ཕྱི་ལོ་ ༢༠༠༩ ཟླ་ ༤ ཚེ་ ༨ རེས་གཟའ་ལྷག་པ།
༄༅། ཕྱི་ལོ་ ༢༠༠༩ ཟླ་ ༣ ཚེས་ ༢༥ ཕྱི་དྲོ་བོད་གཞུང་ཆོས་རིག་དྲུང་འཕར་ནོར་བུ་དོན་ལྡན་ལགས་རྡ་ས་ནས་ཕྱིར་ཕེབས་ཀྱིས་ཚེས་ ༢༦ སྔ་དྲོ་ཚོུད་ ༧ ཙམ་ལ་དཔལ་ལྡན་ཆོས་རིག་ལས་ཁུངས་ཀྱི་བརྟན་བཞུགས་སྐུ་ཚབ་ཏུ་སིམ་ལར་འབྱོར་རྗེས་ཚོུད་ ༡༠ ཐོག་ཇོ་ནང་མ་དགོན་རྟག་བརྟན་ཕུན་ཚོགས་ཆོས་གླིང་དུ་མཁན་རིན་པོ་ཆེ་མཇལ་བཅར་གྱིས་འཚམས་ཞུའི་མཇལ་དར་ཕུལ་པ་དང་། དཔལ་རྒྱལ་བ་ཇོ་ནང་པའི་བསྟན་པའི་བསྟན་བདག་ཆེན་པོ་སྐྱབས་མགོན་ཁལ་ཁ་རྗེ་བཙུན་འཇམ་དཔལ་རྣམ་གྲོལ་ཆོས་ཀྱི་རྒྱལ་མཚན་དཔལ་བཟང་པོ་མཆོག་ལ་བོད་གཞིས་བྱེས་གཉིས་ཀྱི་ཇོ་ནང་པ་ཐུན་མོང་ནས་བརྟན་བཞུགས་བསྟར་འབུལ་ཞུ་འཐུས་གསོལ་བ་ཕུར་ཚུགས་སུ་བཏབ་པ་བཞིན་བཀའ་བཞེས་ཟབ་མོ་འཐོབ་པ་ལྟར། འཕགས་ཡུལ་སིམ་ལ་ཇོ་ནང་མ་དགོན་རྟག་བརྟན་ཕུན་ཚོགས་ཆོས་གླིང་འདུ་ཁང་དུ་ཕྱི་ཚེས་ ༢༧ བོད་རྒྱལ་ལོ་ ༢༡༣༦ ཟླ་ ༢ ཚེས་ ༡ གཟའ་སྐར་འཕྲོད་སྦྱོར་དགེ་བའི་སྔ་དྲོ་ཕྱག་ཚོད་ ༡༠ ཙམ་ལ་མཁན་རིན་པོ་ཆེ་མཆོག་གིས་དབུས་ལས་སྣེ་ལྷན་རྒྱས་ནས་སེར་སྦྲེངས་བསྟར་སྒྲིག་ཐོག་སྤྱན་རྒྱ་སྤོས་འཛིན་གྱིས་བསྔུན་བསུས་ཏེ་རྗེ་བཙུན་མཆོག་གཟིམ་ཆུང་ནས་གདན་ཞུས་ཀྱིས་བཞུགས་ཁྲིར་འཁོད་འཕྲལ་དབུ་བཞུགས་མཁན་རིན་པོ་ཆེ་ནས་མཇལ་དར་རྐྱང་འབུལ་གྲུབ་རྗེས་ཞལ་འདོན་རབ་རྒྱས་ཕན་བདེ་གསུང་མུར་གསོལ་ཇ་འབྲས་བསིལ་རིམ་ཕུལ་དང་། དེ་ནས་བརྟན་བཞུགས་ཆོ་ག་དངོས་གཞི་དབུ་འཚུགས་ཀྱིས་གསོལ་འདེབས་མལ་སྐབས་མཁན་རིན་པོ་ཆེ་ནས་མལ་ལྗགས་བཤད་ཚིག་བསྟུན་དང་བཅས་སྐུ་གསུང་ཐུགས་སོགས་རིམ་འབུལ་གྲུབ་ཏེ་མཁན་རིན་པོ་ཆེ་མཇལ་ཁ་མཉམ་སྐུ་མགྲོན་རྣམ་པར་མཇལ་གཏོང་མཛད། དེ་ནས་གཏང་རག་མལ་སྐབས་ཆོས་རིག་ལས་ཁུངས་ཀྱི་སྐུ་ཚབ་དང་ས་གནས་འགོ་འཛིན། ཇོ་ནང་བརྟན་བཞུཌ་ཚོཌ་ཆུང་བཅས་ཀྱིས་མལ་འདེཌ་འབུལ་དང་འབྲེལ་ཚོཌ་བཅར་བ་སེར་སྐྱ་རྒན་བྱིས་སློབ་ཕྲུག་ཚང་མར་མཇལ་ཁ་གནང་། རྗེ་བཙུན་དམ་པ་རིན་པོ་ཆེ་མཆོག་ནས་བླང་དོར་ཞུ་སྒོ་དང་འབྲེལ་ཐུགས་རྗེ་ཆེ་ཞུའི་བཀའ་སློབ་ཐུང་ཙམ་གནང་བ་དང་། དེ་རྗེས་དགོན་གྱི་སློབ་གཉེར་བ་ཁག་ནས་རིགས་ལམ་བགྲོ་གླེང་གཟིགས་ཕུད་ཞུས་ཏེ་བརྟན་བཞུགས་མཛད་སྒོ་དངོས་གཞི་གྲུབ་སྟེ་མཁན་ལས་སྣེ་རྣམ་པའི་སྤོས་སྣེས་སོགས་ཀྱི་གཟིམ་ཆུང་དུ་གདན་ཞུ་མཛད་པ་བཅས་ཀྱི་གནས་བསྡུས་སུ།
