༢༠༡༢ ཟླ་ ༡༢ ཚེས་ ༧ རེས་གཟའ་པ་སངས།
༄༅། །བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་འཁྲིད་དེ་རྒྱ་གར་མངའ་སྡེ་སོ་སོའི་མངའ་སྡེའི་སྲིད་སྐྱོང་དང་། སྤྱི་ཁྱབ་བློན་ཆེན། གྲོས་ཚོགས་ཚོགས་གཙོ། མངའ་སྡེའི་གྲོས་ཚོགས་འཐུས་མི་གང་མང་བཅས་ལ་མཇལ་འཕྲད་གནང་རྒྱུ་དང་། གསར་འགོད་གསལ་བསྒྲགས། དེ་བཞིན་མི་མང་བཅས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་དང་རྒྱབ་སྐྱོར་ཡོང་ཐབས་ཀྱི་ཞུ་སྐུལ་བྱ་རྒྱུ་ལྷོ་ཕྱོགས་བརྒྱུད་མངའ་སྡེ་ཁག་དང་། བྱང་ཕྱོགས་བརྒྱུད་མངའ་སྡེ་ཁག བྱང་ཤར་བརྒྱུད་མངའ་སྡེ་ཁག་བཅས་སོ་སོར་བོད་མི་མང་སྤྱི་འཐུས་ ༦ རེའི་སྣེ་འཁྲིད་དེ་ཕྱོགས་སོ་སོའི་བོད་མི་གྲངས་ ༡༢༠ རེ་དང་བླང་འཛུལ་ཞུགས་ཀྱིས་ལས་འགུལ་སྤེལ་རྒྱུ།
ལས་འགུལ་གྱི་དུས་ཡུན།
ཕྱི་ལོ་ ༢༠༡༣ ཟླ་ ༡ ཚེས་ ༡ ནས་ཚེས་ ༢༩ བར་ཉིན་དེར་ལྡི་ལིར་འབྱོར་རྒྱུ།
ལས་འགུལ་གྱི་མིང་།
རྒྱ་གར་མངའ་སྡེ་ཁག་ནང་བོད་དོན་ཞུ་སྐུལ།
ལས་འགུལ་གྱི་དམིགས་ཡུལ།
བོད་ནང་གི་ཛ་དྲག་གནས་སྟངས་ངོ་སྤྲོད་དང་རྒྱབ་སྐྱོར་ཡོང་ཐབས།
ལས་འགུལ་སྤེལ་ཡུལ།
ལྷོ་ཕྱོགས་བརྒྱུད་མངའ་སྡེ་ཁག Kerala, Tamil Nadu, Pondicherry,Karnataka, Andhra Pradesh, Goa, Maharashtra, Gujarat, Rajasthan,
བྱང་ཕྱོགས་བརྒྱུད་མངའ་སྡེ་ཁག Jammu and Kashmir, Himachal Pradesh, Punjab, Chandigarh, Hariyana, Utaranchal, Uttar Pradesh, Bihar, Madhya Pradesh,
བྱང་ཤར་བརྒྱུད་མངའ་སྡེ་ཁག Arunachal Pradesh, Nagaland, Assam, Meghalaya, Sikkim, West Bengal, Orrisa, Jharkhand, Chhattisgarh, བཅས་སོ།
ལྷོ་ཕྱོགས་བརྒྱུད་ལས་འགུལ་སྣེ་འཁྲིད་མཁན།
སྤྱི་འཐུས་རྒྱ་རི་བུ་ཕྲུག་ལགས། སྤྱི་འཐུས་ཚེ་རིང་གཡུ་སྒྲོན་ལགས། སྤྱི་འཐུས་ཨ་ཀྲུག་ཚེ་བརྟན་ལགས། སྤྱི་འཐུས་འཇིགས་མེད་འབྱུང་གནས་ལགས། སྤྱི་འཐུས་བློ་བཟང་ཡེ་ཤེས་ལགས། སྤྱི་འཐུས་བུ་མོ་ཚེ་རིང་ལགས།
བྱང་ཤར་བརྒྱུད་ལས་འགུལ་སྣེ་འཁྲིད་མཁན།
སྤྱི་འཐུས་པདྨ་འབྱུང་གནས་ལགས། སྤྱི་འཐུས་གསེར་རྟ་ཚུལ་ཁྲིམས་ལགས། སྤྱི་འཐུས་མཁན་པོ་ནོར་བུ་ཚེ་རིང་ལགས། སྤྱི་འཐུས་བསྟན་པ་ཡར་འཕེལ་ལགས། སྤྱི་འཐུས་དབྱངས་ཅན་སྒྲོལ་དཀར་ལགས། སྤྱི་འཐུས་ཤར་གླིང་ཟླ་སྒྲོན་ལགས།
བྱང་ཕྱོགས་བརྒྱུད་ལས་འགུལ་སྣེ་འཁྲིད་མཁན།
སྤྱི་འཐུས་ཐུབ་བསྟན་ལུང་རིགས་ལགས། སྤྱི་འཐུས་ཟླ་བ་ཚེ་རིང་ལགས། སྤྱི་འཐུས་རྨོག་རུ་བསྟན་པ་ལགས། སྤྱི་འཐུས་དགེ་བཤེས་སྐལ་བཟང་དགྲ་འདུལ་ལགས། སྤྱི་འཐུས་ཡེ་ཤེས་སྒྲོལ་མ་ལགས། སྤྱི་འཐུས་གངས་ལྷ་མོ་ལགས།
གོང་གསལ་ལས་འགུལ་སྣེ་འཁྲིད་གནང་མཁན་ཆ་བགོས་སྤྱི་འཐུས་རྣམ་པ་སོ་སོ་སྔོན་ཚུད་མཉམ་འཛོམས་ཀྱིས་ལས་རིམ་སྒྲིག་རྒྱུ་དང་། ཕྱོགས་སོ་སོའི་མི་མང་རྣམས་དང་བླང་གི་འཛུལ་ཞུགས་གནང་དགོས་རྒྱུ་བཅས།
བོད་མི་མང་སྤྱི་འཐུས་ལྷན་ཚོགས་ནས་ཕྱི་ལོ་ ༢༠༡༢ ཟླ་ ༡༢ ཚེས་ ༥ ལ།།
