༢༠༡༢ ཟླ་ ༧ ཚེས་ ༡༣ རེས་གཟའ་པ་སངས།
༄༅། །ཕྱི་ལོ་ ༢༠༡༢ ཟླ་ ༧ ཚེས་ ༡༢ ཉིན་ཨ་རིའི་ཕྱི་སྲིད་དྲུང་ཆེ་ལྕམ་སྐུ་ཧེ་ལི་རི་ཁི་ལིན་ཊོན་ Hillary Clinton མཆོག་གིས་རྒྱ་ནག་གི་ཕྱི་སྲིད་བློན་ཆེན་ཡང་ཇེ་ཅི་ Yang Jiechi ལ་རྒྱ༌ནག་གཞུང་གིས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་དང་ལྷན་བོད་ཀྱི་གནད་དོན་སེལ་ཆེད་གྲོས་མོལ་གནང་དགོས་པའི་རེ་འདུན་བཏོན་ཡོད། ཨ་རིའི་ཕྱི་སྲིད་བློན་ཆེན་མཆོག་ཐེངས་འདིར་ཁེམ་བྷོ་ཌི་ཡའི་ Cambodia རྒྱལ་ས་ནོམ་ཕེན་ Phnom Penh དུ་གཞུང་དོན་འཚམས་གཟིགས་སྐབས་རྒྱ་ནག་ཕྱི་སྲིད་བློན་ཆེན་དང་ཐུག་འཕྲད་གནང་སྟེ་རེ་འདུན་བཏོན་པ་ཞིག་ཡིན་འདུག་པ་བཅས།།