༢༠༠༩ ཕྱི་ཟླ་ ༥ ཚེས་ ༤ རེས་གཟའ་ཟླ་བ།

༄༅། །བོད་མིའི་ཆོས་སྲིད་གཉིས་ཀྱི་མངའ་བདག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་ ༢༠༠༩ ཕྱི་ཟླ་ ༤ ཚེས་ ༣༠ ཉིན་མཱ་སཱ་ཆུ་སེའི་བཟོ་ལས་སློབ་གཉེར་ཁང་དུ་ (Massachusetts Institute of Technology) མགོན་པོ་གང་ཉིད་ཀྱི་མཚན་ཐོག་ཏུ་

མཱ་སཱ་ཆུ་སེའི་བཟོ་ལས་སློབ་གཉེར་ཁང་གི་དགེ་སློབ་རྣམས་ནས་༸གོང་ས་མཆོག་གི་བཀའ་སློབ་གསན་བཞིན་པ།

(The Dalai Lama Centre for Ethics and Transformative Value) ཞེས་པའི་བསྟི་གནས་ཁང་གསར་པ་ཞིག་དབུ་འབྱེད་བཀའ་དྲིན་བསྐྱངས་པ་དང་བསྟུན་བཟང་སྤྱོད་དང་འགོ་ཁྲིད་བཟང་པོ་ (Ethics and Enlightened Leadership) ཞེས་པའི་བརྗོད་གཞིའི་ཐོག་ལྟ་བ་དང་འགོ་ཁྲིད་བཟང་པོ་བྱ་ཕྱོགས་སྐོར་ལ་བཀའ་སློབ་སྩལ་དོན། ཆོས་ལུགས་དབྱེར་མེད་དགོས་རྒྱུ་དེ་ཧ་ཅང་གལ་ཆེན་པོ་ཡིན་པ་དང་། འགོ་ཁྲིད་བཟང་པོ་ནི་དྲང་བདེན་དང་། སེམས་བཟང་དེ་བཞིན་ཕྱི་གསལ་ནང་གསལ་ཞིག་བྱེད་དགོས་ཀྱི་ཡོད་སྐོར་ལམ་སྟོན་བཀའ་སློབ་

༸གོང་ས་མཆོག་ནས་མཱ་སཱ་ཆུ་སེའི་བཟོ་ལས་སློབ་གཉེར་ཁང་དུ་བཀའ་སློབ་བཀའ་དྲིན་སྩོལ་བཞིན་པ།

ཟབ་མོ་ཕེབས་ཡོད། སློབ་ཕྲུག་གཅིག་ནས་༸གོང་ས་མཆོག་ལ་འཛམ་གླིང་ནང་མིག་དཔེར་འོས་པའི་འགོ་ཁྲིད་ཁག་གཅིག་མིང་འབོད་གནང་རོགས་ཞུས་པར་མགོན་པོ་གང་ཉིད་ནས། ཨ་རིའི་སྲིད་འཛིན་ཟུར་པ་ཇོ་ཇི་བུ་ཤུ་དང་། (George W Bush) རྒྱ་གར་གྱི་སྲིད་འཛིན་དང་པོ་ཌོར་ཊར་ར་ཇིན་ལྷ་ར་པར་ས་ཌེ། (Dr. Rajindra Prasd)མའོ་ཙེ་ཏུང་ (Mao Zedong) བཅས་མིང་འདོན་གནང་སྟེ་ཁོང་རྣམ་པའི་བཟང་ཕྱོགས་ཀྱི་ཁྱད་ཆོས་རྣམས་ངོ་སྤྲོད་གནང་ཡོད་པ་རེད།