༢༠༡༣ ཟླ་ ༡ ཚེས་ ༡༠ རེས་གཟའ་ཕུར་བུ།
༄༅། །འདི་གར་ཕྱི་ལོ་ ༢༠༡༣ ཟླ་ ༡ ཚེས་ ༡༠ ཉིན་ཁུངས་ལྡན་གནས་ཚུལ་འབྱོར་གསལ་ལྟར་ན།
འཁོར་སྐར་གྱི་བརྙན་འཕྲིན་དང་རླུང་འཕྲིན་བརྡ་རྟགས་བསྡུ་ལེན་བྱེད་པའི་ས་ངོས་སྒྲིག་ཆས་ལ་དོ་དམ་ནན་མོ་བྱས་པ་དང་། འཁོར་སྐར་གྱི་བརྙན་འཕྲིན་དང་རླུང་འཕྲིན་བརྡ་རྟགས་བསྡུ་ལེན་བྱེད་པའི་ས་ངོས་སྒྲིག་ཆས་ཁྲིམས་དང་འགལ་ནས་ཕྱིར་ཚོང་དང་། སྒྲིག་སྦྱོར། བཀོལ་སྤྱོད་བྱེད་པའི་བྱ་སྤྱོད་ལ་ཁྲིམས་ལྟར་ཆམ་ཕབ་དྲག་པོ་གཏོང་བ། ཁྲིམས་དང་འགལ་བའི་བརྙན་འཕྲིན་གྱི་བརྡ་རྟགས་རྒྱ་ཡན་དུ་འགྲོ་བར་གཏན་འགོག་བྱེད་པ། རྒྱང་བསྒྲགས་བརྙན་འཕྲིན་གྱི་ལེ་ཚན་བདེ་འཇགས་ངང་སྒྲོག་གཏོང་བྱེད་པར་ཁག་ཐེག་ནན་ཏན་བྱེད་པ། རྒྱལ་ཁབ་ཀྱི་བརྡ་འཕྲིན་བདེ་འཇགས་དང་སྤྱི་ཚོགས་བདེ་འཇགས་སྲུང་སྐྱོབ་བཅས་བྱེད་ཆེད། (འཁོར་སྐར་གྱི་བརྙན་འཕྲིན་དང་རླུང་འཕྲིན་བརྡ་རྟགས་བསྡུ་ལེན་བྱེད་པའི་ས་ངོས་སྒྲིག་ཆས་ལ་དོ་དམ་བྱེད་པའི་གཏན་འབེབས་) (རྒྱལ་སྲིད་སྤྱི་ཁྱབ་ཁང་གི་བཀའ་ཁྱབ་ཨང་ ༡༣༩ པ་) དང་ (འཁོར་སྐར་རྩི་བརྙན་འཕྲིན་རླུང་འཕྲིན་བརྡ་རྟགས་བསྡུ་ལེན་བྱེད་པའི་ས་ངོས་སྒྲིག་ཆས་ལ་དོ་དམ་བྱེད་པའི་གཏན་འབེབས་) ཀྱི་ལག་ལེན་བྱེད་ཐབས་ཞིབ་ཕྲ་སྔར་གྱི་རྒྱང་བསྒྲགས་གློག་བརྙན་བརྙན་འཕྲིན་པུའི་ཡི་བཀའ་ཁྱབ་ཨང་ ༡༡ པ) སོགས་ཀྱི་འབྲེལ་ཡོད་གཏན་འབེབས་ལྟར།
ཞིང་ཆེན་ཡོངས་སུ་འཁོར་སྐར་གྱི་བརྙན་འཕྲིན་རླུང་འཕྲིན་བརྡ་རྟགས་བསྡུ་ལེན་བྱེད་པའི་ས་ངོས་སྒྲིག་ཆས་ (གཤམ་དུ་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཞེས་ཚིག་བསྡུ་བར་བྱའོ) ཁྲིམས་དང་འགལ་ནས་ཕྱིར་ཚོང་དང་། སྒྲིག་སྦྱོར། བཀོལ་སྤྱོད་བྱེད་པར་ཕྱོགས་ཡོངས་ནས་གཙང་བཤེར་དང་དག་ཐེར་བྱེད་རྒྱུའི་ཐག་བཅད་པ་ཡིན་པས། ད་ལྟ་འབྲེལ་ཡོད་དོན་ཚན་བརྡ་ཁྱབ་བཏང་བ་གཤམ་གསལ།
