༢༠༡༣ ཟླ་ ༤ ཚེས་ ༡༢ རེས་གཟའ་པ་སངས།
༄༅། །ཁེ་ན་ཌའི་ལྗང་ཁུ་ཆབ་སྲིད་ཚོགས་པའི་གྲོས་ཚོགས་འཐུས་མི་ལྕམ་སྐུ་ཨེ་ལི་ཛ་བྷ་ཨེ་ཝེན་མཆོག་གིས་ཁེ་ན་ཌ་གཞུང་ཕྱོགས་ནས་ཆེད་བཙུགས་གནང་བའི་ཆོས་ལུགས་རང་དབང་ལ་བོད་དོན་རྩད་ཞིབ་གནང་དགོས་པའི་སྐུལ་མ་གནང་བ་མ་ཟད། བོད་ནང་གི་འགྲོ་བ་མིའི་ཐོབ་ཐང་ཡར་རྒྱས་གཏོང་ཐབས་སུ་ལས་ཁུངས་དེའི་ངོས་ནས་གདོང་ལེན་གནང་དགོས་སྐོར་གསུངས་པ་དང་ཆབས་ཅིག་གསུང་དོན། བོད་ནང་གི་གནས་སྟངས་ནི་ཆེས་ཛ་དྲག་ཆེ་རུ་འགྱུར་བཞིན་ཡོད་པ་དང་། ལྷག་པར་རྒྱ་ནག་གཞུང་ཕྱོགས་ནས་སྲོག་ཁྲིམས་ཀྱི་ཉེས་ཆད་ཚད་ལས་བརྒལ་བའི་ལག་བསྟར་བྱེད་བཞིན་ཡོད་སྟབས། ཁེ་ན་ཌའི་གཞུང་ཕྱོགས་ཀྱི་ཆོས་ལུགས་རང་དབང་ལས་ཁུངས་ཀྱི་ངོས་ནས་བོད་ནང་གི་དངོས་ཡོད་གནས་སྟངས་རྩད་ཞིབ་ནན་པོ་གནང་ཐོག་བོད་ནང་གི་བོད་མིའི་འགྲོ་བ་མིའི་ཐོབ་ཐང་སྲུང་སྐྱོབ་ཆེད་གདོང་ལེན་གནང་དགོས། དེ་བཞིན་ཁེ་ན་ཌའི་ཆོས་ལུགས་རང་དབང་ལས་ཁུངས་ཀྱི་ལས་དོན་གནང་ཕྱོགས་ལ་དུས་ཡུན་ཕྲན་བུ་འགོར་སྲིད་ཀྱང་གང་ལྟར་ལས་ཁུངས་དེའི་ངོས་ནས་བོད་ཐོག་འཛིན་པའི་ལངས་ཕྱོགས་ལ་དོ་གཟབ་གནང་དགོས་རྒྱུ་དེ་ནི་ལས་ཁུངས་དེའི་གཞུང་ཚབ་པ་སྐུ་ཞབས་བྷན་ཌེ་ལགས་ཀྱིས་ལས་དོན་གཙོ་གྲས་ཆགས་ཡོད། ཅེས་སོགས་གསུངས་འདུག་པ་བཅས། །
