༢༠༠༩ ཕྱི་ཟླ་ ༥ ཚེས་ ༡༨ རེས་གཟའ་ཟླ་བ།
༄༅། །དཔལ་ལྡན་ཆོས་རིག་བཀའ་བློན་ཚེ་རིངཕུན་ཚོགས་མཆོག ༢༠༠༩ ཕྱི་ཟླ་ ༥ ཚེས་ ༡༩ ནས་ཚེས་ ༢༦ བར་ཉིན་གྲངས་ ༧ རིང་གཞུང་འབྲེལ་ཕྱོགས་བསྐྱོད་གནང་རྒྱུ་ཐུགས་གཏན་འཁེལ་འདུག
དེ་ཡང་ ༢༠༠༩ ཕྱི་ཟླ་ ༥ ཚེས་ ༡༩ ཕྱི་དྲོ་གངས་སྐྱིད་ནས་སྤ་ཀོར་དང་དེ་ནས་མེ་འཁོར་བརྒྱུད་ཕེབས་ཐོན་གྱིས་ཚེས་ ༢༡ སྔ་དྲོ་སྦེལ་ཀོབ་ལུགས་བསམ་གཞིས་ཁོངས་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་དུ་ཕེབས་འབྱོར་གྱིས་ཚེས་ ༢༢ ཉིན་སྐྱབས་རྗེ་གྲུབ་དབང་པད་མ་ནོར་བུ་རིན་པོ་ཆེའི་དགོངས་རྫོགས་མཆོད་འབུལ་དུ་ངོ་བཅར་ཞུ་རྒྱུ་ཡིན་འདུག་པ་དང་། ཚེས་ ༢༣ ཉིན་སྔ་ཕྱི་ཚོགས་ཐེངས་གཉིས་ལ་ཆོས་སྡེ་ཁག་གི་འདུས་ཚོགས་སུ་བོད་མིའི་ཞི་བའི་སྒེར་ལངས་དང་གཞུང་མང་བཙན་བྱོལ་དུ་འབྱོར་ནས་མི་ལོ་ ༥༠ འཁོར་བའི་དུས་དྲན་སྲུང་བརྩི་དང་བསྟུན་བོད་གཞུང་ཆོས་རིག་ལས་ཁུངས་ཀྱི་ལས་དོན་དང་འབྲེལ་བའི་བརྗོད་གཞིའི་ཐོག་གསུང་བཤད་གནང་རྒྱུ། ཚེས་ ༢༥ ཉིན་སྦེལ་ཀོབ་ནས་སྣུམ་འཁོར་བརྒྱུད་སྦེང་ལོར་དང་དེ་ནས་མཁའ་ལམ་ཐོག་ལྡི་ལིར་ཕྱིར་ཕེབས་ཀྱིས་ཚེས་ ༢༧ སྔ་དྲོ་བཞུགས་སྒར་དུ་ཕྱིར་ལོག་གནང་རྒྱུ་བཅས་ཀྱི་གནས་བསྡུས་སུ།།
