༢༠༡༣ ཟླ་ ༥ ཚེས་ ༦ རེས་གཟའ་ཟླ་བ།

༄༅། །ཕྱི་ལོ་ ༢༠༡༣ ཟླ་ ༥ ཚེས་ ༢༠ ནས་ ༢༧ བར་ཆོས་རིག་བཀའ་བློན་པདྨ་ཆོས་འབྱོར་མཆོག་རྒྱ་གར་ལྷོ་ཕྱོགས་སྦེལ་ཀོབ་ཁུལ་དུ་རྙིང་མའི་དབུ་འཛིན་ཁྲི་རབས་གསུམ་པ་གྲུབ་དབང་པདྨ་ནོར་བུ་རིན་པོ་ཆེ་མཆོག་དགོངས་པ་ཆོས་དབྱིངས་སུ་གཤེགས་ནས་ལོ་ངོ་བཞི་ལྷག་སོང་ཞིང་། ཕྱི་ཚེས་ ༢༣ ཉིན་སྐུ་གདུང་ཞུགས་འབུལ་གནང་གཏན་འཁེལ་བའི་ཆོས་ཕྱོགས་ཀྱི་གནང་སྒོར་ངོ་ཕེབས་གནང་རྒྱུ་ཡིན་འདུག
དེ་ཡང་ཕྱི་ཚེས་ ༢༠ ཉིན་བཀའ་བློན་མཆོག་རྡ་ས་ནས་པ་ཀོར་བརྒྱུད་ལྡི་ལིར་ཕེབས་ཐོན་གནང་རྒྱུ་དང་། ཕྱི་ཚེས་ ༢༡ ཉིན་ལྡི་ལི་ནས་མཁའ་ལམ་བརྒྱུད་སྦེང་ལོར་ཕེབས་ཐོན་གནང་རྒྱུ་ཡིན་འདུག ཕྱི་ཚེས་ ༢༢ ཉིན་སྦེང་ལོར་ནས་སྦེལ་ཀོབ་ཏུ་ཕེབས་འབྱོར་གནང་རྒྱུ་དང་། ཕྱི་ཚེས་ ༢༣ ནས་ ༢༥ བར་ཞུགས་འབུལ་ཆོས་ཕྱོགས་ཀྱི་གནང་སྒོར་ངོ་བཅར་གནང་རྒྱུ་ཡིན་འདུག ཕྱི་ཚེས་ ༢༦ ཉིན་སྦེང་ལོར་ནས་ལྡི་ལིར་ཕེབས་ཐོན་དང་། ཕྱི་ཚེས་ ༢༧ ཉིན་ལྡི་ལི་ནས་ཅན་རྡི་སྒར་བརྒྱུད་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།།