་རྒྱུན་འཛིན་དང་གོང་སྤེལ་གཏོང་ཐབས།
༤། བོད་མིའི་འཛུགས་བསྐྲུན་ཡར་རྒྱས་ལས་གཞིའི་ཆེད་མ་དངུལ་ཟུར་འཛུགས།
༥། མ་འོངས་བོད་མིའི་བདེ་ཐབས་སླད་མང་གཙོ་འཕེལ་རྒྱས་གཏོང་ཐབས་མཐུན་འགྱུར།
ད་ཡོད་འགན་འཛིན་ལྷན་ཚོགས་ཀྱི་མཚན་གཞུང་གཤམ་གསལ།
༡། སྲིད་སྐྱོང་སྤེན་པ་ཚེ་རིང་མཆོག ཚོགས་གཙོ།
༢། དཔལ་འབྱོར་བཀའ་བློན་མཆོག ཚོགས་གཞོན།
༣། དཔལ་འབྱོར་དྲུང་ཆེ། ཚོགས་མི།
༤། དགའ་ལྡན་ཕོ་བྲང་དྲུང་ཆེ་འཆི་མེད་རིག་འཛིན། ཚོགས་མི།
༥། དཔལ་འབྱོར་དྲུང་འཕར། ཚོགས་མི།
༢། ཡོང་འབབ་སྡེ་ཚན།
ཀ འཛིན་སྐྱོང་ཚན་པ།
དཔལ་འབྱོར་ལས་ཁུངས་ཀྱི་སྤྱི་ཡོངས་འཛིན་སྐྱོང་དང་འབྲེལ་བའི་ཞུ་སྒོ་ཁག་གི་ཐོག་ལོ་འཁོར་ལས་བསྡོམས་བཟོ་སྒྲིག་འགན་འཁུར་ཞུ་བཞིན་པ་ཡིན།
ཁ། གྲངས་ཐོའི་ཚན་པ།
ཕྱི་ལོ་ ༡༩༥༩ ལོར་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་དྲག་པོའི་དཔུང་དམག་ནས་བོད་ས་ཡོངས་རྫོགས་བཙན་འཛུལ་བྱས་རྐྱེན་༸་གོང་ས་མཆོག་གིས་དབུས་བོད་མི་འབུམ་ལ་ཉེ་བ་བཙན་བྱོལ་དུ་གྱར་དགོས་བྱུང་རྗེས་བོད་མིའི་རང་ཆས་སུ་མངའ་བས་ཐུན་མོང་མ་ཡིན་པའི་རྩ་ཆེའི་ཆོས་དང་རིག་གཞུང་མི་ཉམས་རྒྱུན་འཛིན་དང་རང་དབང་སླར་གསོའི་ཆེད་བཙན་བྱོལ་བོད་མིའི་སྒྲིག་འཛུགས་ཕྲ་ཚུགས་གནས་ཐབས་བྱ་རྒྱུར་བོད་མི་རང་ངོས་ནས་དཔལ་འབྱོར་རྒྱབ་རྟེན་དང་བླངས་དཔྱ་དངུལ་འབུལ་བཞེས་འགན་འཁུར་བོད་རང་དབང་བདེན་པའི་ལས་འགུལ་ཚོགས་ཆུང་ཁག་ནས་གནང་བཞིན་པ་ཡིན།
དཔྱ་དངུལ་ལག་དེབ་དང་དཔྱ་ཁྲལ་རྒྱབ་ལྗོངས།
ལྦ་ར་ཎ་སིར་གནས་འཁོད་བོད་མི་ཁག་ཅིག་གིས་སྐུལ་སྤེལ་འོག ཕྱི་ལོ་ ༡༩༧༢ ཕྱི་ཟླ་ ༧ ཚེས་ ༢༢ ནས་ ༣༡ བར་བཞུགས་སྒར་དྷ་རམ་ས་ལར་བོད་རང་དབང་བདེན་པའི་ལས་འགུལ་གྱི་སྔོན་འགྲོའི་ཚོགས་ཆེན་སྐོང་ཚོགས་གནང་བའི་གྲོས་ཆོད་དགོངས་དོན་བཞིན། བཙན་བྱོལ་བོད་མི་ཡོང་ཀྱི་བཙན་བྱོལ་བོད་གཞུང་ལ་ངོས་ལེན་དང་བརྩི་མཐོང་མཚོན་བྱེད་དུ། མ་བསྐུལ་དང་བླངས་ཀྱི་སྒོ་ནས་རྒྱལ་དོན་མ་དངུལ་བསྡུ་འབུལ་གྱི་ལམ་སྲོལའགོ་འཛུགས་བྱས་ཤིང་། ཕྱི་ལོ་ ༡༩༩༢ ལོར་བོད་མི་མང་སྤྱི་འཐུས་ལྷན་ཚོགས་ནས་བཙན་བྱོལ་བོད་མིའི་དང་བླངས་དཔྱ་དངུལ་དང་བསྡུ་དངུལ་གཞན་དག་གི་འབུལ་འབབ་ཁྲིམས་ཡིག་གཏན་འབེབས་གནང་སྟེ་། བསྡུ་འབབ་དེ་རིགས་དཔྱ་ཁྲལ་ངོ་བོར་བསྒྱུར་བཅོས་དང་། བཙན་བྱོལ་བོད་མིའི་བཅའ་ཁྲིམས་དོན་ཚན་ ༡༣ ནང་གསེས་ ༤ བར་གསལ་བའི་བོད་ཀྱི་ཡུལ་མིའི་ལས་འགན་དུ་ངོས་འཛིན་དང་སྦྲགས། ཁྲིམས་ཡིག་ཏུ། “དང་བླངས་དཔྱ་དངུལ་དང་ཟས་བཅད་དོད་། ཕོགས་ཐོབ་བརྒྱ་ཆ་ཆད་མེད་སྒྲུབ་འབུལ་མི་བྱེད་མཁན་སུས་ཀྱང་བཙན་བྱོལ་བོད་མིའི་བཅའ་ཁྲིམས་དང་། ཁྲིམས་ཡིག་ནང་གསལ་བོད་ཀྱི་ཡུལ་མའི་ཐོབ་ཐང་ཁག་ལ་ལོངས་སུ་སྤྱོད་མི་ཆོག” ཅེས་ཁྲིམས་སྡོམས་གནང་ཡོད།
དཔྱ་དངུལ་ལག་དེབ།
དཔྱ་དངུལ་ལག་དེབ་ནི་བོད་མི་ཡིན་པའི་དན་རྟགས་ཚད་ལྡན་ཡོད་རིགས་ནས་ཞུ་སྤྲོད་ཆོག བཙན་བྱོལ་ནང་སློབ་གྲྭ་ནང་སློབ་འཇུག་དང་མཐོ་སློབ་འགྲིམས་སྐབས་སློབ་ཡོན་ཞུ་ཆེད་དང་དེ་ཡང་བོད་མིའི་སྒྲིག་འཛུགས་ནང་ལས་རིགས་ནང་མཉམ་བཞུགས་བྱེད་སྐབས་རྒྱུགས་སྤྲོད་སྐབས་ཆ་རྐྱེན་ཐོག་མ་ཞིག་ཡིན། བཅའ་ཁྲིམས་དགོངས་དོན་བཙན་བྱོལ་ནང་དཔྱ་དངུལ་ལག་དེབ་འབུལ་ཆད་མེད་པ་ཞིག་ནི་འོས་འཕེན་པའི་ཆ་རྐྱེན་མེད་དུ་མིརུང་བ་ཞིག་ཡིན།
དང་བླངས་དཔྱ་དངུལ་གྱི་ངོ་བོ།
དཔྱ་དངུལ་འདི་ནི་བཙན་བྱོལ་བོད་མི་ཡོངས་ཀྱི་བོད་མིའི་སྒྲིག་འཛུགས་ལ་ངོས་ལེན་དང་རྩིས་མཐོང་གི་མཚོན་བྱེད་དུ་མ་བསྐུལ་དང་བླངས་ཀྱི་ཕྱི་ལོ་ ༡༩༧༢ ཟླ་ ༧ ཚེས་ ༣༠ ཉིན་བོད་རང་བདང་བདེན་པའི་ལས་འགུལ་གྱི་སྔོན་འགྲོའི་ཚོགས་ཆེན་དུ་ཐག་བཅད་གྲོས་ཆོདང་བཞག་པ་ལྟར་རང་མོས་དང་བླངས་ཀྱི་འབུལ་སྒྲུབ་དགོས་པ། བཙན་བྱོལ་བོད་མིའི་བཅའ་ཁྲིམས་དོན་ཚན་ ༡༣ པའི་ནང་གསེས ༤ པར་གསལ་བའི་བོད་ཀྱི་ཡུལ་མིའི་ལས་འགན་ཞིག་ཡིན།
