༢༠༡༣ ཟླ་ ༥ ཚེས་ ༢༡ རེས་གཟའ་མིག་དམར།

༄༅། །ཕྱི་ལོ་ ༢༠༡༣ ཟླ་ ༥ ཚེས་ ༡༧ ཉིན་རྒྱལ་སྤྱིའི་བོད་དོན་གདུང་སེམས་མཉམ་སྐྱེའི་ཉིན་མོ་དང་བསྟུན་ཨུ་རུ་སུ་སྐུ་ཚབ་དོན་ཁང་གིས་གོ་སྒྲིག་འོག་རྒྱལ་ས་མོ་སི་ཀོའི་ནང་བོད་མི་དང་བོད་དོན་རྒྱབ་སྐྱོར་བ། དེ་བཞིན་བོདབརྒྱུད་ནང་བསྟན་རྗེས་འཇུག་པ་རྣམས་འདུ་འཛོམས་ཀྱིས་ཐོག་མར་འབྲས་སྤུངས་སྒོ་མང་གྲྭ་ཚང་གི་དགེ་འདུན་པ་ལྔས་གཞིས་ཞུགས་བོད་མི་དཀའ་སྡུག་མྱོང་བཞིན་པ་རྣམས་ཀྱི་ཆེད་སྨོན་ལམ་གསུང་འདོན་གནང་།

དེ་རྗེས་སྐུ་ཚབ་དོན་གཅོད་ངག་དབང་རབ་རྒྱས་ལགས་ཀྱིས་བཀའ་སྤྱི་ཐུན་མོངས་ཀྱི་མཛད་སྒོ་ངོ་སྤྲོད་མདོར་ཙམ་གནང་བསྟུན། མོ་སི་ཀོ་བོད་ཁང་གི་འགན་འཛིན་གཞོན་པ་ལྕམ་སྐུ་ན་ཌ་ཡ་བྷར་ཀིན་ཇེམ་ Mrs. Nadya Berkengeym ལགས་ཀྱིས་མཛད་སྒོ་དང་འབྲེལ་བའི་གསུང་བཤད་གནང། བོད་ནང་དེང་སྐབས་གནས་སྟངས་ཛ་དྲག་འོག་བོད་མི་རྣམས་དཀའ་སྡུག་ཧ་ཅང་མྱོང་བཞིན་པ་དང།

ལྷག་པར་ཕྱི་ལོ་ ༢༠༠༩ ནས་ད་བར་བོད་མི་ ༡༡༧ ཡིས་རང་ལུས་མེར་སྲེག་བཏང་སྟེ་རྒྱ་ནག་གཞུང་གི་དམ་བསྒྲགས་ཅན་གྱི་སྲིད་བྱུས་ལ་ཞི་རྒོལ་གནང་ཡོད་སྐོར་ངོ་སྤྲོད་གནང། དེ་ནས་བོད་མིའི་སྒྲིག་འཛུགས་དྲིལ་བསྒྲགས་ལས་ཁུངས་ནས་འགྲེམས་སྤེལ་ཞུས་པའི་ཨུ་རུ་སུའི་སྐད་ཡིག་ཐོག་ཕབ་བསྒྱུར་གནང་བ། བོད་ནང་རྒྱ་ནག་གཞུང་གིས་གང་བྱེད་བཞིན་ཡོད་དམ།“What’s China doing in Tibet ?” ཞེས་པ་དང། བོད་ནས་བྲོས་བྱོལ།“An Escape from Tibet” ཞེས་པའི་དངོས་བྱུང་གློག་བརྙན་བསྟན། ཐེངས་འདིའི་བོ་དོན་གདུང་སེམས་མཉམ་སྐྱེའི་ལས་འགུལ་འདི་བཞིན་ཨུ་རུ་སྐུ་ཚབ་དོན་ཁང་དང་མོ་སི་ཀོར་རྟེན་གཞི་བྱས་པའི་བོད་ཀྱི་རིག་གཞུང་དང་དྲིལ་བསྒྲགས་བསྟི་གནས་ཁང་གཉིས་ཀྱིས་གོ་སྒྲིག་གནང་བར་བླ་མ་ཙོང་ཁ་པའི་ཆོས་ཚོགས་དང། དེ་བཞིན་ཉེ་ལམ་གསར་འཛུགས་གནང་བའི་བོད་ནང་གི་བྱུང་བ། ”Events in Tibet” ཀྱིས་མཐུན་འགྱུར་གནང་ཡོད།