༢༠༡༣ ཟླ་ ༡ ཚེས་ ༢༤ རེས་གཟའ་ཕུར་བུ།
༄༅། །ཕྱི་ལོ་ ༢༠༡༣ ཟླ་ ༡ ཚེས་ ༢༣ ཉིན་ཆོས་རིག་བཀའ་བློན་མཆོག་གིས་སྒྲུབ་བརྒྱུད་བསྟན་པའི་མངའ་བདག་འབྲི་གུང་ཆེ་ཚང་རིན་པོ་ཆེ་མཆོག་ལ་བརྟན་བཞུགས་ཕུལ་འདུག
དེ་ཡང་གོང་ཚེས་ཉིན་སྔ་དྲོ་ཆུ་ཚོད་ ༨ ཐོག་འབྲི་གུང་ཆེ་ཚང་རིན་པོ་ཆེ་མཆོག་གི་མ་དགོན་བྱང་ཆུབ་ཆོས་གླིང་གི་འདུ་ཁང་ནང་ཆོས་རིག་བཀའ་བློན་པདྨ་ཆོས་འབྱོར་མཆོག་དང་སྡེ་ར་ལྡུན་ས་གནས་འགོ་འཛིན། དགོན་པའི་མཁན་བླ་སྤྲུལ་རྣམ་པས་རིན་པོ་ཆེ་མཆོག་གདན་ཞུས་ཀྱིས་བཞུགས་ཁྲིར་འཁོད་མཚམས་ཆོས་རྗེ་སྟོབས་ལྡན་རིན་པོ་ཆེ་མཆོག་དང་དགེ་བཙུན་རྣམ་པས་ཚེ་དཔག་མེད་ཀྱི་སྒོ་ནས་ཚེ་གཏོར་བསྒྲུབས་ཡོད། དེ་རྗེས་ཆོས་རིག་བཀའ་བློན་མཆོག་གིས་འབྲི་གུང་ཆེ་ཚང་རིན་པོ་ཆེ་མཆོག་ལ་བརྟན་བཞུགས་འབུལ་ལམ་ཞུ་སྐབས་ཆོས་རྗེ་སྟོབས་ལྡན་རིན་པོ་མཆོག་གིས་རྡོ་རྗེ་སློབ་དཔོན་དང་མནྜལ་ལྗགས་བཤད་གནང་ཡོད།
དེ་ནས་འབྲི་གུང་ཆེ་ཚང་རིན་པོ་ཆེ་མཆོག་གིས་ཆོས་རིག་ལས་ཁུངས་ནས་བརྟན་བཞུགས་གནང་བར་ཐུགས་རྗེ་ཆེ་ཞུས་པ་དང་ལྷན་གསུང་བཤད་གནང་དོན། ཤ་ཁྲག་གདུལ་བྱ་ལས་གྲུབ་པའི་རིགས་སུ་གྱུར་བའི་ཕུང་པོ་རྣམས་འཇིགས་པ་རང་བཞིན་གྱིས་ཡལ་ཏེ། ད་རེས་ཚེ་དཔག་མེད་ཀྱི་ཚེ་གཏོར་བསྒྲུབས་པའི་སྒོ་ནས་སྐྱེ་བགེགས་བར་ཆད་སོགས་ཞི་ནས་ཚེ་ལྷག་དོན་ལྡན་ཡོང་རྒྱུ་སྨོན་ལམ་རྒྱག་དགོས། ད་ལྟའི་ཆར་བོད་ནང་ཧ་ཅང་ཛ་དྲག་ཅན་གྱི་གནས་སྟངས་འོག་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་སྐྱེས་ཆེན་དམ་པ་རྣམས་སྐུ་ཚེ་ཡུན་རིང་བརྟན་ཆེད་ཚང་མས་དམ་ཚིག་རྡ་རྩ་ཆིག་སྒྲིལ་གནང་དགོས་རྒྱུ་ཧ་ཅང་གལ་ཆེན་པོ་རེད། དེ་བཞིན་བོད་ནང་གི་བོད་མི་ ༩༩ ནས་བོད་བསྟན་སྲིད་མི་རིགས་ཆེད་རང་ལུས་མེར་བཏང་ཡོད། ཁོང་རྣམ་པའི་ཁ་ཆེམས་དང་རེ་འདུན་རྣམས་དུས་རྟག་ཏུ་ང་ཚོས་སེམས་ཁོངས་སུ་འཇོག་དགོས་རྒྱུ་གལ་ཆེན་ཆགས་ཡོད། ཅེས་གསུང་བཤད་གནང་ཡོད་པ་བཅས། །