དཔྱ་དངུལ་འབབ་ཚད། ༼ རྒྱ་བལ་འབྲུག་གསུམ། ༽
| རང་ལོ། | དཔྱ་དངུལ། | ཟས་བཅད་དོད། | བསྡོམས། | |
| ༦ ནས་ ༡༧ བར། | ༢༠ | མེད། | ༢༠ | |
| ༡༨ ཡན། | ༡༥༠ | ༥༠ | ༢༠༠ |
ཕྱི་རྒྱལ་གནས་སྡོད་བོད་མི།
| རང་ལོ། | དཔྱ་དངུལ། | ཟས་བཅད་དོད། | བསྡོམས་སྒོར། | |
| ༦ ནས་ ༡༧ | ཨ་སྒོར་ ༡༢ | མེད། | ཨ་སྒོར་ ༡༢ | |
| ༡༨ ནས་ ༨༤ བར། | ཨ་སྒོར་ ༣༦ | ཨ་སྒོར ༡༠ | ཨ་སྒོར་ ༤༦ |
གླ་ཡོད་ལས་རིགས་ཡིན་ཚེ་ཨ་སྒོར་ ༥༠ ཕུལ་དགོས།
ཕོགས་ཐོབ་བརྒྱ་ཆ།
༡། རྒྱ་གར་དང་བལ་ཡུལ། འབྲུག་གསུམ་ནང་གནས་སྡོད་བོད་མི་ཕོགས་ཡོད་རྣམས་ཀྱིས་རང་གི་རྩ་ཕོགས་ཀྱི་བརྒྱ་ཆ་བཞིའམ། སྒང་ཕོགས་ཀྱི་བརྒྱ་ཆ་གཉིས་གང་མང་བ་དེ་འབུལ་དགོས། རྩ་ཕོགས་དང་སྒང་ཕོགས་ཐ་སྙད་གསལ་ཁ་མེད་པ་ལས་དོད་དང་མཚན་དོད་ཐོབ་མཁན་རྣམས་ཀྱིས་ལས་དོད་དང་མཚན་དོད་འབབ་ནས་བརྒྱ་ཆ་ ༢་༧༠ འབུལ་དགོས། ཉིན་གླའི་ཐད་ལས་ཁུངས་སམ་སྡེ་ཚན་གཅིག་གི་ནང་ཉིན་གྲངས་ ༣༡ ལས་མང་བ་ཞུ་སྤྲོད་བྱ་དགོས་རིགས་ནས་ཉིན་གླ་ཇི་ཐོབ་ཀྱི་འབབ་ནས་བརྒྱ་ཆ་ ༡ འབུལ་དགོས།
༢། རྒྱ་བལ་འབྲུག་གསུམ་ཕུད་པའི་ཕྱི་རྒྱལ་དུ་གནས་སྡོད་བོད་མི་ཕོགས་ཡོད་རྣམས་ཀྱིས་ལོ་རེར་ཨ་སྒོར་ ༥༠ རེ་འབུལ་དགོས།
༣། རྒྱ་གར་དང་བལ་ཡུལ། འབྲུག་བཅས་སུ་གནས་སྡོད་བོད་མི་ཕོགས་ཐོབ་མེད་པ་ཚོང་ཁེའི་ཡོང་འབབ་ཡོད་རིགས་རྣམས་ནས་བློས་བཅད་ཀྱིས་ཚོང་ཕུད་ཞལ་འདེབས་ལོ་ལྟར་བསྡུ་འབུལ་དགོས་རྒྱུ།
ངེས་ཅན་བསྡུ་དངུལགཙང་ཁེའི་བརྒྱ་ཆའི་འབབ་ཚད།
