ཕྱི་ལོ་ ༢༠༠༩ ཟླ་ ༤ ཚེས་ ༢༡ རེས་གཟའ་མིག་དམར།

༄༅། །དཔལ་ལྡན་སྐུ་སྒེར་ཡིག་ཚང་ནས་ཕྱི་ལོ་ ༢༠༠༩ ཟླ་ ༤ ཚེས་ ༡༨ ཉིན་གྱི་འཁོད་གནས་ནང་། སྤྱི་ནོར་༸གོང་ས་༸སྐྱབས་མགོན་ཆེན་པོ་ལ་རྡོ་རྗེ་གདན་ནང་པའི་ཆོས་ཚོགས་ཐུན་མོང་དང་རང་རིགས་དད་ལྡན་ཁག་གཅིག་གིས་གནས་མཆོག་ཁྱད་འཕགས་རྡོ་རྗེ་གདན་དུ་ཉིན་ཤས་རིང་བཀའ་ཆོས་བཀའ་དྲིན་ཆེ་བའི་གསོལ་འདེབས་ཇི་ལྟར་ཞུས་པ་བཞིན་ཕྱི་ལོ་ ༢༠༡༠ ཟླ་ ༡ ཚེས་ ༥ ནས་ཚེས་ ༩ བར་ཉིན་ལྔ་རིང་མགོན་པོ་ཀླུ་སྒྲུབ་ཀྱི་གསུང་འཇིག་རྟེན་ལས་འདས་པར་བསྟོད་པ་དང་། ཇོ་བོ་རྗེ་དཔལ་ལྡན་ཨ་ཏི་ཤའི་གསུང་བྱང་ཆུབ་ལམ་སྒྲོན། ཀློང་ཆེན་རབ་འབྱམས་པའི་གསུང་སེམས་ཉིད་ངལ་གསོའི་རྩ་བ། རྗེ་རིན་པོ་ཆེའི་གསུང་ལམ་རིམ་བསྡུས་དོན་བཅས་ཀྱི་བཀའ་ཆོས་དང་། ཚེས་ ༡༠ ཉིན་བཀའ་དབང་ཞིག་སྩལ་རྒྱུ་ཐུགས་གཏན་འཁེལ་སོང་བས། དད་ལྡན་ཆོས་ཞུར་བཅར་འདུན་ཡོད་པ་རྒྱ་ཁྱབ་ཡུལ་ཕྱོགས་གང་དུ་སུ་བཞུགས་རྣམས་ནས་གོང་གསལ་དུས་ཚེས་མཁྱེན་རྟོགས་ཆེ་ཆོས་བརྡ་གསལ་བསྒྲགས་སུ། ཞེས་འཁོད་འདུག