༢༠༡༠ ཕྱི་ཟླ་ ༡ ཚེས་ ༡༦ རེས་གཟའ་སྤེན་པ།
་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་
༄༅། །ཕྱི་ལོ་ ༢༠༡༠ ཟླ་ ༡ ཚེས་ ༡༢ ཉིན་བྱང་ཨ་རིའི་གླིང་ཆེན་གྱི་ཁོངས་གཏོགས་ཧེ་ཊི་ནང་ས་ཡོམ་ཤུགས་ཆེ་བརྒྱབ་པ་དེར་༸གོང་ས་མཆོག་གིས་ཧེ་ཊིའི་སྲིད་འཛིན་མཆོག་ལ་ཐུགས་གསོའི་གསུང་འཕྲིན་ཞིག་སྩལ་ཡོད་པའི་ནང་། ༄༅། དཔལ་ལྡན་མི་རྗེ་མཆོག རེས་གཟའ་མིག་དམར་ཉིན་རྒྱལ་ས་པོཊ་ཨོ་པི་རིན་སིའི་ནང་ས་ཡོམ་བརྒྱབ་པར་བརྟེན་མི་མང་པོའི་ཚེ་སྲོག་ཤོར་བ་དང་རྒྱུ་དངོས་ཕོན་ཆེ་ཞིག་ལ་གོད་ཆག་ཆེན་པོ་བྱུང་བར་ངོས་རང་བློ་ཕམ་ཆེན་པོ་བྱུང་། ངོས་ཀྱི་ཤེས་ཚོད་ལ་ད་རེས་ས་ཡོམ་དེ་ཧེ་ཊིའི་ལོ་རྒྱུས་ཐོག་ལོ་ངོ་༢༠༠ ཙམ་གྱི་ནང་བྱུང་བའི་ས་ཡོམ་ཚབས་ཆེ་ཤོས་དེ་ཡིན་འདུག ས་ཡོམ་གྱི་གོད་ཆག་ཕོག་པའི་རྗེས་ཤུལ་ཁྱིམ་ཚང་གི་ནང་མི་ཚོར་ངོས་ཀྱིས་སྙིང་ཐག་པ་ནས་སེམས་གསོ་དང་གདུང་སེམས་མཉམ་སྐྱེ་ཞུ་རྒྱུ་ཡིན། རང་འབྱུང་གི་འཇིག་པ་དེའི་ནང་རྐྱེན་འདས་སུ་ཕྱིན་པ་རྣམས་དང་རྗེས་ཤུལ་ནང་མིས་གཙོས་གོད་ཆག་ཕོག་པ་རྣམས་ལ་བསྔོ་སྨོན་དང་བཅས། ཏཱ་ལའི་བླ་མས། གསུང་འཕྲིན་ངོ་མ་དབྱིན་ཡིག་ཐོག་ཡོད་པ་ནས་འདི་ག་བོད་ཡིག་ཚན་པས་ཕབ་སྒྱུར་ཞུས་པས་ཚིག་དོན་ལ་ཧེ་བག་ཡོད་ཚེ་དབྱིན་ཡིག་ལ་རྩ་འཛིན་ཡོང་བ་ཞུ།