༡། བོད་མིའི་སྒྲིག་འཛུགས་ནས་གཏན་འབེབས་ངོས་འཛིན་གནང་བའི་སྤྱི་པའི་མཉམ་ལས་དང༌། བཟོ་ཚོང་རྣམས་ཀྱིས་ལོ་རེའི་གཙང་ཁེའི་བརྒྱ་ཆ་ ༡༥ རེ་སྤྱི་ཁྱབ་རྩིས་ཞིབ་ལས་ཁང་ནས་རྩིས་ཞིབ་གནང་བའི་ཁེ་གུན་རྩིས་འབྲས་སྙན་ཐོ་གཞི་བཟུང་འབུལ་རྒྱུ། སྤྱི་པའི་མཉམ་ལས་དང་བཟོ་ཚོང་སྡེ་ཚན་གང་ཞིག་ལོ་རང་བཀག་རྩིས་གསལ་གཙང་ཁེ་གསལ་གྱི་ཡོད་རུང༌། ལོ་སྔོན་མ་རྣམས་སུ་སྡེ་ཚན་མ་ལག་དང་བཅས་པའི་ (Accumulated) ཕྱོགས་བསྡོམས་རྩིས་གསལ་དུ་སྡེབ་གསོག་གྱོང་གུན་ཡོད་རིགས་ཁ་གསབ་མ་ཟིན་བར་ལོ་འཁོར་གཙང་ཁེའི་བརྒྱ་ཆ་ ༡༥ འབུལ་མི་དགོས།
བསྡུ་དངུལ་ཆག་ཡང་།
རང་ལོ་ ༨༥ ཡན་སོན་པ་རྣམས་ལ་ལོ་ནའི་བབ་ཀྱིས་ཆེ་མཐོང་དང་གུས་བརྩི་མཚོན་བྱེད་དང་བླངས་དཔྱ་དངུལ་འབུལ་དགོས་མེད།
ཕབ་ལེན།
༡། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་གསར་བཟོའི་འགེངས་ཤོག
༢། སྣེ་ལེན་ཁང་མ་བརྒྱུད་པར་བོད་ནས་གསར་འབྱོར་བའི་དཔྱ་དངུལ་ལག་དེབ་གསར་བཟོའི་འགེངས་ཤོག
༣། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་ནོར་བཅོས་འགེངས་ཤོག
༤། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤ ོག
༥། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤོག ༼ མིང་བསྒྱུར། ༽
༦། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤོག ༼ སྐྱེས་ཚེེས་དང་། སྐྱེས་ཡུལ། ༽
༧། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤོག ༼ ཆོལ་ཁ། ༽
༨། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤོག ༼ ད་ལྷའི་གནས་ཚུལ་ཁ་སྐོང་། ༽
༩། ལྟ་སྐྱོང་གན་རྒྱ།
༡༠། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤོག ༼ གཙང་བཤུ། ༽
༡༡། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤོག ༼ ཤོག་ངོས་རྫོགས་པ། ༽
