༢༠༡༢ ཟླ་ ༡༠ ཚེས་ ༢༥ རེས་གཟའ་ཕུར་བུ།
༄༅། །ངོ་དེབ་ཁག་དང་གསར་འགྱུར་བརྒྱུད་ལམ་ཁག་ནས་གནས་ཚུལ་སྤེལ་གསལ་ལྟར་ན། ཕྱི་ལོ་ ༢༠༡༢ ཟླ་ ༡༠ ཚེས་ ༢༡ ཉིན་ཀན་ལྷོ་ཁུལ་སྤྱི་བདེ་ཅུས་ཟེར་བའི་ཉེན་རྟོག་ལས་ཁུངས་ནས་བརྡ་ཁྱབ་ཅིག་སྤེལ་ཏེ། མེར་བསྲེགས་དང་འབྲེལ་ཡོད་མི་སྣ་རྩིས་སྤྲོད་བྱེད་མཁན་བྱུང་ཚེ་རྒྱ་སྒོར་ཁྲི་ ༥ ནས་ ༢༠ བར་གྱི་བྱ་དགའ་སྤྲོད་རྒྱུ་ཡིན་པའི་བརྡ་ཁྱབ་ས་གནས་གང་སར་སྦྱར་འགྲེམས་བྱས་འདུག
བརྡ་ཁྱབ་དེའི་ནང་། ཉེ་ཆར་བོད་མདོ་སྨད་གཙོས་དང་བླ་བྲང་ཁུལ་དུ་རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་གྱིས། སྔ་ཕྱིར་རང་ལུས་མེར་བསྲེགས་ཀྱི་ངོ་རྒོལ་བྱུང་བའི་གནས་ཚུལ་ཐད། ཟླ་འདིའི་ཕྱི་ཚེས་ ༢༡ ཉིན་ཀན་ལྷོ་ཁུལ་ཉེན་རྟོག་ལས་ཁུངས་ངོས་ནས། མང་ཚོགས་ཀྱིས་མ་སྐུལ་དང་ལེན་གྱིས་ཁྲིམས་འགལ་ཉེས་སྤྱོད་འདི་རིགས་ལ་འཐབ་རྩོད་བྱེད་དགོས་པ་དང་། དུས་ཐོག་དང་འཕྱུགས་པ་མེད་པར་ལྐོག་ཇུས་འགོད་མཁན་མངོན་གསལ་དུ་ཐེར་འདོན་བྱེད་ཆེད། ཁྲིམས་ལྟར་ཁྲིམས་འགལ་ཉེས་སྤྱོད་ལ་དྲག་རྡུང་བྱས་ནས་སྟོབས་ཤུགས་ཡོད་རྒུས་རང་ཁུལ་གྱི་འཆམ་མཐུན་གཏན་འཇགས་སྲུང་སྐྱོང་བྱ་དགོས་པའི་བཀའ་རྒྱ་བཏང་སྟེ། རང་ལུས་མེར་བསྲེགས་དང་འབྲེལ་བ་ཡོད་པའི་མི་སྣ་རྒྱ་གཞུང་ལ་རྩིས་སྤྲོད་བྱེད་མཁན་བྱུང་ཚེ་དངུལ་གྱི་བྱ་དགའ་སྤྲོད་རྒྱུ་ཡིན་སྐོར་གྱི་བརྡ་ཁྱབ་དོན་ཚན་བཞི་ཅན་ཞིག་འགྲེམས་བསྒྲགས་བྱས་ཡོད་འདུག་པ་གཤམ་གསལ།