དང་པོ། བརྡ་ཁྱབ་འདི་བཏང་བའི་ཉིན་ནས་བཟུང་། རང་རེའི་ཞིང་ཆེན་གྱི་སྲིད་འཛིན་ས་ཁོངས་ནང་ཁུལ་དུ་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཁྲིམས་དང་འགལ་ནས་ཕྱིར་ཚོང་དང་། སྒྲིག་སྦྱོར། བཀོལ་སྤྱོད་བཅས་བྱེད་པའི་ལས་ཁུངས་དང་མི་སྒེར་གྱིས་ངེས་པར་དུ་ཁྲིམས་དང་འགལ་ནས་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཕྱིར་ཚོང་དང་། སྒྲིག་སྦྱོར་བཀོལ་སྤྱོད་བཅས་ཀྱི་མཚམས་འཇོག་དགོས།
གཉིས་པ། རྫོང་རིམ་པའི་ཡན་ཆད་ཀྱི་བཟོ་ཚོང་སྲིད་འཛིན་དོ་དམ་སྡེ་ཁག་དང་རྒྱང་བསྒྲགས་བརྙན་འཕྲིན་སྲིད་འཛིན་དོ་དམ་སྡེ་ཁག་གིས་རང་སྲིད་འཛིན་ས་ཁོངས་ནང་ཁུལ་གྱི་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཕྱིར་ཚོང་དང་། སྒྲིག་སྦྱོར། བཀོལ་སྤྱོད་བཅས་ཀྱི་ལྟ་སྐུལ་དོ་དམ་བྱ་བའི་འགན་ཁུར་དགོས། འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཕྱིར་ཚོང་དང་། སྒྲིག་སྦྱོར། བཀོལ་སྤྱོད་བཅས་བྱེད་པར་ཁྲིམས་ལྟར་ཆོག་འཐུས་ལག་ཁྱེར་མམ་ལུགས་ལག་བསྟར་བྱེད་དགོས་ཤིང་། བཟོ་ཚོང་སྲིད་འཛིན་དོ་དམ་སྡེ་ཁག་དང་རྒྱང་སྒྲོག་བརྙན་འཕྲིན་སྲིད་འཛིན་དོ་དམ་ཁག་གིས་ཆོག་མཆན་མ་བཀོད་ཚེ། ལས་ཁུངས་དང་མི་སྒེར་སུ་ཡིན་ཡང་ཕྱིར་ཚོང་དང་། སྒྲིག་སྦྱོར། བཀོལ་སྤྱོད་བཅས་བྱས་མི་ཆོག་ལ། འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཁྲིམས་འགལ་ནས་ཚོང་རར་འཁོར་རྒྱུག་བྱེད་པ་གཏན་འགོག་བྱེད་དགོས།
གསུམ་པ། རང་ཞིང་གི་ཁྱབ་ཁོངས་ཀྱི་སྐུད་ཡོད་དང་ཡང་ན་སྐུད་མེད་བརྙན་འཕྲིན་བརྡ་རྟགས་ཀྱིས་ཁེབས་པའི་ས་ཁུལ་ཡོད་ཚད་དུ། གཏན་འབེབས་དང་འགལ་ནས་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་བཀོལ་སྤྱོད་བྱེད་པའི་ལས་ཁུངས་དང་མི་སྒེར་གང་ཡིན་གྱིས་བརྡ་ཁྱབ་འདི་སྒྲོག་སྤེལ་བྱས་པའི་ཉིན་ནས་བཟུང་སྟེ་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་འཕྲལ་དུ་གཙང་བཤེར་དང་མེད་པར་གཏོང་དགོས་ལ། སྐུད་ཡོད་དང་ཡང་ན་སྐུད་མེད་བརྙན་འཕྲིན་བརྡ་རྟགས་ཐོན་མེད་པའི་ས་ཁུལ་དུ་བཀོལ་སྤྱོད་བྱེད་བཞིན་པའི་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཡོད་ཚད་གཙང་བཤེར་དང་། མེད་པར་གཏོང་བ། རྩིས་ལེན་བཅས་བྱས་ཏེ། “གྲོང་ཚོ་ཀུན་ཁྱབ་” དང་ “ཁྱིམ་ཚང་ཀུན་ཁྱབ” ཅེས་པའི་སྒྲིག་ཆས་ཀྱིས་བརྗེ་པོ་བྱེད་དགོས།