༡༢། བཙན་བྱོལ་བོད་མིའི་རང་དབང་གཅེས་འཛིན་དང་བླངས་དཔྱ་དངུལ་ལག་དེབ་བཟོ་བཅོས་འགེངས་ཤོག ༼ བོར་བརླགས། ༽
༣། གཞུང་གྲོན་སྡེ་ཚན།
སྡེ་ཚན་འདིར་སྐབས་འཁྲིའི་ལས་འགན་གཙོ་བོ་དབུས་བོད་མིའི་སྒྲིག་འཛུགས་ཀྱི་ལོ་འཁོར་དང་བསྐྱར་བཅོས་སྔོན་རྩིས་བཟོ་འདོན་གྱིས་བཀའ་ཤག་ཏུ་རྒྱབ་གཉེར་འཆར་འབུལ་དང་གྲོས་ཚོགས་ནས་བཀའ་འཁྲོལ་ཞུ་ཐོབ་མཚོན་དབུས་བོད་མིའི་སྒྲིག་འཛུགས་ཀྱི་འགྲོ་གྲོན་དང་དཔལ་འབྱོར་དང་འབྲེལ་བའི་སྲིད་བྱུས་ཁག་ལ་སྟངས་འཛིན་ཞུ་བཞིན་ཡོད།
ཀ སྔོན་རྩིས་ཚན་པ།
བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༢ དང༌། གཞུང་དངུལ་འདུ་འགོད། ལོ་འཁོར་སྔོན་རྩིས་དངུལ་རྩིས་སྟངས་འཛིན་བཅས་ཀྱི་སྒྲིག་གཞིའི་དོན་ཚན་ ༨ དང་ ༩ དགོངས་དོན་ལྟར། བོད་མིའི་སྒྲིག་འཛུགས་ཀྱི་ལས་ཁུངས་མ་ལག་དང་བཅས་པའི་ལོ་འཁོར་དང༌། བསྐྱར་བཅོས་སྔོན་རྩིས། བར་བརྒལ། ཁ་བསྒྱུར་བཅས་ཀྱི་བཀའ་འཁྲོལ་འཆར་འབུལ་ཁག་ལ་ཞིབ་འཇུག་དང་ཕྱོགས་བསྡོམས་ཞུས་ཏེ། འཆར་འབུལ་ཐོག་བཀའ་ཤག་གིས་རྒྱབ་གཉེརདང༌། གྲོས་ཚོགས་དང་སྤྱི་འཐུས་རྒྱུན་ལས་ཀྱི་བཀའ་འཁྲོལ་དང་འབྲེལ་བའི་ལས་དོན་ཞུ་སྒོ་མཐའ་དག་འཐུས་ཚང་ཞུ་བཞིན་པ་ཡིན།
བོད་མིའི་ཁྱད་ལས་དང་བླངས་ཞབས་ཞུ་ཚན་པ།
དམིགས་ཡུལ་རྩོ་བོ་ནི་བོད་མིའི་འཐབ་རྩོད་མུ་མཐུད་སྲ་བརྟན་རྒྱུན་གནས་དང། ནུས་ཤུགས་ཆེ་རུ་གཏོང་རྒྱུ། དེ་བཞིན་ཡར་རྒྱས་བཏང་སྟེ་བོད་དང་བོད་མིར་མི་རབས་ནས་མི་རབས་བར་ཐུགས་ཕན་གསོ་ཆེད་བཙན་བྱོལ་བོད་མིའི་སྤྱི་ཚོགས་ཁྲོད་དུ་ཡོད་པའི་ལས་ཐོག་དང་ལས་ཡོལ་ཟིན་པའི་ཁྱད་ལས་པ་དང། ན་གཞོན་འགོ་ཁྲིད་རྣམས་མཉམ་རུབ་ཀྱིས་དང་བླངས་ཀྱི་སྒོ་ནས་ཞབས་འདེགས་ཞུ་མཁན་གྱི་སྡེ་ཚན་ཞིག་བསྐྲུན་ཐབས་ཞུ་རྒྱུ་དེ་ཡིན། www.tibetcorps.org
འཆར་འགོད་ལྷན་ཁང་།
