༢༠༡༢ ཟླ་ ༡༢ ཚེས་ ༢༥ རེས་གཟའ་མིག་དམར།

༄༅། །བོད་མིའི་སྒྲིག་འཛུགས་སྲིད་སྐྱོང་བློ་བཟང་སེང་གེ་མཆོག་གིས་སྐུ་ཞབས་ཝིར་བྷ་དྲ་སིངྒ་(Chief Minister Mr Virbhadra Singh)མཆོག་མངའ་སྡེའི་འོས་བསྡུའི་སྐབས་རྒྱལ་ཁ་ཐོབ་རྗེས་ཁོང་མངའ་སྡེའི་སྤྱི་ཁྱབ་བློན་ཆེ་དུ་བསྐོ་གཞག་བྱུང་བར་འཚམས་ཕྲིན་ཕུལ་བའི་ནང་འཁོད་དོན། སྐུ་ཉིད་མཆོག་ཧི་མཱ་ཅལ་མངའ་སྡེའི་ཀོང་རེ་སི་ཆབ་སྲིད་ཚོགས་པའི་ཚོགས་གཙོར་བསྐོ་གཞག་བྱུང་བར་ང་ཚོ་ཧ་ཅང་དགའ་པོ་བྱུང། དེ་རིང་སྐུ་ཉིད་མཆོག་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེ་དུ་བསྐོ་གཞག་གིས་དམ་འབུལ་ཞུས་པའི་སྐབས་དང་བསྟུན། སྐུ་ཉིད་མཆོག་མངའ་སྡེའི་སྤྱི་ཁྱབ་བློན་ཆེན་གྱི་ལས་ཡུན་རིང་བྱ་བ་ལམ་ལྷོང་ཡོང་བའི་སྨོན་འདུན་ཞུ་རྒྱུ་ཡིན། སྐུ་ཉིད་མཆོག་ནི་ཡུན་རིང་ནས་བོད་དོན་རྒྱབ་སྐྱོར་གནང་མཁན་གྱི་བོད་མིའི་གྲོགས་པོ་བློས་ཐུབ་གཅིག་ཡིན་པ་མ་ཟད། དེ་སྔ་སྐུ་ཉིད་མཆོག་ལོ་ལྔ་ཧྲིལ་པོའི་རིང་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་གནང་སྐབས། བོད་དོན་ལ་རྒྱབ་སྐྱོར་ཤུགས་ཆེ་གནང་བར་ང་ཚོས་ཡི་རང་ཞུས་པ་དང་སྦྲགས། འབྱུང་འགྱུར་སྐུ་ཉིད་མཆོག་གི་དབུ་ཁྲིད་འོག་བོད་དོན་ལ་རྒྱབ་སྐྱོར་མུ་མཐུད་གནང་རྒྱུའི་རེ་བ་དང་འབོད་སྐུལ་ཡང་ཞུ་རྒྱུ་ཡིན། སྤྱིར་བོད་མི་རྣམས་ཀྱིས་རྒྱ་གར་གཞུང་མང་གཉིས་ཀྱི་བཀའ་དྲིན་བསམ་ཤེས་བྱེད་བཞིན་ཡོད་པ་དང། ལྷ་པར་མཛེས་སྡུག་ལྡན་པའི་ཧི་མཱ་ཅལ་མངའ་སྡེའི་གཞུང་མང་གཉིས་ཀྱི་བཀའ་དྲིན་བསམ་ཤེས་བྱེད་བཞིན་ཡོད། ང་ཚོས་སྐུ་ཉིད་མཆོག་རྡ་སར་ཕེབས་སྒུག་ཞུ་རྒྱུར་དང་དུས་ཁོམ་བྱུང་འཕྲལ་ང་ཚོས་སྐུ་ཉིད་མཆོག་ལ་ཕེབས་བསུ་ཞུ་རྒྱུ་ཡིན། ཞེས་འཁོད་ཡོད། མ་ཡིག་དབྱིན་ཡིག་ཐོག་ཡོད་པ་ནས་ཕབ་བསྒྱུར་ཞུས་པས་དབྱིན་ཡིག་ལ་རྩ་འཛིན་ཡོད་པ་འཚལ། །