བཞི་པ། ཞིང་ཆེན་རིམ་པའི་རྒྱང་བསྒྲགས་བརྙན་འཕྲིན་སྲིད་འཛིན་གཙོ་གཉེར་སྡེ་ཁག་གིས་ཆོག་མཆན་མ་བཀོད་ཚེ། ལས་ཁུངས་དང་མི་སྒེར་སུ་ཡིན་གྱིས་རང་འདོད་ལྟར་རྒྱལ་ཁབ་ཕྱི་རོལ་གྱི་བརྙན་འཕྲིན་ལེ་ཚན་གྱི་བརྡ་རྟགས་བསྡུ་ལེན་བྱས་མི་ཆོག
ལྔ་པ། རང་འདོད་ལྟར་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ཕྱིར་ཚོང་བྱེད་མཁན་ལ། བཟོ་ཚོང་སྲིད་འཛིན་དོ་དམ་སྡེ་ཁག་གིས་དེའི་འཁོར་སྐར་བརྡ་རྟགས་བསྡུ་ལེན་སྒྲིག་ཆས་གཞུང་བཞེས་བྱེད་རྒྱུ་མ་ཟད། འབྲེལ་ཡོད་གཏན་འཁེལ་ལྟར་ཆད་པ་གཅོད་དགོས།
དྲུག་པ། རང་འདོད་ལྟར་འཁོར་སྐར་བརྡ་རྟགས་བསྡུ་ལེན་ས་ངོས་སྒྲིག་སྦྱོར་དང་བཀོལ་སྤྱོད་བྱེད་མཁན། རིག་གནས་ཚོང་རའི་ཕྱོགས་བསྡུས་ཁྲིམས་འཛིན་སྡེ་ཁག་གིས་ཁྲིམས་སྒྲིག་སྦྱོར་བཀོལ་སྤྱོད་བྱེད་བཞིན་པའི་འཁོར་སྐར་བརྡ་རྟགས་བསྡུ་ལེན་ས་ངོས་སྒྲིག་ཆས་གཞུང་བཞེས་བྱེད་པ་མ་ཟད། ད་དུང་མི་སྒེར་ཡིན་ན་སྒོར་སྟོང་ལྔའི་མན་གྱི་དངུལ་ཆད་བཅད་ཆོག་པ་དང་། ལས་ཁུངས་ཡིན་ན་སྒོར་ཁྲི་ལྔའི་ཡན་གྱི་དངུལ་ཆད་བཅད་ཆོག
བདུན་པ། དོ་དམ་སྡེ་ཁག་གིས་ཁྲིམས་ལྟར་འཁོར་སྐར་གྱི་བརྡ་རྟགས་བསྡུ་ལེན་ས་ངོས་སྒྲིག་ཆས་ལ་དོད་མ་བྱེད་སྐབས། བཀག་འགོག་དང་བར་ཆད་གཏོང་མཁན། སྤྱི་བདེ་སྡེ་ཁག་གིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་གྱི་ཉེས་གཅོད་བཅའ་ཁྲིམས་ཀྱི་གཏན་འབེབས་ལྟར་ཆད་པ་གཅོད་རྒྱུ་དང་། གནད་དོན་ཚབས་ཆེ་ཞིང་ཉེས་ཚད་ལོན་པ་ཡིན་ན། ཁྲིམས་འཛིན་ལས་ཁུངས་ཀྱིས་ཁྲིམས་ལྟར་དོ་བདག་གི་ཉེས་དོན་འགན་འཁྲི་རྩད་གཅོད་རྒྱུ་ཡིན།
བརྒྱད་པ། བརྡ་ཁྱབ་འདི་སྒྲོག་སྤེལ་བྱས་པའི་ཉིན་ནས་བཟུང་ལག་བསྟར་བྱེད་རྒྱུ་ཡིན།
མཚོ་སྔོན་་ཞིང་ཆེན་མི་དམངས་སྲིད་གཞུང་གི་ཐམ་ག། ཕྱི་ལོ་ ༢༠༡༢།༡༢།༢༤ཉིན།