དཔལ་འབྱོར་ལས་ཁུངས་ཀྱི་ཁྱབ་ཁོངས་འཆར་འགོད་ལྷན་ཁང་ནི་བཙན་བྱོལ་བོད་མིའི་སྒྲིག་འཛུགས་གི་ལས་ཁུངས་མ་ལག་དང་བཅས་པའི་འཆར་གཞི་ཁག་གི་འཆར་འགོད་ཆེད་ཟུར་འཛུགས་གནང་བ་ཡིན། དེས་བཙན་བྱོལ་བོད་མིའི་སྤྱི་ཚོགས་ཁྲོད་ཀྱི་མི་དང་། དངོས་པོའི་ནུས་པ། དཔལ་འབྱོར་བཅས་ཀྱི་ཐོན་སྐྱེད་ནུས་ཤུགས་འཕེལ་རིམ་ལ་གཞིགས་པའི་དགེ་བེད་ལོངས་སྤྱོད་རྒྱུའི་འཆར་གཞི་ཁག་འགོད་འདོམས་གནང་གི་ཡོད།
ཁ། གཞུང་གྲོན་ཚན་པ།
ལས་ཁུངས་མ་ལག་དང་བཅས་པའི་སྤྱི་ཡོངས་དངུལ་རྩིས་འགོད་ཉར་དང་སྟངས་འཛིན། ལས་བྱེད་གསར་བསྐོ་དང་གནས་སྤར་བཅས་ཀྱི་ཕོགས་རིམ་གཏན་འབེབས་དང་བསྐྱར་བཅོས། སྒྲིག་མཐུན་རྒས་ཡོལ་དང་རྩ་དགོངས་ཞུས་སྩལ་སོ་སོའི་རྒས་ཕོགས་དང་གཟིགས་གསོལ་ཐོབ་ཐང་རྩིས་བསྐོར། ཕྱོགས་བཞུགས་རྒས་ཡོལ་བའི་རྒས་ཕོགས་ཁུངས་སོ་སོར་འབུལ་གཏོང་ཞུ་རྒྱུ། རྩ་དགོངས་དང༌། རྒལ་ཡོལ་ཞུས་སྩལ་གྱི་གསོག་དངུལ་དང་མཐུན་རྐྱེན། ཐོབ་ཐང་བཅས་ཞུ་ལེན་སྐབས་སྒྲིག་དོན་དང་ལམ་སྟོན་འགལ་འཛོལ་མི་འབྱུང་བའི་ཞུ་སྒོ་ཁག ཟླ་ ༦ མཚམས་སུ་ཡུལ་ཐང་འཕར་འབབ་དང་བསྟུན་ཏེ་ཕོགས་ཐོབ་ཀྱི་ཡུལ་ཐང་གུན་གསབ་ཀྱང་དེ་མཚུངས་སྤར་ཕྱོགས་བཀའ་ཤག་ལ་འཆར་འབུལ་གྱིས་ཆོག་མཆན་ཐོན་མཚམས་མཇུག་སྐྱོང་ཞུ་སྒོ་ཁག་དང༌། གཞུང་གི་ཕེབས་འཁོར་ཡོངས་རྫོགས་ཀྱི་སྤྱི་ཡོངས་སྟངས་འཛིན་འགན་འཁུར་ཞུ་བཞིན་པ་བཅས།
ཀམ་པུ་ཊར་ཚན་པ།
སྡེ་ཚན་འདི་ནི་ཕྱི་ལོ་ ༡༩༩༣ ལོར་གསར་འཛུགས་དང་། འདིའི་བསྒྲུབ་བྱའི་དམིགས་ཡུལ་ནི
༄༅། དཔལ་འབྱོར་བཀའ་བློན་རིམ་བྱོན་གྱི་མཚན་གཞུང་གཤམ་གསལ།
| ཨང༌། | མཚན། | འགོ་འཛུགས། | འཕོ་དུས། |
| ༡ | བྱེ་གཤོངས་ཚེ་དབང་རྟ་མགྲིན། | ༡༩༧༣།༡༢།༡༩ | ༡༩༨༣།༠༣།༡༥ |
| ༢ | གྲ་ཕྱི་ཕུན་རབ་པ་བློ་བཟང་དར་རྒྱས། | ༡༩༨༣།༠༣།༡༦ | ༡༩༩༠།༠༥།༣༠ |
| ༣ | སྐལ་བཟང་ཡེ་ཤེས། | ༡༩༩༠།༠༦།༠༡ | ༡༩༩༡།༠༧།༠༡ |
