༢༠༡༣ ཟླ་ ༤ ཚེས་ ༤ རེས་གཟའ་ཕུར་བུ།
༄༅། །བོད་མིའི་སྒྲིག་འཛུགས་ཀྱི་དབུས་དང་ཕྱོགས་མཐའི་ལས་ཁུངས་མ་ལག་རྣམས་ཕྱི་ལོ་ ༢༠༡༣ ཟླ་ ༤ ནས་བཟུང་ཟླ་རེའི་རེས་གཟའ་སྤེན་པ་དང་པོ་ལས་ཉིན་དུ་རང་སོར་གནས་རྒྱུ་ཕུད། དེ་བྱིངས་ཟླ་རེའི་རེས་གཟའ་སྤེན་པ་གཞན་རྣམས་སྤྱི་སྲོལ་ལྟར་ལས་གསེང་བྱ་རྒྱུ་དང། དེ་ཡང་ད་ལྟ་ལས་གསེང་མ་ཡིན་པའི་རེས་གཟའ་སྤེན་པ་གྲངས་ ༡༦ ཡོད་པ་དེ་དག་གི་ལས་དུས་ཆུ་ཚོད་ ༡༢༨ བྱེད་པ་ཁ་གསབ་ཆེད་འདི་ལོ་ཕྱི་ལོ་ ༢༠༡༣ ལོའི་རིང་ཕྱི་ཟླ་ ༤ ཚེས་ ༦ ནས་ཕྱི་ཟླ་ ༩ ཚེས་ ༣༠ བར་དང། དེ་རྗེས་ལོ་རེའི་ཕྱི་ཟླ་ ༤ ཚེས་ ༡ ནས་ཕྱི་ཟླ་ ༩ ཚེས་ ༣༠ བར་ལས་དུས་སྔ་དྲོ་ཆུ་ཚོད་ ༩།༠༠ ནས་ཕྱི་དྲོ་ཆུ་ཚོད་ ༦།༠༠ བར་བྱ་རྒྱུ། ཟླ་རེའི་རེས་གཟའ་སྤེན་པ་དང་པོ་ནམ་ཡིན་ལ་བོད་ཀྱི་སྲིད་བྱུས་ཉམས་ཞིབ་ཁང་ནས་གོ་སྒྲིག་ཞུ་རྒྱུའི་ཚོགས་འདུ་ཁག་དང། ལས་ཁུངས་ནང་ཁུལ་གྱི་ལས་དོན་ངོ་སྤྲོད་གནང་རེས་ཀྱི་ཚོགས་འདུ། ལས་ཁུངས་སོ་སོའི་ལས་བྱེད་པའི་བཞུགས་མོལ་ཚོགས་འདུ་བཅས་བྱ་རྒྱུའི་ཞིབ་ཕྲའི་བཀོད་ཁྱབ་ཟུར་དུ་གནང་རྒྱུ་བཅས་གཏན་འབེབས་གནང་སོང་བའི་འཛིན་སྐྱོང་བཀོད་ཁྱབ་ཏུ། བཀའ་དྲུང་ཡིག་ཚང་ནས། ཕྱི་ལོ་ ༢༠༡༣ ཟླ་ ༤ ཚེས་ ༤ ལ།།
