༢༠༠༩ ཕྱི་ཟླ་ ༥ ཚེས་ ༢༢ རེས་གཟའ་པ་སངས།
༄༅། །བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག ༢༠༠༩ ཕྱི་ཟླ་ ༥ ཚེས་ ༡༤ ནས་ཚེས་ ༢༩ བར་ཉིན་གྲངས་ ༡༧ རིང་གཞུང་འབྲེལ་ཕྱོགས་བསྐྱོད་ཕེབས་ཡོད། དེ་ཡང་ཕྱི་ཟླ་ ༥ ཚེས་ ༡༤ ཕྱེད་ཡོལ་ཙམ་ནས་རྡ་ས་ནས་པ་ཀོར་བརྒྱུད་ལྡི་ལིར་ཕེབས་ཐོན་གྱིས་ཚེས་ ༡༥ དགོང་དྲོ་ལྡི་ལི་ནས་མཁའ་ལམ་བརྒྱུད་ཨེམ་ས་གྲམ་དུ་ཕེབས་ཏེ་ཚེས་ ༡༦ ཉིན་ས་གནས་དེར་འབྱོར་འཕྲལ་ཕྱེད་ཡོལ་ནས་ (ICT) མཛད་སྒོར་ཕེབས་མཁན་གྱིས་སྐུ་མགྲོན་ཁག་དང་ལྷན་དུ་ཚོགས་འདུར་མཉམ་ཞུགས་གནང་།
ཚེས་ ༡༧ ཉིན་ (ICT,Netherland) དབུ་བརྙེས་ནས་ལོ་ངོ་བཅུ་ཧྲིལ་པོ་འཁོར་བའི་དུས་ཆེན་སྲུང་བརྩིའི་མཛད་སྒོར་མཉམ་ཞུགས་ཀྱིས་གསུང་བཤད་ཀྱང་གནང་ཡོད་འདུག ཚེས་ ༡༨ ཉིན་ (Dutch) གྲོས་ཚོགས་ཀྱི་འཐུས་མི་ཁག་དང་ལྷན་དུ་ཚོགས་འདུར་མཉམ་ཞུགས་གནང་གྲུབ་རྗེས་བོད་དོན་རྒྱབ་སྐྱོར་ཚོགས་པའི་འཐུས་མི་དང་ (ICT) ལས་བྱེད་པ་རྣམས་དང་ལྷན་དུ་ཚོགས་འདུ་ཚོགས་ཏེ་གསར་འགོད་པའི་དོགས་དྲི་ཁག་ལ་ལན་འདེབས་གསལ་བཤད་བཅས་གནང་འདུག
དེ་ཉིན་གྱི་ཕྱེད་ཡོལ་ཙམ་ནས་ཨེམ་ས་གྲམ་ནས་ཕ་རན་སིའི་རྒྱལ་ས་པེ་རི་སིར་ཕེབས་ཏེ་ཚེས་ ༡༩ སྔ་དྲོའི་ཆུ་ཚོད་ ༡༠།༣༠ ཐོག་ཕ་རན་སིའི་གྲོས་ཚོགས་འོག་མའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ལིའུ་ནལ་ལུ་ཁ་མཆོག་ (Lionnel Luca, President of the Tibet Group in the national Assembly Lower house) དང་མཇལ་འཕྲད་གནང་རྗེས་ཕ་རན་སིར་གནས་སྡོད་རང་རིགས་སེར་སྐྱ་མི་མང་དང་ལྷན་འཛོམས་གནང་། དེ་ཉིན་དགོང་དྲོ་ཆུ་ཚོད་ ༧།༣༠ ཐོག་ཕ་རན་སིའི་གྲོས་ཚོགས་གོང་མའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཇིན་ཕ་རན་ཁོསེ་ཧམ་བྷར་ཊེ་མཆོག་ (Jean Francois Humbert, President of the Tibet Support Group in the Senate) དང་མཇལ་འཕྲད་གནང་།
