༢༠༡༢ ཟླ་ ༡༡ ཚེས་ ༢༠ རེས་གཟའ་མིག་དམར།
༄༅། །འདི་གར་འབྲུག་སྡོད་བོད་མིའི་བདེ་དོན་ལས་ཁུངས་ནས་བཏང་གནས་ནང་འཁོད་དོན། རྒྱ་ནག་གཞུང་ཕྱོགས་ནས་བོད་མིའི་ཐོག་མི་སྤྱོད་ལས་འདས་པའི་དྲག་གནོན་དང་གདུག་རྩུབ་ཅན་གྱི་སྲིད་བྱུས་བཟུང་བ་དེ་དག་ལ་ཞི་རྒོལ་ཆེད་རང་རིགས་རྣམས་ཀྱིས་རང་ལུས་མེར་སྲེག་གཅིག་མཇུག་གཉིས་མཐུད་གཏོང་བཞིན་ཡོད་སྟབས། བོད་ནང་གི་ཛ་དྲག་ངང་གནས་ཡོད་པ་སྤྱི་དང་། ལྷག་པར་བོད་བསྟན་སྲིད་མི་རིགས་ཀྱི་དོན་དུ་རང་ལུས་མེར་སྲེག་བཏང་གནང་མཁན་རྒྱལ་གཅེས་པ་འདས་གསོན་ཡོངས་ལ་གདུང་སེམས་མཉམ་སྐྱེ་དང་མྱ་ངན་གུས་འདུད་མཚོན་ཆེད་ཕྱི་ལོ་ ༢༠༡༢ ཟླ་ ༡༡ ཚེས་ ༡༣ ཉིན་འབྲུག་ཐིམ་ཕུ་ཁུལ་དུ་གནས་སྡོད་བོད་མིའི་གཞིས་སྒར་ཁག་བཞི་ནང་གི་གཞིས་དགོན་དུ་མི་མང་འདུ་འཛོམས་ཀྱིས་མཆོད་འབུལ་སྨོན་ལམ་གསུང་འདོན་གནང་ཡོད་འདུག དེ་བཞིན་ཕྱི་ཚེས་ ༢༡ རེས་གཟའ་ལྷག་པ་སྐུའི་བླ་གཟའི་ཉིན་ཡང་བསྐྱར་ཁྱབ་ཁོངས་གཞིས་སྒར་ཁག་གི་ནང་མཆོད་འབུལ་སྨོན་ལམ་རྒྱས་པ་ཞིག་འཚོགས་འཆར་ཡོད་འདུག་པ་བཅས།།