| ༤ | བཀྲས་མཐོང་བསྟན་འཛིན་རྣམ་རྒྱལ། | ༡༩༩༡།༠༨།༠༩ | ༡༩༩༤།༠༨།༣༠ |
| ༥ | ཟླ་བ་ཚེ་རིང༌། | ༡༩༩༤།༠༩།༠༡ | ༡༩༩༦།༠༥།༣༠ |
| ༦ | བཟོད་པ་རྒྱ་མཚོ།། | ༡༩༩༦།༠༦།༠༡ | ༢༠༠༡།༠༩།༠༤ |
| ༧ | ཛ་ཡུལ་བློ་བཟང་སྙན་གྲགས། | ༢༠༠༡།༠༨།༡༥ | ༢༠༠༦།༠༨།༡༤ |
| ༨ | བཀའ་ཁྲི་ཟམ་གདོང་བློ་བཟང་བསྟན་འཛིན། | ༢༠༠༦།༠༨།༡༥ | ༢༠༠༧།༡༠།༠༤ |
| ༩ | ཚེ་རིང་དོན་གྲུབ། | ༢༠༠༧།༡༠།༠༥ | ༢༠༡༦།༠༥།༣༡ |
| ༡༠ | ཀརྨ་ཡེ་ཤེས། | ༢༠༡༦།༠༦།༠༡ | ༢༠༢༡།༠༥།༢༧ |
༄༅། དཔལ་འབྱོར་དྲུང་ཆེ་རིམ་བྱོན་གྱི་མཚན་གཞུང༌།
| ཨང༌། | མཚན། | འགོ་འཛུགས། | འཕོ་དུས། |
| ༡ | ལྷུན་གྲུབ་རྒྱལ་པོ། | ༡༩༦༩།༠༦།༠༢ | ༡༩༧༢།༡༢།༠༥ |
| ༢ | སྟག་གཟིམ་ཉི་མ་བཟང་པོ། | ༡༩༧༢།༡༢།༠༦ | ༡༩༧༥།༠༢།༠༥ |
| ༣ | དགེ་འདུན་དགེ་ལེགས། | ༡༩༧༥།༠༤།༠༡ | ༡༩༨༠།༠༢།༢༠ |
| ༤ | གྲ་ཕྱི་ཕུན་རབ་བློ་བཟང་དར་རྒྱས། | ༡༩༨༠།༠༥།༠༡ | ༡༩༨༣།༠༣།༡༠ |
| ༥ | ཟླ་བ་ཚེ་རིང༌། | ༩༨༣།༠༣།༢༡ | ༡༩༩༡།༠༨།༢༤ |
| ༦ | ཚེ་རིང་བཀྲིས། | ༡༩༩༡།༠༩།༢༥ | ༡༩༩༤།༦།༣༠ |
| ༧ | ངམ་དྲུང་བཀྲིས་ཕུན་ཚོགས། | ༡༩༩༤།༠༧།༠༡ | ༡༩༩༨།༠༡།༢༠ |
| ༨ | སྟག་ལྷ་རྣམ་རྒྱལ་ལྷ་མོ། | ༡༩༩༧།༠༥།༠༧ | ༡༩༩༨།༠༡།༢༠ |
| ༩ | ཨམྱེ་ཚང་ཐུབ་བསྟན་བཀྲིས། | ༡༩༩༨།༡།༢༡ | ༢༠༠༢།༠༤།༠༩ |
| ༡༠ | བདེ་ཤར་ཚེ་རིང་རྡོ་རྗེ། | ༢༠༠༢།༤།༡༡ | ༢༠༠༣།༡༠།༢༦ |
| ༡༡ | འཁོར་ལྷ་ཚང་བསོད་ནམས་སྟོབས་རྒྱལ། | ༢༠༠༣།༡༠།༢༧ | ༢༠༡༠།༢།༢༨ |
| ༡༢ | ཟླ་བ་རྡོ་རྗེ། | ༢༠༡༠།༣།༡ | ༢༠༡༢།༥།༣༡ |
| ༡༣ | འཕྲིན་ལས་རྒྱ་མཚོ། | ༢༠༡༢།༠༥།༠༡ | ༢༠༡༨།༩།༣༠ |
| ༡༤ | ཡེ་ཤེས་དབང་མོ། | ༢༠༡༨།༡༠།༠༨ | ༢༠༢༡།༠༥།༢༡ |
| ༡༤ | བསྟན་འཛིན་ལེགས་གྲུབ། (དྲུང་ཚབ།) | ||
| ༡༥ | གྱང་གསར་ཚེ་རིང་དོན་གྲུབ། | ༢༠༢༣།༠༩།༠༧ |