༢༠༡༣ ཟླ་ ༤ ཚེས་ ༡༠ རེས་གཟའ་ལྷག་པ།

༄༅། །དབྱིན་ཡུལ་གྱི་སྲིད་བློན་ཟུར་པ་ལྕམ་སྐུ་མེ་གྷ་རེ་ཊི་ཐེ་ཅར་ (Baroness Margaret Thatcher) མཆོག་འདས་གྲོངས་སུ་གྱུར་བར་བོད་མི་མང་སྤྱི་འཐུས་ལྷན་ཚོགས་ཀྱིས་ཚོགས་གཙོ་སྤེན་པ་ཚེ་རིང་མཆོག་གི་མཚན་ཐོག་ནས་སྲིད་བློན་ལས་ཐོག་སྐུ་ཞབས་ཌེ་ཝི་ཌི་ཀེ་མེ་རོན་མཆོག་ལ་མྱ་ངན་གུས་འདུད་ཀྱི་གནས་འཕྲིན་ཞིག་ཕུལ་བའི་ནང་འཁོད་དོན།

དབྱིན་ཡུལ་གྱི་སྲིད་བློན་ཟུར་པ་ལྕམ་སྐུ་མེ་གྷ་རེ་ཊི་ཐེ་ཅར་མཆོག་འདས་གྲོངས་སུ་གྱུར་བར་བཙན་བྱོལ་བོད་མི་མང་སྤྱི་འཐུས་ལྷན་ཚོགས་ལ་ཧ་ཅང་བློ་ཕམ་བྱུང། སྐུ་ཉིད་མཆོག་གིས་གསུངས་པ་ལྟར་ལྕམ་སྐུ་དམ་པ་ཁོང་ནི་དབྱིན་ཡུལ་གྱི་བུད་མེད་ཁྱད་པར་བ་ཞིག་ཡིན་པ་མ་ཟད། དུས་རབས་ཉི་ཤུ་པའི་ནང་འཛམ་གླིང་གི་དབུ་ཁྲིད་གཟེངས་སུ་ཐོན་པའི་གྲས་ནས་གཅིག་ཆགས་ཡོད། དེར་བརྟེན་ང་ཚོས་སྙིང་ཐག་པ་ནས་དམ་པ་ཁོང་ལ་མྱ་ངན་གུས་འདུད་ཞུ་རྒྱུ་ཡིན། ཞེས་འཁོད་ཡོད་པའི་མྱ་ངན་གུས་འདུད་ཀྱི་གནས་འཕྲིན་ཞིག་ཕུལ་འདུག་པ་བཅས། །