ཚེས་ ༢༠ སྔ་དྲོ་ཕ་རན་སིའི་གྲོས་ཚོགས་གོང་མའི་བོད་དོན་རྒྱབ་སྐྱོར་ཚོགས་པའི་དྲུང་ཆེ་སྐུ་ཞབས་ཝིན་སན་ཊེ་ཊོ་སེ་ (Vincent Tous, Secretary of the Tibet Support Group in the Senate) དང་མཇལ་མོལ་གནང་རྗེས་ཕྱི་དྲོ་པེ་རི་སི་ནས་ཨེ་ཊ་ལིའི་ས་གནས་མི་ལན་དུ་ཕེབས་ཐོན་གནང་ཡོད།
ཚེས་ ༢༡ སྔ་དྲོ་སྐུ་ཚབ་ (Dr. Luis Durnwalder, President of the Province) དང་ལྷན་ཚོགས་གནང་རྗེས་ (Directorate of the Provincial Legislature of Bolzano,South Tyrol) དང་། དེ་བཞིན་སྐུ་ཞབས་ (Luigi Spagnolli, Mayor of Bolzano) ལྷན་ཚོགས་སུ་གསར་འགོད་ལྷན་ཚོགས་ཀྱང་གནང་། དེ་རྗེས་སྐུ་ཞབས་ (Evapfosti) ལགས་ཀྱི་ལྗགས་རྩོམ་གནང་བའི་དཔེ་དེབ་དབུ་འབྱེད་ཀྱི་མཛད་སྒོར་མཉམ་ཞུགས་ཀྱིས་ཕྱི་དྲོ་དེ་ག་ས་གནས་ཀྱི་བོད་དོན་རྒྱབ་སྐྱོར་ཚོགས་པའི་འཐུས་མི་རྣམས་དང་དམིགས་བསལ་སྐུ་མགྲོན་བཅས་ནས་གསོལ་སྟོན་དུ་མགྲོན་འབོད་གནང་བ་བཞིན་མཉམ་ཞུགས་གནང་ཡོད།
ཚེས་ ༢༢ ཉིན་སྐུ་ཞབས་ (Lorenzo Dellai, President of Trento, Dean of Loa Department of Trento University, President of Provincial council, Directrorate of the relagional Council) དང (Mayor of Trento) སྐུ་བཅས་ལ་རིམ་པས་མཇལ་འཕྲད་དང་སྦྲགས་ལྷན་ཚོགས་གནང་ཡོད་པ་དང་། ཕྱི་དྲོ་བོད་རྒྱ་གཉིས་དབར་གྱི་འབྲེལ་མོལ་གྱི་གནས་བབ་དང་། མ་འོངས་བོད་ཀྱི་གནས་བབ་ཅེས་པའི་བརྗོད་གཞིའི་ཐོག་ལྷན་ཚོགས་ནང་མཉམ་ཞུགས་གནང་།
ཚེས་ ༢༣ ཉིན་དེ་གའི་གནས་སྡོད་བོད་མི་རྣམས་དང་ལྷན་འཛོམས་ཐོག་ཚོགས་འདུ་གྲུབ་རྗེས་ཚེས་ ༢༤ ཉིན་མི་ལན་ནས་རོམ་དུ་ཕེབས་ཐོན་གྱིས་ས་གནས་དེ་གའི་ནང་ཉིན་གྲངས་གཉིས་ཀྱི་ལས་རིམ་ཁག་གྲུབ་མཚམས་ཚེས་ ༢༧ རོམ་ནས་ཨེམ་ས་གྲམ་བརྒྱུད་མཁའ་ལམ་ཐོག་ལྡི་ལིར་ཕེབས་ཐོན་གྱིས་ཚེས་ ༢༩ མཚན་མོ་ལྡི་ལིར་ཕེབས་འབྱོར་གནང་རྒྱུ་ཡིན་པ་བཅས་ཀྱི་གནས་བསྡུས་སུ།།
